Ugrii 5
1
Unghu tigba tigbanghu,ti ni machunghu ni kame mangri,ma nanghu ndu ni kanyu mangri ni ariigho ti kpare,si na di ni kpare ariingho ni mangri madi na ni riiya hwuu ni khila ni kre ariingho riibi.
2
U hwu tilu rere na mba ti ni ma sa kpakoyi nga na mba ti ni mambre ma,tini unghu pye usu na kushoga ukru ti mangri.
3
Nyumu,unghu pye uma ti ni riiya lu Hadaya ni kre ariingho riibi ti tanghu,ka ti ni unghu lulu ni krer ariingho riibi ti mangri.
4
I sasu ni kre riinghungunghu mu ni ingri hi ungho ti si ngaminga. kpare mu ni binghui ka ti ni bi Aruna.
5
Ni gahi ukru ngami,unghu kristi sa ne ungho riisi ni riisihnghu ti su tigba tigbagbanghu. Unghu ti ni rikre nanghu ikre ku,
"Busu uwu mi,
lreenghu misu ltiwu"
6
Usu ka ti ni unghu na kre pye ni kachundu,
"Busu tigba ti gbagbanghu ti rukpu ti ni so riiya memenga kati melchizedek.
7
Ni arii kpringhu ti ga,kristi ukrubo niyi si mie na arii khiki na mayii kpare,ni unghu mu ni ma ti kre ku isa riiya ti fu nga,u ma hwu nanghu nikre riikringhu ka ti kpare.
8
Na unghu ni nasu uwu,ikla khidi riisi na riingra ti ni wa.wa riingra ni riisinghu.
9
Ma yende a su maa sisu,ni ingri ti ni bii manghu,kulu ti ni feh khiyi ti rukpu shasha.
10
Kpare lunghu na su tigba kaze kpare melchizedek.
11
Yi su na ngo mbribri ti kre ni riisi yeso,ki a su na riingra ti yi mekre ni yiyina yi sa rukwu kre riisisi na nga.
12
Na rukpu ngami usu ti ni bu kasu mba ti kla na,ko ki bu ye riine ingri ti ni riiye klayina aringho ikre kpare ti ni ma sa lu khinjinga. Ba rii ne mayibeh na,sa khiya ti sherunghunga.
13
Ti unghu ngri ti ni rii wa mayibeh i sa hwu kre kusu piye piye riisisi nga,nikre ku usu wuci.
14
Ko khiya ti sheninghu usu ti mba ti ni ma gba.uma mu ni kre kumayi ma kla kuhwu ngho ma ni gahi ti ni ma riiya hwu riisi na riibi.