Ugrii 4

1 Ni nyi rukroh pye na ku lu ihiyi na nguyina ba? Mma sa ri na khidayi yina ti rukroh na mawuniyina nga?. 2 Khidayi pye bu sa su nanghu nga bu wu si sa fe nga pye ga bu sa tru ti bu nga bu kroh si sa bii na nguyina, Bubu sa su nanghu nanga a su ki bu sa mye nanga. 3 Bu mye pye si sa fe nga a su ki bu mye ribiibii ki si lu ndu nanghu ti miki tayuna. 4 Bu mba ti mre na bubu sa hu ku khiri-khika na ugbu miti isu ku lu lhiyi na kpare? rih-khika na ugbu miti ilu kulhuyi na kpare. 5 Re ba hu kuwaa lkhre rhuno nghu uhu ti ni teh nayi ri lu shwrishwri yi glati. 6 A su ki kpare ri di khigrey kpare ki kuwa'a bi khre kpare ri lu kaffu na mba ti gba ti gba risi ki ri di khigrey kpare i su ti mba rhre rhre ni khigrey kpare. 7 Ki di nguwu ni kpare ka bi na ingri ribii yi pye riya khri wu zu na kro. 8 Thri ba gbi na kpare pye nghu riya ti thri ba nawu si hey ari ubo wu bubu mba ribii pye miki yuna na kurhu bubu mangri mba miki aha na. 9 Ringra khibimiki pye khiki na su kutra ihwre khibimiki pye kumbruyina ya hwre khidtrahu. 10 Doshi na risi yina ya na Dada ki nghu riya hi yina. 11 Ka khre ngho ti ribbi manguyina yi mawunina Nghu igri ti ni khre ngho ribii rii risi wani nghu re i tshwruomo ni wani nghu lkhre khre ni risi plambe pye i tshrunomo ni plambe ni bi tshwruomo ni plambe bubu sa su ti du omo nga ki bu su igri tshwruomo. 12 Nghu wudidi su ti ni ri di plmbe pye khitshwruomo. I su nghu mu ti ni ma ti ma ti kraa sabo pye na khiji bubu su di bu ti ni bu tshwru igri ti ni digbi nawu. 13 Bebenghu hu bu ti ni bu khre, ''Ku irenghu re kuku yi yiya ti ya uko gami si yi lu iye ni bu lu rutchu pye si fe ngho je. 14 A ndi hu ari ngho ti ni riya khri kuku pye aki miki wu? A su bubu su mayi ti ni rhu ti wugya yi pye si riya hwrebi. 15 Ni su ye bubu riye khre ku ni Dada ne ti lu ngho yiyi ya kpi pye si lu gami na ngabu. 16 A su ki bebenghu bu hi risi wu glati na ku braa mangri ni hiwuna tshwasshwas kubra i su ribii. 17 A su ti ni ngrudi ti ni hu ti lu ngho mba tisinghu ki si sa lu nga ni nanghu i su nghu ribii.