Pala 16

1 Ni ta kyumma ɗoni Fibi molmu La pomin, woɗi wam weh tiya ikkilisiya wo ɗi ti khankiriya, 2 elenkhu ma khebro ti yani Anminamun. Ti kokko wo wala wo ɗiwou ti an mun ya rosso ma khero kha te tiya pehp menan weh, elenkhu te kha khurio ma kha sawi weh wo ɓo. Ɓan khama ne. 3 Ma ɗomi Biskila kha Akila khere an poromun ti yani Yeso Almasihu, 4 lenya wo elenkhuno mikhe kha mun khighazun. Ni ɗi ta pammo ti pizun, a kheden nem, ma kikhei kha pehp ikkilisiya Galantiya. 5 Mina ikkilisiya wo ti minazun, ma ɗomi abai. nitas laya ɗono, wo khere khebo mun ya rosso ti Almasihu ti Asiya. 6 Ma ɗomi MAryamu, wo moro yo poro kha ɓung. 7 Ma ɗom Andaranikas kha Yuniya, ma molno kha khere an kher, nyeno, mikhei an penan tiya an dobparo wo ɗi ti ya Almasihu kafin ne. 8 Ma ɗomi Amfiliyas laya ɗono ti yani Anminamun. 9 Ma ɗomi Urbanas khere an poro ti yani Almasihu, kha Istakis la-ya ɗono. 10 Ma ɗomi Abalis miya an menan ti yani Almasihu ma ɗomi lenya ɗi tiya minai Arisbulus. 11 Ma ɗomi Hirudiya, molno kha lenya wo ɗiya minani Narkissa, wo mikhe ɗiyani Anminamun. 12 Ma ɗomi Tarafina kha Tarafuna, an poroni Anminamun. 13 Ma ɗomi Barsisa la poro rosso, wo moro yo poroni Anminamu ɓo, ma ɗomi Rufas wo kyakkhau tiya Anminamu pehp kha Nani. 14 Ma ɗomi Asinkiritas kha Filiguna kha Hamis, kha Batunobas kha Hamisu, ɓiran kha Anmoli wo ɗigi khazun. 15 Ma ɗomi Filolugus kha Yuliya kha Niriyas kha ma molli, kha Ulumfas, ɓiran kha pehp kyanan Anmolli wo ɗigi kha sun. 16 Ma ɗoɗɗomi Anmolli kha sapma kha kyummi khu pok, pehp ikkilisiyoyin Almasihu ta ɗomezun. 17 Momi na ɗimmema, an molli ma ɓal ya ɓonma ti khu an wattu khappi yama kha tepposo. Kha poye soper wo ma penou, ma yi tali kha sun. 18 Elenkhu kidam lenya mikhei a wamgi Anminamun Yeso, galan elenkhu ghonghongzun. Kha tomon pozun mikhe ɗi ta ɗokkhi ya ɓon lenya wo wom kha kyaɓɓo. 19 Elenkhuparo men bi pi sap ro ya khumo khonon, ni you peh ya rosso kha me. Ma kikhei ni mengi ma ɗiya kha kyanan khui, ti khu wo wala, ma ɗiya a an kyamɓo ti weh wo a an wizzirosso. 20 Yamba an nyun rosso ta sopma ma tampiri yana gɓude limmi kha ɗabal ti ya dom soma, ma tomon rossoni Anminamun Yeso Almasihu ma ɗiya kha me. 21 Timoti khere an porono, ta ɗomema, kikhei Lukiyas, kha Yason, kha Susibataras, kha amollini ɓiran. 22 Ne Tartiyas wo ɓallo alagara khei, ni ɗomema ti yani Anminamun. 23 Gayus an ɗur nyeno kha ɓiran pehp ikkilisiya, mikhe ta ɗomema, Arastas an li kurbe bene ta ɗomema kha kwartus molmun. 24 Nyun rossoni Anminamun Yeso Almasihu ma ɗiya kha me pehp, Amin. 25 Momi miya wo ɗikha ɓan nek cima ti ya soppipo parono kha alagarani Yeso Almasihu, wo ti pini kha pettu kha tukkan wo tukkani tun pikke. 26 Ma kikhei momi penanmun ti pi ɓallan alagara andopparo, elenkhu khuzi poni Yamba an kpa kpai, elenkhu bipi mun ya rosso ti ya lenya pehp. 27 Ti Yamba an penan ɗeng, ti pini Yeso Almasihu pawani ɗiwou kpa kpai. Amin.