1 Bitrus na Yohanna ma kiya kazhi kpare ni rukpu ku feh ni ngba tchra ti nnu. 2 Ningha ngre di ni ma hii nghu ba kringa ma hiinghu kaso ni ngbohii ti kazhi kpare tini mairi bri ku ihiiti wayinghu, ma rii sungho ni kachu gaha ku wani ikpri siina kalu rife na mangri tini mariya ti ka ni kama kazhi kpare. 3 Ahu Bitrus na Yohunna mariya ti ka ni kazhi kpare a mia ma ku ma giriinghu. 4 Bitrus bu su iye nanghu, na Yahaya, krii ''niiyi. 5 Ingredi mu ya ye ne ma, sii yi krii ku mari ya nanghu kandu. 6 Bitrus bii kire zinariya na azurfa mi sa su nanghuga, ungho tinimu su nanghu miriya nawu ni indi Yeso kristi ti nazarith yinde. 7 Sii hinghu na ubo iriya Bitrus bi hinghu ka kare, mumgba uhonghu na gbrunghu bii tshreru. 8 Su shwru ka kari, sii ti kakri sii ka du Bitrus na Yahaya ka kazhi kpare, ka kre, ka shrwru sii ka chu indi kpare. 9 Magre shwershwer bu hunghu rii kre sii rii shonde na kpare. 10 Ma hu ku usu ingi tini rii feh ni ngbohii kazhi kpare tina ma ribii ku nghohii ti waiyinghu ti kazhi kpare shwishwi bu ruma na nghu ti ni fen ninghu. 11 A bi Bitrus na Yahaya, magredin shwershwer ma kri ba kachuma ni kachu ni ma iribri ku solomon, na shwishwi. 12 Bitrus bu hunyi sii la ma ku mangre israilana, aki gu su ti shwishwi? aki ni bu so na yi iye na, ka i yendi na ingre nanghu na ku shweru hi rii na unghu ti siinghu?. 13 Kpare ti Ibrahim, Ishaku ni Yakubu kpare ti mateyi, nghumu ni lu ungho ti gbanghana ni uwundunghu Yeso unghu mu ni bii sanghu bama sii rananghu na ahiyi bilatus ti ni na so ti binghu sabo. 14 Bu rana tini su risi na riisiinghu, sii bu boo ingre ti wu mangri na. 15 Bu wu ingri ti ni ridi riishwi, tini kpare nyidanghu ni rufu yisu mba tini ihu na. 16 Rii kachu kubii ni indenghu, ni ndinghgu na ingri nanghu, tini bu rii ni sii ru hu nanghuna, ku shiru. ku bii ti ni ri kachu yesu mu ninanghu upye nanghu ni iyiyina shwershwer. 17 Bebenghu, mawunina mu hu bu unghu ni kuhu wuna nga ni mbati gba yina. 18 unghu ti ni kpare kire ni nyu mba ti hu ihiiyi shweshwe, ku kristi ya ti wa ringre, a bebnghu a ba su nghumu. 19 Ye miki na sii ire, siina unghu ti biin ni bo lu mariya ti funghu lobwa. 20 Sii na rukpu kuyi ni kachu Dada, na rii ya tu undu na kristi ti ni sunghu nayina, yesu. 21 Unghumu mungba ni kari yati bunghu, yalu rukpo ni ma yinde na koki ti ni kpare kire kasasa ni nyu mba mati hu heyi risi. 22 Musa kire kpare riya ti yinde na ingri ti huko so me ni kame mawuniyina. biya kpetu ni ikriinghu shweshwena. 23 Yasu ku ungri ti ni ba kpe tu ni igrii ti huheyi nga riya ti be shweshwe ni kame mangri. 24 Usu nghu na ma huhiyi rii samaila na mba tini ma ba ni kizhinghu, ma krii sii kla ikprina. 25 Bosu mawu mba huhiyi mbamena na ti ni kpare taungu ni mati yina, ila Ibrahim rii kame mawuwu miriyati tangu lu ni kiri ti kizhi miti yati dubo. 26 Ni khizi kpare yande na uwundu ta, u kaji tu ngho ndu nawu na kire na dubo na yina nayi ire na yi kpe ni gho ribii.