1 Bebe ngho ma wani fe nayi na, ina kre Kpare nafe riko toti kachu tayi nan. So ni ma ri yi sabo ni kachu miki ribi na tibe, Isu tshra-tshra nima bu mangrii kre Kpare ngha. 2 Nanyi itiyii su na rishe-she nghu 3 na ke nanyi itiyi tsweru ti ya namu kitswi ru shi chuwu ru ribe. nibo ba tibe. 4 Yisu na ke gbamiki ni itiyi ni kachu Kpare ni kre wu. ti biyalu site kalu ikre ti yi la nawu. 5 Na itiyi na mu, miki wu ni kibi Kpare su gbuni na kristi. 6 Bebe nghu ma wani na command ni kame nde itiyi Yeso kristi, runa ni-kame bati ni ma barikri risisi na-nga, toti niyi wanayi na. 7 Bubu na nisiwu bu huna, i si ti bi kadu kezi yina, yi ba kpe runo rukpu tiyi kpe nayi na-nga. 8 Yi sa ri, iriyi na, su ra, ti kpr wu na nga, yi lu ndu ichu na ino si yi kasu nawu isi nanyi. 9 Yi lu ngami, bu ti ti basu na ku gba ti ya la nayi kulu nayi na-nga yi lu si yi shi su nghu kikla nika chuyi na. si bubo pye lu izi ti iri tayi na. 10 Rukpu ti yi kpi nayi na, yi nawu ikre na, ingri ti ni balu ndu nga maka naghu iri yi. 11 Yife ikre ki ni kame yi na, mbadi ma lulu sabo saga ri ra ti lundu ma, ri ze riku nayi ba ndu kan-ndu. 12 Bebe nghu, yi ri du Uju sari fema ni kachu Yeso kristi, ma lu ndu na boma si na mafe kiya ti. 13 Ma wani na, ka funbra na kullu risi nayi. 14 Ingri ti ni ba du ikre nganga be tayi na-nghu nga, so yi na-nghu na si ka karisi lu na-ngho yi, sina wa rubi. 15 Kahi nghu nasu ika, i hiyi wuna yi, hi nghu nasu wani, ni ka chuwu na. 16 Bebe nghu, Kpare ti ridi kuyi, na risi nghu na, nawu kuyi ni rukpu rukpu, Kpare nati nayi na. 17 Meme Bulusu, mu wa gani na bomi isu nghla ni, ari Nga-Nga be ti ni muwa. 18 La itiye Yeso kristi nati nayi na, Nasu nyimu