1 Krenyie na yi su mba ti duho kpare, so mawu ti kibii ta. 2 Na yi kri ni kibii, so ti kristi bii nayi shi dii risi ta nayi, nghhho kyemgbi ti kuloh ni dii risi ni ukoh kpare. 3 Koh na ma ka fe ugri ndi ni ameh wu na, ti ngho shi rhe ngho ribii, rhe ti yaa risiiwu, kre ngami sa sii ni mangri kpare ti ni masa pye pye. 4 Na ma ka fe ngho ti urhyi tingho bii, rhe ugri gbududu, rhe ku tagba ni sa yi so ni khi whrii. 5 Bhe huu shi yii ni miki wu ku, ngri ti ni lungho she, ngho ti ni Su ribii she ngri ti ni yaa risi taa, ngho mu ni duzi gahe ma ti, sa so na kachu su ne kureh kristi na kpare. 6 Na ngri ndi ka mbre wa ne ukre Gbudulu ngoh, kre nyiemu ni kafuh kpare rhi ba ni risi mawu utsheru risi. 7 Krenyie, ka haa risi lu na ma ngoh. 8 Bhi su udjwahu rikoh, bebe ngho bhi su ukpako ni kameh Dadayi, lu rikri soh mawu kpako. 9 (Kre waa ti kpako usu uduzi ngho kpare rhi yaa, kulu ngho risi ni risheshe) 10 Shi kla ngho ni Dadayi rhe huu uloh. 11 Ka haa risi lu ni ngho djwahu ti ni sari yaa heyi ngoh, Yeeh shi hwe Mata ni kayeh. 12 Usu ngho riwhii namah kre ngho ni marhi lu ni ribaba. 13 Koh ni marhi hwe nghondi yaa ayehkre ukpako, koande la huu ngho. 14 Ngho ti ni marhi huu nasheyi usu kpako. Krenyie ma kre"Yende ubu ni rhi lalah, shi yande ni rifu, ka kristi la kpako ni risi wu. 15 Me lu aka ti bi rhi kri kasu soh mba djwahu risi ngoh, usu ka mba kpayi risi. 16 Nayi kra, kre ma ukpri ndi su ribi. 17 Krenyie, ka sumangri gbudulu yi, koh, me kohu ngho ti ni Dadayi rhi ya. 18 Ka feh ni mate ngoh, ngho mi ni la na rikri tu su ris ngoh. Krenyie na uhuu ris ti kpare na mlo wu. 19 Ka lugri ni ngu na ni rila risi ni kre shingba shi ka chi ngah na Dada yi ni mikitu pye. 20 Kalu uwhrii ni mawungho pye, ni nde Dadayi Yeso kristi na kpare utiyi. 21 Nayi dii risi na ngiyi shi dhi rikku na kristi. 22 Mangha, dii risi na mabla wu na, oka ti bi la lu na dadayi. 23 Ubla mu ni su risi ti ngha, aka ti kristi mu ni su risi ti kazeh ukruu kpare, ngo mu la kraa igaa yi saboh. 24 Aka ti kazeh ukruu kpare Di ris si na kristi, aka mi mangha pye dii risi na mabla wu na ni mawungho pye. 25 Mabla na, Bii mangha wu na, ka ti kristi bii na kazeh du kpare. Shi dii risi ta kre ngho. 26 Kre ti ku naa ti wami ni ukre ta. 27 Kre na dii kazeh ukruu ta na risi ngho ni rikkuku, na ma sa fe ngho ribii rhe ngho she rhe nghondi so nyie, Koh na su pye pye ni ngho utuu ngoh. 28 Aka mi ni mabla pye la bii na mangha ma so ti igaa ma Ngri ti ni bii na ngha ta bii na risi na risi nghu. 29 Ba ngri ti ni raa ni risi ngoh, koh shi ni ureh risisi na risi yashi dii rikpu na ngho, aka ti kristi dii rikpu shi yaa urch risisi na kazeh ukruu ta. 30 Kre ti yi su igaa ndi na ngho. 31 Kre nyie ngri la uti ngho na uni ngho sabo shi bre na nghha ta, Mma aha ndi la su igaa ndidi". 32 Rishshe ti ni tariba me usu ukpo kre, memi miri ingri ni risi kristi ni kazehh ukruu ta. 33 Rhisu nana, na ko ande bii na nghata aka ti ni bii na risi ta, Ngha ndi na dii rikku na ubla ta pye.