Pala 9

1 Khulli woh ni ɗighi ta tebma tiya an miri khumun a kyaɓan woh na yuwani tiya rossonom, ni tebpema tiya limlim woh walla. 2 Na ni ɗighi kpanan ɓong woh ari kpaɗɗina tiya ɓongmun. 3 Khikhei ma ta tebpou ta ti yiule no pok, ni kabpina kha an miri khumun lumkhu ma an molli, wato yammina no woh khari minamun monni ti sik. 4 Nisun Israilawa, woh mikhe wau kheban kama gɓuɗɗi sik, khama peni yi khon, khama wori ya ɗoni Yamba, khama pammowe tiya Yamba. 5 Pehp dani wizun lunkhu tiya zun woh an miri khumun pennou tiya sik, woh nisi Yamba ti khuni khonong, mennan ɗiyo ti khuni har illan khupebe. 6 Amma anghije an pammiwe woh Yamba ari munnim a pehp Israila woh poro Israilawa woh khullim. 7 Khikkhei a pehp yaminani Ibrahim woh pehp ma siɓɓanim. Amma "elunkhu ni Ishaku wota ye yamina go." 8 Khei ta kyubani ta a pehp siɓɓa wo ti sik woh ta ɗiya siɓɓani Yambam. Amma siɓɓa an pammiweh woh ɓalghe zun, ɓirang woh liuwezun. 9 Khei ne paro pammiweh, "milan ɗoi piɗi khikkhei na pengru, Saratu ɓirang ta lepiɗi." 10 Amma a kheɗen kheiyim, yappi woh Rifkatu yoh pulle ti pini mennaro, Damun Ishaku. 11 Siɓɓa mikhe kha min lezun ɓere ma tabi ta pime you weh woh walla khi woh a wallam, elenkhu kyaghan woh Yamba yiwe zun, woh ayi walla kha winaghim, kho elenkhu poroma, ai ta tebi ta nisi kha yerezun. 12 Khighi woh khire teppou ta "piɗin gɓuɗe ta yi bone ti piɗi yokholi" khikhei woh arparo tebpou. 13 Khighi woh ɓalloh, " Yakubu woni menghi amma ni khuɗou Israila." 14 Munda tebbi munda wuni? Yamba you weh woh a wallam khenan? kho yokhol. 15 Woh khire tebpo ti MUsa " ni ɗighi ta kyubi mennan ti miya woh na kyubni mennan, na khire kyup rosso ti miya woh na kyubi kyugrosso". 16 Elenkhu khikhei, a elenkhu miya woh ɗighi kha mennan kho miya woh yighi khokarim, elenkhu Yamba an menan. 17 Arparo tebpo ta Fir'auna elenkhu wukhei woh kha you, ni illon kha khe elenkhu ni kyubgo ni khopo ɓaggho, elenkhu ma sommo no wori khotong ti pebe. 18 Kha khikhei woh Yamba kyubpo menanni ti pehp miya woh khire menghi. Kha yi ɓang kha ya rosso miya woh kyogrighi khuni. 19 Mara tebno mara elenkhu ni, "woh khire khepghe munkha lepi? ni nong woh nabsi ɓari sini kha woh khire menghi?" 20 Imma ɓanou, khe lalenya khe khu nong woh khara wawi kyolani kha Yamba? kho weh woh ɗokkou ta tebi ti an ɗigheni, "elenkhu ni woh kkhu ɗigpeno khikhei?. 21 Kho an ɗighe womni kha wo ta yo kha munna manni wota ɗiya delag woh walla, manni ɓirang a wallam. 22 maɓoh Yamma, menghi kyubi ɗenni kha gɓuɗanni, elenkhu ma penou, khire ɗina kha nyung rosso gɓuɗe kha ɗikhiran delegh woh a wallamelenkhu khire ɓagkhire zun elenkhu ma mikhe kha muturom.? 23 Kha khire you klhikei elnkhu si kyubi gɓuɗe ni woh ɗighi kha tommon rosso, woh khire you elenkhu gɓuɗe ni tun pikhe. 24 You khikhei ma khire you elenkhu mun. Mun woh khire yena, a elenkhu mun penna tiya Yahudawa kha waiyim, Amma har mun penna tiya an waɓeni ti buro 25 khiji woh khire teppou ti ɓallani Yusha'u mara yeru miya woh a malenya nom, khama an mennan tiya woh mikhe a menghenom. 26 Ta ɗina ɓirang ti piɗi woh tebpo kha sun, "mama lenya no, ta yezun siɓɓani Yamba". 27 Ishaya yaye tikhu Israila "na tebani na gɓo soɓɓa Israila ta ɗina wikkhi po salla. Yokhol tiya zun ne woh ta weh mina duktai. 28 Yamba ta tabba tezun kha paroni ti khu pebeh kha tare kha kyakgannim. 29 Khiji woh Ishaya ɓallou pikkhe, "imma ta Yamba ta wolw mun yamminanim, munda ɗiwo khiji saduma, ta man kha mun khiji. Gomara. 30 To bomi munda tebi munda wuni, ko ma an wabini ti buro , woh mikhe a penni weh woh a wallam mikhe wau weh woh walla tiya liya ɓong. 31 Amma Israila woh mikhe ɓanou nyugrosso khon, mikhe a pari pokgim ta sun yo wallam. 32 To elenkhu ni? elenkhu mikhe a ɓani ti khokko liyaɓong, amma ɓano tiya poro. ai mikhe sukhou ti khu panni woh munghi kyaɓɓo. 33 khiji woh ɓallou, "bano ni lopanni ti Sihiyona panni yi suger woh sabi laifi amma miya woh mungho ya ɓongni ari weh nyung siggim.