1 Bomi ma woh kha manni khon molli ya ma woh ma ɗipyi paro, ti khu woh wom ɗipo ti si manni ma tukko khui ta pisima. ma woh maɗipo paro ma yighi wom manni. 2 mun peno munda khonni yama ti khu khuli in ma suk kho ti makhe an yuwani. 3 Ma penkhei, memme, ma woh mayi khon mikhe woh yighi khiɗam khei pehp ma yighi ɓantai. mara wawi paroni ta khoni Yamba? 4 kho ma ɓalo ya bonne khan an kpaɗa kha walla zun ti khu kyonni puroma, kha ɗe hakuri? ma pen mara walla ya ɓongni ta woron nema piɗi nyong rosso?. 5 Ti khu ɓang rosso ma khaelenkhu ma munyi kyabom ti ya rosso womara luwani ti khuma ruza ti khu millani ruza, kherai millan upya paroni Yamba khon woh khuli khuɗi. 6 khere ta anghina ta pih to kho nong makha weh woh ma makho woh ma you. 7 Timikhe woh penou, suran gɓang menghi nigan gɓong, mungɓuɗe, kha kheppi yen lenya, kheri ta mun nyaghen sun. ɓ 8 Ti mikhe woh ɗita ɓanani kha khuwun, woh mikhe khuɗo khuli kha men ɗakhi lanwe, wuzi rosso kha ɗenni ta wur pizun. 9 Yamba ta subru bone kha ruza ti khu miya woh ɗita yi munghuta ti yawuda woh kha pari, kha Greek. 10 amma, ɗukkuro khui, mungɓuɗe, kha nyang rosso ta watu pini kha nong woh yighi woh gɓang, ti Yahudawa kha pari, kha Greek. 11 Anghije menkhui ti pini Yamba.n 12 lenya ɗagham woh ɗakkhulowe woh arkhonim ta ommi na anghije khoni, maɗaggham. woh ɗing elenkhu a bi ɗakham ta yi ni khon kha ɗokkha. 13 a ankhiri paro ɗokha woh peno pari Yamba amma yi ɗokkha ni sun woh ta puɗozun. 14 Ma mikkhe woh a pen Yamba woh mikhe wom kha ɗokha ɗoh piran yi woh ɗokkho menghi elenkhu lehzun mikhe ɗiwoh ɗokka kha ɗoh zun, kho mikhe wom kha ɗokham. 15 Elenkhu khui we woh ɗokkha menghi ɓallani ti ya rosso. Ya ɓongzun ɗiou an me pezun. ɓallan ɓongzun supezun kho ma pizun kha pizun. 16 kha piri Yamba khe ta paro ti khu millan woh Yamba ta yun khonni ti an tukkan lenya an tukkun rosso khiji khiɗam woh arparono, elenkhu Yeso Kriti. 17 Mikhe yau khugho kha Yahudawa kha ga ɗiya ta ɗokko khiɗi yi nyoltiyan Yamba. 18 Khagha pen yaɓongni kha menanni ti khu weh walla elenku te pigho ti ya ɗokkhai. 19 khuma ma mengo ti khugho ɗiya woh likhu an pugum, peh ta ɗoh mikhe woh ɗighi ta dili. 20 ɗiyo anɓari miya woh anghije wayom, an supisiɓa nyititi, ɗan khi kham kha ɗokha woh ɗighi ta kholmokhui kha woh khuli, ɗan khe ta ɗina kha yaggai ti khokho weh khi ɗighi kha rosso? 21 Kha woh khi sipighi peɗi, khari supi khu gom, kha woh yighi suber ti khu khiri, khi yighi khiri? 22 Khe woh kha tepo khira makha yi jirom, kha yighi jiro? khe woh weh? 23 Khe woh khi ɗita yi tomon rosso ta ɗokka, khe ɗakkhili ya ɓong Yamba, elenkhu ɗokha? 24 Elenkhu "Sommoni Yamba ɗakkalau elenkhu mikhe woh a pen Yambam elenkhu gho" woh ɓallani? 25 Kharan kpalle yiwo gho riba makha ma pini dokha woh makhe tello dokai, khara kpallegho ɗiwo an loɓa. 26 ma an loba lou ar dokha ɗiyi loba pegirou khara kpallr? 27 artebi ta miya woh ta lehni an loba sughu pogho ma mikhe biyo dokkha? khei elenkhu kha biyo ɓallan paro kha an kharan kpalle, pehp kha tello paro. 28 Elenkhu khire a Yahudawa woh a ɗiya lenyaa wanem, ɗan an kharan kpalle woh lenya wane ta ya sik. 29 khe minan Yahudawa woh ɗiya lenya wane an khara kpalle kha ɗiti rosso, tiya khirim. nigan miya khei woh a wattu ti pih lenya wannan ti pini Yamba.