Ugrii 9

1 Nyinmu Shawulu,bu khre ka krekre ku wu arii mawu ku du awu sheha ti Dadayi,a kah na rii tigba mba ruku. 2 A mie unghu kakambe ti ozi Yahudawa ni Dimashiku,na wuu ngrii ti ni rii doh,ko nasu lulu re mangha,ya bwa ma ba urushalima. 3 Da ni kaya uhoo riikre,a su ti nidikpe na Damashiku,ningha khila ruu kare bu klru unghu. 4 A ruu rokii miti,a wuh lilla ka kre naughu,"Shawulu,shawulu,akilu bu rii name ringrah? 5 Shawulu bu bi kre,Bu sii ndi,Dada" Dada bu kre,memer musa iyeso,ti bu rii naughu ringrah. 6 A sukii yende,kah ni kame koh,mari ya la nauwu kandu ni bu ya lu", 7 Mangrii ti ma kree na shawulu ba ya ti kre kandu ngah,shi wuh lilla,ma ba wu nghru ngah. 8 Shawulu bu yende ni miti,da ni fu yii, aba hu kandu ngah,ma bii unghu ni boh kah Damashika. 9 Ipkri atthra ba hu koh ngah,ko na ririh ko na waa. 10 Ni damashika,ingri ti doh ni ma ri beh.Hananiya,kpare bu kre naughu ni khilla"Hananiya"A kre,"Wu,mi teh ni me,Dada". 11 Da bu kre naughu,"Yende,shi ya ni kroh hii ti ni ma ribih gahi ti ma kroh ngah,ya kirii Yahuza shi mye andi ruu Tersus,ndeh su shawulu,ri lu kufeh. 12 I wu ni kuwu unghu ndeh ungru ndi su Hananiya ni raya duboh ni risih unghu ti ni riya whu koh. 13 Nyinmu,Hananiya bu kre,"Dada mu hu na gbu mangrii,ongho ni lu na mba ti doh kpare ni urushalima. 14 A su na kusheru na oriye mba frist na tah mangrii ti ni beh ndeh wu". 15 Dada bukre naughu," Ya,isu ongho lundu titami,ti hii ndeh ya kame mba ti ma ba hu kremengah.na arii oriye na mawu israila. 16 Meriya,kla nangnu yende ni riya waringra ni ku bii ndeh me. 17 Ni ngha,Hananiya bu kagunghu,shi ka kah ni kame kirii,A ka'a ta boh na unghu,na kre,"Wani shawalu,Dada kre,ti ni ruu nauwu ni hii ni ka ba,Itu me ku shi fe ku wuu koh,shi mlo na uhu risii". 18 Riechuchu,kandu ni su ngla ruu roku ni shiye shawulu a ka wu koh,a yende ma lu naunghu Baftisma. 19 A rihree,a shiru,A teh na mawu duh ni kpri aongho ni Damashika. 20 Richuchu,a ka krekre iyeso ni kirii kpene,ka kre ku uwu kpare. 21 Mba ti ma kpetu ma lu Nvu shi kre," Ba su ngrii ti ni ka djhi mangrii ni urushalima ni ngrii be ndeh iyeso? A ka bame ti gluma bwa shi bima yana tigba mba frist. 22 Asukii,shawulu bu sheru brinbri,a ka bi ku Nyekre ni kame yahudawa ni ti masu ni Damashika,shi ka kla ku iyeso su christi. 23 Ni khize gbu kprii,arii yahudawa ma hakpi ti wu-unghu. 24 A sukii shawulu bu who kre ma.Ma ka neh gahi na kpri na ti wu-unghu. 25 A sukii,arii mawu duh,hi unghu nachu,ma ti unghu hi kame grugru zuh gbokoshi naunghu. 26 Da ni ba urushalima,shawulu kokari ti duh arii mawu duh iyeso,a sukii,maka lu shrewshrew unghu,ma ba beh ku unghu su wu ti du ngah. 27 A sukii Barnaba hi unghu ka na rii mba ti tru kre kpare,a la nama kha ni shawulu hu Dadayi ni gahii na yinmu Dadayi bu kre na unghi,na khi kii ni Damashika.Shawulu kre na kugbamikii ni ndeh Dadayi iyeso. 28 A te na ma,ka kah kame a ka ruyeh ni Urushalima,a kre na kugbamikii,ni ndeh Dadayi iyeso. 29 A tshengbu na rii yahudawa ti ma kre Helenanchi,a sukii ma kpi kane ti wu unghu. 30 Da ni mawuni whu kre naunghu,ma hii unghu kah kaisariya ma chuta kah Tarsus. 31 A su nyinmu arii kazeh kpare ni miti yahudiya,na ti Galili,na ti Samariya ma fe bia,ma fe ku gahi risisii,ma ri kree na mikima na shrewshrew kpare.uhu risii klerma,ma fe gbu mangri bremgbrem. 32 A ba rikpu ni Bitirus kree ni gbu kachu,a ka ba ka chu ni uhu mangrii kpare ti ni ma la ni ukoh lidda. 33 Ni ngha a fe ngrii ndi na ndeh ini yasu,ti ni ba unghu na bia har iyeh sinei,a su irii ka whaigah. 34 Bitirus bu la nauughu,ini yasu, iyeso kristi naunghu pia.Yende hi kpachi unghu.ningha a yende. 35 Nyinmu,gbu mangrii ti ni ma su ni lidda na ti miti sarona ma hu ngrii di ma ireba na Dadayi. 36 Bebe unghu ni Yafa akwai uwu duh na ndeh Tabita ni maribi" Dokas". Ngha naunghu mlo na kulu ongho risii tshurimitii ni rii lu ni mba ti ma ugru. 37 A ba ikpri buchuta a ba unghu na pia afu,Da ni ma su unghu gah,ma taunghu ni kaze kare. 38 A su lidda su na kruu na Yafa a tu mawu duh ma wu ku Bitrus te ni kachunghu,ma tu mangrii aha naughu,ma lu kufeh naunghhu,"Ba gblah,ka tiyi". 39 Bitrus bu yende shi duma,Da ni ka ttru,ma bi unghu ka kaze kare,a rii mangha wafu ma kpi ka,ma rii kla arii uttro klu na rii uttro ti so ti ni Dokas ka lu ripku ni te nama. 40 Bitrusu bu zuma ni kame kaze ka kaye,Shumiti,a fe,a whre ka na igah,A kre"Tabita,yende", Ningha,a cla ye unghu,a whu Bitrusu a yende su. 41 Bitrusu bu naughu boh unghu a yende naughu,da ni be mangrii ti ma kpare na arii mangha wafu,a di unghu na riiyhe nama. 42 I kre naunghu bu fa'a ni Yafa,ugbu mangrii bu bhu kre kpare. 43 A fe su nyinmu BItrus bu ndi ndeh su samina.