Ugrii 1

1 Sima Bituru, ifiina zeze du itiyii Yeso kristi, mati ti ni ma bu royi na bimikii indigba, bimikii ni ummah ti kpare na wu iyesu kristi. 2 Kuglree Kpare na kilamiki na mbrii ni ummah ti Kpare na itiyi Yeso itiyi. 3 Na kulu boungn, nanghu rinngha na ku du Kpare inayi shwasha na Kparisi ti Kpare ni biiyi ni kugba na kisi ngho. 4 Ni ngho inayi royii na kugha kutannwau sina yi yife ti taya ni ihi Kpare, ibuyi sabo ni ngho ribii ni bo mba ribii. 5 Ni su yimu gbara miki su lu ngho tisi ni isimikiwu ni isimikiwu jhe kugbarisi, 6 Kugbarisi jhe na kuhu risii, kuhurisi jhe na kugbamikii. Kugbamikii jhe na rikri ihii Kpare, 7 Riikri ihii Kpare jhe na kuhha riisii mawoni, kuha riisi mawoni jhe na khibe. 8 Ni baami, ma kpenawu, shi gba nawu, bu baa su nglo ni kuhu itiyi Yeso kristi. 9 Ngri ti ni safe ku hu risi ngah ingrii ti ni playii i remikiku suu nwugah ni ihii ribi gaa. 10 Ni suyimu, mawuni, lu risi ti bu ku buwu na ku biwu, ni bi lu ngho mbami ma bi saya riku ngah. 11 Ni ihi nagbo bu riye fe ka ni kiri Kpare itiyi Yeso kristi. 12 Nisu yimu, miriya ti ghlewu mbami, i su ngho ni buhu hu ku bu sheru ni risheshe ngho ni bi fe. 13 Mu whu, isi nami na kusu ni kame igha si gaa hu isi si kalu ni ihi ku gaa mikiwu 14 mimi hu, ku djih igami idigbi, itiyi Kpare Yeso kristi i lanimi. 15 Mi riya lu shi, rukpu ni mi ka gumi, si ka rembuki na ngho mimi la nayi na. 16 Yiyi yi sadu ihi ku gluu ngye, niyi la nawu ku sheru na kuba utiyi Yeso kristi, yi su mba niyi huna sheyi yi ti ititi dada. 17 Ibu ti gba na ku shonde na itiya Kpare ni lilla dadayi ni kre. Nasu wumi ti ni me bi ngho. 18 Yiyi hu lika wu ni rii kare ni yi pki na ngho uhu gashu. 19 Yiyi ti niyife, klar mati ti nisu rishasha ngho mu riya ti miki shi su ka killa ni kachu ti trahu ya Nghakpri ni ya ngha na njikah ti chuchu ni mikiwu. 20 Shwashwa ngho, ba kuhu ni kre mati nisisu titamaa gha. 21 Ba kre mati nisu kulu mangrii, kre Kpre rii na mangrii ni fe uhu Kpare