1 Nde nuu dingho meme, Bulusu bii tuundu ti ma bii arii mba ti duwa sii zhrima sii krii nama reingha a ka misidoniya. 2 Nde ika zu kame arii uku mba me i krii ugbu ikre ti zhrimiti na ma, Aba greece. 3 Nde i su ti uwha atra ninghaa, ni kaya tiya Syriya mba Yahuda ka ungu lo ni riisii nghu a re kazu masidoniya. 4 Mba ti ni ma du ngho ka tru asaia uma mu sa sopota uwu ti pyrrhus ti ni rii berea Aristarchu na secundus, shrashra ma su mba ti du ti ni mari Tasalonikawa Gaius ti derbe Timotawus na tychicus na Trophimus re Asia. 5 Mangri bame ma katru sii kpi ka gbeyi Troad. 6 I nyende shi filibi na wasii ni khizeh kpri ti rhi falafa ti ni ba yi na ikpri ata i ba name ni trias. Ningha yi kpi ti ikpri ta mba . 7 Na ikpri ti indidi ti sati nde ni i ba kpi shrashrayi ti iya rhi falafaBulusu bii kre ni mba ti du kaya ti shima ni kpri ti ahangho a krii kriigho ka tru kpukpu chu. 8 Na arii ugbo kela ni kazhe kare ti ni igbe shra shray. 9 Wusa indi bii su ni riisii rundo indingho su eutychus kela ti shirungho bu run. Nde ni Bulusu ti ka krii kriingho, wusa nangho, bu suka lakela, sii ku rii kazeh kari ti atrungho ma ba hiingho asu ruku. 10 Bulus bii shika miti sii wuuhanghoghu su rungho ringhangho. 11 A re ka kazeh kari sii ka rhi falafa nde sii krii na ma ti ugbu rukpu katru unure sii shima. 12 Ma bii wusa dingho bona reshrengho a na ma kukala ni miki tigbangho. 13 Yiyi na riisiiye i Juihii ni Bulusu na wasii ti manye sii ka assos ti ni iriya ti hii Bulusu ni wasii manga ungho ti ningho na risiigho ma su to lu usu ti kree na miti. 14 Na ni feye ni Assos i hi ghu ni wasii manye sii ka mitylene. 15 Inyenda renya sii ka tru kpa bre kungbo ti chios. Ni ikpri ti ahangho ibii ka tru kpabre unghoo ti sa mos na ikpri ti ni iba tru uku miletus. 16 Bulusu gah ti zu afisus sii na ka bii rukpu ni Asia; Ka Yauhu ti yatru Urishilima du i kpri pen ticost ka wayi ni kasu nyumu nangho 17 Ni miletus a tu mangri ka afisus sii bii mba rukuti kaze kpared. 18 Nde ma ba mangho a kre ''Bubu na riisiiyena hu ku rii ikpri ti ni muba asia, krundu ni miri wu rukpu mi nayina. 19 Mu kre rii lu undo kpari kpare na kuga na kuki na ni ka me rengra ti ni fe me ni mba yahuda ma haunyu lu. 20 Bu hu kande ni ma ba tamba nakandu ti ni riya ti kra yenanga na kande ni mi kla ye na ni kaye na kiri na kari. 21 Ka krii na Yahudawa na greck ni krii keyemiki yana kpare na ku su miki ni Dada Yeso 22 Bebengho me riya Urishilima, uhu kpari rii fume mu ba hu kandu niti rii gbemenenghanga. 23 Sii uhu kpare lame ku ni kuweni ukru zhrenzre na rengra rii gbe. 24 Na nyumu mu ba hi re nenghame na su kandu namenga, Ni miri ya ti lu meme ku kree na sii me lumeme undo ti ni mu bu rii kachu Dada Yeso, na kulu kpare ku me krii krengho. 25 Bebenghu hu mu hu ku shrashra yena bu su ni kame mba ti ni me ka kree ka kree ikre kpare nayena bu bii riya ti hume nanga. 26 Ni kpri tini rangho, me li layena ku mu su piyepiye ba mayi ungro ni riisiimenga. 27 Mu ba taruba nayina na isimiki kpare nanga. 28 Lu rere ni riisiiyina, na arii mangri tini uhu kpare nawu ti ka huma lurere na ku ha mangri kpare tini vhua ma na mayingho. 29 Mu huku ni me kagume na arii muku mariya ti ba kameyina ma bariya ti sha arii mubu'nga. 30 Mu hu ku ni kameyina mba saga riyati yenda sii krii unghu ti biingho du sii na gbe arri mba tiduu dumawa. 31 Kpi na yena ga ku na iyeh atru mu ba bwa ku krii na kuke na uchu na uno na indidiye na'nga. 32 Bebenghu me hiye na dii ni kpare na ikriikugrengho, ti ni riya ti mewu ya kare sii na nawu ungho ti ni su tawu ni kame mba ti ni ma nanama piyepiye na mayi uwa kpare. 33 Mu ba klo iye na kpanzi, tisingho riikpanzi ti glo iye rii ni utru ti ungro-nga. 34 Bubu na riisiiyina bu hu ku uboo nangho name ungho ti ni me riine na ugho ti mangri ti ni ma kpi na me rii na pia. 35 Ni kame unghu shrashra me layena ungho tilu sii gra mba ti ni ikre Dada Yeso, ikrii ti ni kre na riisiingho isii glati na ti dii na ti bu. 36 Ni khizeh ikrii mbame i sho na ngbru sii lu ku feh na kpare na me na ma shrashra. 37 Ma ka ni ku kii nangha sii ku ni ga Bulus sii wha ungungho. 38 Ma bii miki na ungho ti ni krii ku mabariya ti hu iyengho ku ma'nga ma duungho ka kachu wasii many.