Ugrii 16

1 Yeso ibi kre na mba tudo ngri ndi ti na su na mgba, usu na ughu bo usu na ngri ti ri ne itsinghu maba la nanghu ku ngri ti ri ne nanghu itsi sari bi ma ritsitshinga. 2 Ningha ngri mgba gaha bi ngri ti ni ne nanghu isi, Aki miri hu ni ritsiwu klami ari unghu ti ni nii bua sa bo mu miriya shi wu sabo ni ndu ngami. 3 Ngri ti hu nghami miye nghugnu''miya lu kikiwa uti rimi riya chumi sabo ni ndu mi? misa su na kisheru ti doh ngha, miri lu ruwii ti ya ri muje mangri. 4 Mi hu ngho miriya lu ni ma chumi ni indu mi mangri ma riya bu mi ni kirima. 5 Ringna ngri ku hundu bi ko ndi ti iti-kirin ri du kpukpa shi miye indi, ahe mu kukpa iti-iri na wu?. 6 I kre ku umgbu indi ti manno zaitu i kre nanghu na hi kakambe nghu shi na wa awu attah gblagbla. 7 Ngri lundu bi bindi kukpa wu su ahe?''kugba indi ti tattu; i kre nanghu hi kakambe wu shi wa awu tsene. 8 Iti-iri shonghu ngri hundi ribinghami ti kla mmyinhu mawu gbumitti masu na mmyi na nguma kra mawu killa. 9 Mirikre nanu lu maka ni nguwu na ngnu gbumittin, nirlu myemye maa buwu ni gbugbu kachusu. 10 Ngri ti risheshen na nghu wuu riya lu risheshen na gbu unghu piye, nghu ni sa lu mma na wuu ungnunga, andi riya bi na ngna na ungno ti gbangn. 11 Ni buba lu risheshenga na ungnu bahti gbumittii nga, andi riya bi na wu na ungnoboh tirisheshen.? 12 Ni bu ba lu risheshe na unghu mangri nga andi riya nawu ti tawu?. 13 Ba iti ti riya lundu ni iti-iri aha, re na raa na indi si na bii na indi, re na yingungu na ti ngabu si na raa na ngami, buu pye busa undu ni kpare si lu ni mgba nga. 14 Bebein mba farasi ti mari so mgbo, hu ngho ngami ma shrunghu. 15 I kre nama ku''buu ru hunguwu ku sii ni iyi mangri, re kpare hu mikkii wu na ngri ti ni bingunhu ku iso ngru ni mangri isu nghu ribii ni iyi kpare. 16 Pla'mbe na mba huko ma ti ni indu, sa rukpu ti Yohaya ka ba rhi ngha har beben, mari kre njokre risi ti kiri kpare, a gbu mangri mari kra ti ku ni kame. 17 Esariya su na ringra ni kare na gbu mitti na zeyi nga na indi ni pla'mbe na zheyi. 18 Ngri ti ni shi nghannhu sabo a lu ribla na nghandi iri kparikomu, a ngri ti ni buu ngha ti iblanghu shinghu sabo ri kparuko pye. 19 Ngri ti ni su na ngho-bo a kru ittro ritsitsi a feh kulo ni mgbannghu. 20 Ngri kife, nden ungnu su liazaru, isu na ruko ni igannghu shrashra, irisu ni mgbu gahi kiri ngri ti su na gbu-ngho 21 shi riki kife ti rii iri ti roku ni gboglo ngri ti ni su na gbu-nghu, Ari kabu pye ri ree rukonnghu. 22 Ngri kife ngaha tii a ma hinnghu ka geye Ibrahim, Ngri ti su na nghoybo pye bu, ma songhu ni koribii. 23 Ni kiri-kila iri wa rika, u wure iyi nghu si hu Ibrahim na laizarus ni kro nghu 24 I kii ruye kreku iti Ibrahim, luri na mi tu liazaru, na so ubonghu, miri wa ringra riyi si na so na mi ni kangyu, miri wa ringra ni killangami. 25 Ibrahim kre nanghu ku, 'uwu mi gaa hu rukipi rhingha wa musu na gbunghu, ko laizaru ri wa rika beben nghu rife kalamikkii bu ga rika 26 Na ngaha, kinji ti gba isu ni katehteh yi na wu, ni ngri riso ti rhi ngha ba mi sariya iyanga,nyimu ri bu bami wa 27 Ngri ti su na gbu-ngha gaha kre ku, iti Ibrahim miri kife hwu, tu laizaru ndu ni kiri iti mi. 28 Misu na mawani atta-shina gbuma nama ka ba kachu ringragami nga. 29 Ibrahim la na nghu ku, masu na Musa na mbatuhuuko na ma hu ma. 30 Ngri ti su na gbo-ngho yennghu ku enhei iti Ibrahim ni bu ngri rhi ko ribii ya na ma, mati yeimikkii ma. 31 Ibrahim kre nghu ku ''Ni masa hu musa na mbatuluuko ngha, masariya huu masariya lunga re ngri ryu mi ka na ma.