¹ Uma mi kpa, koni sa su na u-ngha ti fe nga mi riya kre na ari u-ngha ri na Dada. ² Mi hu ungru na Kristi Iye awu shi ane ti ni chuta ni ri ni iga re sa su ni iga nga mi sa hu nga, Kpare hu. Ma ru-nghu ni kame kiri Kpare ti atcha. ³ Mi hu ku ingri ngami re ni iga re sa su ni iga nga, mi sa hu nga, Kpare hu. ⁴ Ma ru-ngha ni kame paridise a hu ari ikre ti ni sa hu risima nga kusa si mangama kre. ⁵ Ni kanyu ukru ingri ngani mi riye kpo. Nisu ni risi mi, mi sa riya kpo nga, ni su riya su ni ku rbukumi. ⁶ Ni mi ne ti kpo, mi sa riya lu ribii nga, asu mi ri kre ti ritsheyshe ni sa yimu mi sa riya kpo nga, si ma ka hu mi kra na u-ngbu ti nami re ungho ti ni hu mi kre. ⁷ Ti bi mi, ka mur na ngumi ni khre ari u-nho ti gba ti ni riya kla ku tchu ti gba ni iga ma na mi ingri ti fumdu ri na shaitan na nami ringra, si mi sa ka mur na ngumi yi. ⁸ Mi fe na Dada ho atscha ni khre u-ngha ngami si na hi ngha bwa mi sabo. ⁹ Akre nami, ku khi greh i ma nawu. ni khre khi tshweru su na kulu ti si-nghu ni ku rhuku. mi riya ne ti kpo ni khre ku rhuku mi, sina khi shweru ti Kristi riya ti na mi. ¹⁰ Ni su yimu mi su na ku mlo ni kre Kristi ni khi rhuku ni kuthu, ni rika, ni ringra na na rikpu kbi biimikii. Na ri kpu ni iga mi fe khi rhuku ni ngha mu tsheru. ^{13 11} Mi su ka ingri ni su hamwu! Bu saa mi, mi ka ngami, ka su nyhe nga yi ka ri shomide na mi, Mi, na sa ai u-ngha ti ni sa siti ne nga na ari mba ni ri bi ngu-ma ku zezebu ti gba, asu mi sa su kandu nga. ¹² Ri tshetshe khi kla ti zezebu ma ka lu ma ni kame yina na inghre khi bimiki, khi kla na u-ngha ti di tshitshi na u-ngha ti ni kra khi tshi ti lu. Khi ki ni yi sa ma na ringri ari kaze Kpare, mi na sa su u-ngha rika na yina? Luri nami na, na ari u-ngha ribii mbami. ¹⁴ Hu mi ri ne ti ba nayi na ho ti atcha, mi sa riya ti su rika nayi na nga mi sa ri ne u-ngha ti ni su ta yina nga mi ri so yina. Mawu sa riya ti fe u-ngha Lu ni mati nga, usu mati ni ma riya fe u-ngha lu ni mawu. ¹⁵ Mi riya whir na gbawa ti wu na si ma wu ni khre miki yina. Ni mi bii nawu glati yi riya bii nami wundhje na? ¹⁶ Ka ni su, Mi sasu rika nayi na-nga Nisu mi sa su na kulu ngha ribii, mimi wu ni rhu yina na kumbre ¹⁷ Yi hu na ku mi hi ihi ni risi yina rhe na ungru ni mi tu na yina? ¹⁸ Mi lu na Titus na ya na yina, si bi ti ringri mawoni na nghu.Re Titus ba hi ihi ti kra na yina? Yi sa krii ni ukru miki wundindi nga? rhe yi sa krii ni ukru rhikrii wundindi nga? ¹⁹ Rhe yi hu na ari rikpu ngami yi ka kre aii u-ngha ni risi nayi na? ni kuhu ti Kpare, mba ni mi bii nayi na, na Kristi yi ka kre ko ki na nayi khi ishweru na. ²⁰ Mi lu tshitshi ku ni mi ba mi sa riya fe yina ukru ni mi rine nga. Mi lu tshitshi ku yi ne sa riya ti fe mi ka ni yi re na Mi lu tshitshi ku yi sa riya ti kruoh, khi ne ribii, kafu na rhu, khi so sheyi.khi kenyuu, re ndjwa' risii na kulu u-ngha ni sa su ni ihi nga. ²¹ Mi lu tshitshi ni mi re ba Kpare mi riya mhe mi bii ni iyi na. Mi lu tshitshi ku mi ka fe khi bii miki na ugbu mba ti ni ma lu u-ngha ribii kasosa si sa ne khi fe rhi u-ngha ribii na khi la na ma-ngha na khi lu bu bokpi ni ma ka lu