¹ Yi hu ku ni kiri yii ti miti rubru ni dji yi su na kirii na Kpare. Usu kirii ti ni sa su ngri ni mhe na ubo nanga. Usu kirii ni kirii ti gba ni kiri ti kare. ² Ni rubru ngami, yi kpi na rika si ri ne utro na kirii yi ti kirii Kpare. ³ Yi gbe hoo niyi kre ma sa biya fe yi mgbe nga. ⁴ Ukru ni yi kpi ni kame ribru, yi bii miki na ringra yi sa yi ti kpi so yi sa su na utro nga, yi ne ti klru utro, siyi si na igah yi na yati miri ngho na ringha. ⁵ Ti ni meyi lu ni kre ngho mbami su Kpare, ina yi miki ti si ngho na doo nayyi na ngho ni riya ba. ⁶ Nisu yimu gbaa bimikii ko na shiya na yi hu ku niyi kpi ni kirii ni iga ngri yi kpi nagyu na Dada. ⁷ Yi ri krei na bimiki sa su na ku bu nga. ⁸ Yi su na ku gbaa miki, y riya ra ti kpi ni igah ni mi si yi kpi na Dada ni kirii ⁹ Yi riya ti lu nghu na su ngho ta yi, re yi kpi kirii re ni kaye si na si nanghu. ¹⁰ Yi riya ihiyi nghu ni ko katchu umo ti Yeso, si na ko-ndi na bu ngho. Ngho ti ni lu na iga nghu re ti si ngho re ti bii. ¹¹ Ni su yimu yi hu tshitshi Dada, yi kre na mangri, ngho ti ni yi ri lu Kpare ri hu. Mi ga hu ku iklo na yi piya na ni miki yi na. ¹² Yi sa ri kre yi na ganga si ne yi ka mba tisinghu. Yiri kla yi na si muru na yi na, ma riya ti fe ngho ti kre ni mba ni ma ri ke na ngho iga sa su na ngho ti ni ti miki ¹³ Ni yi sa ru ni miki yi nga, usu ti Kpare ni yi kpi ni miki yi ti singho, usu ni riisi-wu. ¹⁴ Kibii yi na Yeso rhu yi bi ni kre yi gboo, ku ngri ndindi fu ni riisi yi tshatsha, ngyimu yi fu tshatsha. ¹⁵ E fu ni tshatsha, shi na mba ti ni ma kpe na ringha maka kpi ti risi ma nga, na su na nghu ti ni fu ni risi ma a bi gyende. ¹⁶ Ni ngho ngami ri bebe nghu ya ihi yhi, yi sa ya ti hu ungru ni ibe iga nga, yi na hu Kristi ni iga, Ri bebe- nghu yi sa bi hu nga. ¹⁷ Ni si yimu ngri ti ni ti na Kristi usu ngri rhihe nghu ribii ma wure bi, hu ma re mba rhihe. ¹⁸ Tshwatshwa ngho mba mi ri na Kpare, I rhe yi ba na ngunghu ri na Kristi a na yi katchu kuluma ti rhi yi ba. ¹⁹ Ngaha su na Kristi, Kpare rhe miti tsatsa ba na ngunghu, si sa rine ari ngho ti ni ma lu nga. Ri na yi ikre ti ehr ba na-nghu. ²⁰ E na yi yi su mba ndu Yeso, ka Kpare ka fe na yi yi fe na wu, ni kre Yeso, Re ba na Kpare. ²¹ U lu nghu sa hu ngho ribii nga na su ngho ribii nayi, si yi su ngho ti si ngho ti Kpare na nghu.