¹ Ijesu rharu imiehimi vbọni negbevati orhẹ da igbaa mane hi ukhiomi ẹmi nikhọ fona kherẹ e le fiagha,khe rhẹe kuẹẹ eto ukanuka neni ẹkhuomi ukhanuka. ² Nọnọ eva imiehimi ijesu nogbeva eni khe nọ ọnọ gbekia,saimọni [ naikhe rhu ipita] neni anduru othuvbọni ijemisi omi Zebedi neni ijọni ọthuvbọni, ³ Ifilipi neni ibatilomi idemisi omi Afiosi neni itadiọsi. ⁴ Isamọni nọmọni ọyaya,neni judus iscarioti nokhina ọnọ rhọ khahẹ . ⁵ Enogbe nọ ijesu yeghi ne dala ẹẹkpa ọrẹ kpashẹ naneni ọrhẹ vba bọimi la ahi eni khe nihẹ oithalọbua hi , neni vba boimi oo ẹkẹ ene khina samaritani da ⁶ Ọthihionọni vba dala ghow afẹ isirẹli la gbaọ ehuma neyaghagha! ⁷ Gbi vba hi dala vbare rhohi chia ''Ghuvie oithalọbua tire ho. ⁸ Kuẹẹ eneto,vbọhẹ ene woagha kpie itọ va ene gbitọ egbere ,neni khu khe le ẹmi nọbe fiagha ọfẹ ọnu mẹ nyie ,rhofe dana . ⁹ Uboimi da enimi igolu,ghabade,abi erhe highowa akpolo. ¹⁰ Uboimi muakpolo nuarhẹ kia ghothẹ urhẹi abi udamẹ wan,abi ibata ,ota narẹ kọnwan,Asoo ghoohi e na ọnọ yi uhiomi. ¹¹ Ẹ ẹkẹ nilebee abi ẹkẹ nikemi nu vahi kọhẹ ọnọ haya rhami khi uitọ ya rhamini warẹ vayare. ¹² Gbi uhi oafẹ aya la,thue ene rhaya . ¹³ Ini arẹ vbọ ena thẹ khi ọfọre yẹ kpẹraheni Ama inikhi ọena, thẹkhi ọfọre yẹ kiegbere hiyẹ. ¹⁴ Na ene khina eni khi nyieyẹ khi eni khi dehọghi hirhohi yẹ, hi we va afẹaya re abi ẹkẹ aya ,kpihi ebubu avọ yẹ haya. ¹⁵ Ata mirẹ rhohi nayẹ ọre khina ema regbe nyie na sodonu ni gpmora hi ẹẹ nọkhina eeisuẹthẹ vbahẹ ẹẹkẹ ọni. ¹⁶ Gho ,miyeghi yẹ dala atẹ yẹ ohuma nọri iyiolo idumu ,mọni eghuani yẹ ẹnyiẹ lẹ khe yẹ ulẹ khukhu nikhọsa . ¹⁷ Wẹ kanhẹ aoghogbọ aghai emuyẹna ekpahẹ emu yẹ dala akhoi la gbe iyahi ¹⁸ Amuyẹ vare nyiọvbi ijọba neni ba aso mẹ, hi ọsei neni enkenihẹ oithalọbua . ¹⁹ Ekhẹ leyẹmu iogho fiemahi emuarhohi, emuarhohi adanayẹ eghẹ ghẹ hienọni. ²⁰ Ọkhini wẹwẹ khuwa rhohi , Ama emi irhayẹ nọfonani nori yẹ ọnọe rhohi . ²¹ Ọthu amu othu na eeu ,neni irha hi họmọ ibia ekhuaegbere hi ene bianeni emuna aso vbeni oyemi are gbooneni agha. ²² Ọso khoso gbei ọrẹh kheghi yẹ na aso eva mẹ . Ama ọnini ọmo di ọgbọ ukhuọni oni ọọ momọni . ²³ Inih ahi ẹkẹ ọnọ leyẹ khe yadala ẹkẹ oihi Ata mi rhohi nayẹ wa sẹ kia ẹkẹ isreal enọ gbei rẹso omi ọso ọarhẹ vare. ²⁴ Omi ehimi dokpe vbahe ọnọ khahẹ ọni abi ọmọdọ kho khe vbhahẹ ọgaọni. ²⁵ Ọhiemi na imiehimi khẹ khe yẹ ọnọ khaheni neni ọmọdọ nọ yẹ ọga inha khogbo ru oga emi ethu khahẹ gbọi le khọ khahe ma Biezebu khahe eva no khoo ni nae khe ru imi afe vboni. ²⁶ Asoo yọ hi thẹ ohi veheni mu yẹ regbe khahẹ hi ovbo ni avbehe ni nikhi owe agha neni ame emi evbegheni nikhi oregbe khahe. ²⁷ Emimi hi ghowa ebi rhohi khee hi onota rhohi oni emimi fegbe rohi na ye khe hi ukhomi ovbaghida rohi oni . ²⁸ Wehi aa oohi ene ma gbe usi egbe yẹ agha ama nikhi e ma gbe emi ye agha. othi hiononi yaa oohi oni ọni ọma fuhe neni emi mu fihi eimi ghera. ²⁹ Okhini ikọbọ ẹva arhẹ erọnọ eva doo?sekpe,okpa hi vbo ni ode fihi eke ni khi iraye nihehi ³⁰ Ama eto ukhomi yẹ gbei arhẹ lẹlẹ . ³¹ Hi thẹ ohi muyẹ ukhini pataki bhahẹ iofe. ³² Asoo yọ ọnini ọgbọsei mẹ na ghogbọ mẹmẹ rhọkhẹ gbọsei agheni na iramẹ nọ ri eimi. ³³ Ama ọninọ kheghi mẹ ithaghao. Ẹme re khe gheghi ithaghao irame nori khe kheghi agheni ithaghao irhamẹ eimi . ³⁴ We hi kuọni kpe mi mu ọfọre re aye ọyeọnọ mire khimi rẹh muọfọre re,ama ọghuọrọ ³⁵ Mi reni khi mi yeghi ọso hi irahni ,neni omo nọhami hi inọni neni ọrhumia nọhami hi inevbeni. ³⁶ Ebe ọso ghowa afe vbọ ni eri . ³⁷ Onini ọhiemi ghowa irha neni inọr vbhahe mẹ orami no na mẹ onini ọhiemi ghowa omiọni nolọhẹ neni omiọni rami oenamẹ. ³⁸ Ọnini khọdọ mu agbelebu ọnih khọi deba oenamẹ . ³⁹ Ọnini ọkọhẹ aye ọnih ọdọ agha .Ama ọninọ khọhe aye ọnih vbhohe nọni mẹ ọrhọ mu aye ọnih fiagha .Ama ọnini ọyasoo me mu aye ọnih fiagha ormọ mu. ⁴⁰ Ọninọ tuọ yẹ okia ọtuẹ mẹ okia neni onini okhe tueniẹ okia okhe tuẹ ọnọ yekhi mẹ. ⁴¹ Ọnini ọtuẹ iwoli okia neni asoo gboi khini iwoli ọnọrẹ yinelei iwoli neni onini tuẹ ọsọ nọse nọ yine hioghi okia oleegbe melei ọnọ yinehioghi. ⁴² Ọnini ọdọ khini ọnọ ukomi ame okpa nọfọhẹni naneni rẹh wọn , Asoo ọkhini ome himi, atata mirhohi ma yẹ elei vbhọni mọni ghodẹ nọinihẹ dọva.