1 Bulusu uwundu ti risii ti kristi Yeso na kubi Kpare ka na magri tisii ti Kpare mba ti ni ma su risheshe ni Yeso kristi. 2 Khigru Kpare nawu na kalamiki ti ni mba itiyi Kpare na dada yi Yeso kristi 3 Na Kpare naiteyi ti dadayi Yeso kristi ma shonde nghen mu ni dubo ti sii-sii nayi na kru bo tisii ti kare ni kristi "Kpare chu yi ni nghonu ri kuzimiti ti ri-ri ku si yi su mbati ni ja lu iri ngah ni ko tawun ni kame ku bei 5 Kpare chuyi na Kpare kajimelu ri-ri ni kulu yi ka Yeso mawun ni ihe Yeso kristi ni ka mu ihe tisii na kube nghu 6 heyibii ti ni Kpare beyii ti Yeso mawun mu ni bi ku shonde ti sii ni Kpare ni greyi tagba nghu i na yii luno ni igri tini bii na nghu 7 Ni kami Yeso kristi ba kraa yi sabo na mayi nghu ti ni luri na kugbuhu ti ni yi lu na nghu ni kamai ngho ubo ti Kpari grey. 8 i je khigree nayi na kukpakorisii ti tshrwa tshrwa 9 Kpare kla nayi ngho ti ni luruba ni miki nghun nghown ti ni sii nghon miki, tini kla neyii ni kristi. 10 Na urii ti mehu rigbo ti ni riya gbu nghon ba kacu wudindi nghon ni kare na miti ni dambrii wudindi ni ruhu kristi. 11 Ni kristi man klayi shi chuyi ni kajimelu ta nghon ti ni ludon ruyi ni gbu nghu ni ikre ti ni nghu be 12 Kpare chuyi ti si su mariwafu nghu. ku yiyi ti ni yi na zizi so miki ni kristi, yi ri ya so ti shinde ti ku sii miki nghu 13 Ni kristi bubu ga ti ni bu na lu ikre risheshe ikre kpre ti si nghu ti kraasabo u bu bei nghun ma klu u na tanghu na uhu risii. 14 Nesu khi mebii isi wafu ka gbhe kuchu sabo ri usee wafu yi yi ku shonde tanghu ti gban. 15 Ni kre risi nghun, regbu gabu, yi hu kre ku so miki wu ni dada Yeso na ku bii wu na gbu mangrii Kpare tini masu piye-piye 16 me ba bwa ku wuri ni Kpare ni kre risiu ga lugbu tini me ri feh me ri bii nde u ni kamai ku feh ri ka kpre wa. 17 Me feh sina Kpare ti dadayi Yeso kristi na itiyii gban nawu uhu ti hu ikowa si fuyii ni ku hun 18 Me feh na she yii mikii wuna na hu kukpako shi hu su mikii tini be u na gho wafu na ngho-ngho ti ni bu feh ni kame mba Kpare ti ni ma su pye pye bi 19 Ni kamai arii keifeh mi mei u buriya hu tigba na ku tshweru tini nayi mba ti ni yi bii na undu na tigba ti kiitshweru nghu. 20 Na kiitshweru ngame mu ni Kpare lundu ni kristi ni ana ru ngho ri riifu shi soh ngho ni ubo rii kiya ni kacu tisii ni kare. 21 I sao kristi ni kachu tini chu ugbu mba ti ni bi oriye kezu miti nenghu na kusairu na ku bii, na ndeye ti ni soa ma. Kristi riya su oriye, ba su ti ni riba piye. 22 Kpare gru ugbu ngho lu ni uru uho kristi ni kaze ti doo kristi mu su risi ti ugbu ngho shwa-shwa 23 mba ridoo mu so iga ngho nghonmu ni mlo ni kame nghu na nghu-nghu.