Pala 3

1 khu khatte no khiga ni mun khumo ti an khupuna kha an khuyel, mikhei kherisgun. mikhe ɗina tu khu penan khowani paro. 2 khatti khigazun ma mikhe kha kpayi mannim, ma khuɗi bar sik, ma wosi lennya mabi khokkho zun, ɓo mikhe kyobi yuwa ti lenya pehp. 3 lunkhu pikhe, mun muda an liyaɓong ti khuni ma lenya an dugrun khumo. mun kheleu khokkho munda ɗiya khebe an bi woh khu pebe kha bi taɗi kha khu pebe. mun ɗiyo tiya nyanyin kha mukkhi. mun ɗaklan we ɓirak mundi khuɗi sabmun. 4 Kha meni khuni Yamba mun an kheri simu khama menanni ti an khu pebe ma kyaru, 5 lunkhu poron gag poɗi mun. khire poɗemun ti piɗi poɗi le piɗi kha paɗan khirim ni lani Yamba woh walla. 6 Yamba patinemun khiri woh walla ɗagam ti pini Yeso lani Yamba an pini simun. 7 khire yo khe lunkhu, kha yapi ɓomu wau kheran sik ti piɗi meni khuni munda ɗina we wee tiya liɓong we rosso gag wo ar gbadinam. 8 Khe ni menun suran, ni menghi khuyi paro anghiye choti khu khiɗan wekheg, 9 khe khuɗi ɓarsik wo we ne wane kha khuɗan, kha kpani yaɓong, kha barsik ti khu doka. woh wikhei a wallam biram womni riba rom. 10 khudu pehp manni wo ta watun kha ɓarsik ti tallama, ɓo kyane ma so monni kho so peleu. 11 khu penita miya khei kheleu ti khokkho wo khulli, ɗkha digsik ɓiran wiro khuni. 12 Sa'anda woni surou Artimus kha Tikikus woh wuri pigho, khu yo daga kha wenoti Nikobolis, ti nikhirei ni menghi ɗiyani lokosi gogom. 13 lun dogo khu surti Zinas woh khire peno pani khom, kha Afolos, kha woh mikhe ari ya yappi wo manni wem. 15 pehp ma lenya woh mikhe kane ta ɗomego. ɗomi an menmu tiya liɓong. wengag ma ɗiya kha ma pehp.