Pala 21

1 Pannan nagga wei poye gak kama poye kuppebbe , ellenkhu gakwei kha nebbe khama kuppebbe wei kha nebbe angiji niggem. 2 Ni wau binne mai tsarki, poye Urshalima, wei kyanna ti kuyel kha gak kursiyinyo ta tebbani "Gabbu, Piɗɗini Yamba ɗiggi kha lenya kuppebbe ti ɗinna kammasun mikei ti ɗiya lenyani. 3 Ni khiro gbude ele ti piɗi Yamba kha ɗohni ti ɗinna pep kamma sun ti ɗiya ambazun. 4 Titinmi pep munde ti arozun panan angiji essi murom, kho ɗingrosso ko kui ko bhonne. We ɓerran kullou. 5 Shi wei ɗiggi ti kui Kursiyini ti pimei "Gabbu, ni man kha pepwei ma ɗiya poye" kha tepbani "Ku ɓalli kei ellenkhu kalmomi minnan an kulli. 6 Kha tepno "kiɗɗom wukei kwaɗɗou! Ni nei Alpha Kha Omega, niɓɓe kha kwaɗɗan kha miya an mukki, niri monni kunghluh ti piɗɗei piran an khigga. 7 miya wei kyou nassara, ti turri ku wukei ni ɓharan nirri diya Yambazun, si ɓaran ma ɗiya lanno. 8 Pannan an kyoh, kha an marasa kulli kha an ɗure kha an tukkhimmo, kha girro, kha an kirri kha an wabbi kidma, kha pep ankyaɓɓa, pidizun ti ɗiya yei pilli an khiwan kha peh wuzi. Muro an pillou kenan". 9 monni ti talla ansuran kei parillou kha wattu, wei sadgi kha tashoshi parillou khimman kha an daɓɓou parillou kha yappi, kha tepɓani ", wattu ningei. Niri kyobgo piɗɗi pomin, manna lai galmai". 10 Pannan kha sadno ti ya khirim wei worri bhuɗe manni panni anjorri kha kyubno binne mai Tsarki, urshalima, ɗitta kyaru ti yai gak ti pinni Yamba. 11 Urshalima ɗiggi kha saɗɗani Yamba, tiyaro kiggi panni mai tamani, gallan kiggi panni yasta, garou kigi karou. 12 Diggi kha gbuɗe libbe an jori, kha pominna ɓhummo turo pillou ti pominnai ti pominnai ɓallon sommo pokaraminna ɓhommo tura pillou kinni siɓɓah Israila. 13 Ti posim kham po minna ɓhonnum ti gallog pominna ɓhonnum, ti laddi pominna ɓhonnum, kamma possim pominna ɓhonnum. 14 Poliɓɓei munnai ɗiggi Minna ɓhommo tura pillou ti kuzun kam sommo ɓhomma turo pillou weini ankwagga tura pillouni lanni Galma. 15 Miya wei yoh paro kanei ɗiggi kha ɓharum makku wei kinni zinariya ellenkhu makku binne, kha pominnai, kha libbei. 16 Binnei, kha jorinni kha waszan yai kiɗɗam monni kha mammani kha ɓharum makkani mil mommoro tura pillou kha khirri (waszamni kha jorri pep monni). 17 pannan khikka nyai piɗɗou kha piɗɗou kui wei mammou lennya kuppebbe (wukei yi mininte makku lalei ansuran). 18 Dikkou libbei kha yasfa binne ɓaran kha sahihiyar zinariya, wei kiggi kha madubi an maljo. 19 Kayi kyollom luwan gin libbe kha kiɗɗam panni an tammani wei nibbe yasfa, an pillou saffir, an bhuni, agat, an piɗɗou, emerald. 20 an far onis, an poromonni Sardiyas, an parellou Kirisolat, an pirbiɗou ɓeril, an komboik tofaz, an ɓhommo Kirisofaras, an tura monni Yakinta, an tura pillou Barak annetis. 21 Pominna ɓhommo tura pillou lu'u-lu'ai ɓhommo tura pillou; kowace monni ti talla pominna kha lu'u-lu'u monni kha yohwanni kokko-kokko binne ɓeran ni zinariya wei sahihiya, kiggi madobi libbe. 22 Na wei piɗɗi ɗimma ti binnem, gama anmiremun Yamba anɓhang pep kama lai Galma nisun piɗɗei ɗimmoni. 23 Binnei minghe pikki ko terem ma haskakenim pannan saɗɗanni Yamba kha haskakenni, panan ɗenni lai Galma 24 Lenya tiyi nire tiya peh binne. Kupkuppebbe ɓaran mikkei ti wattu kha saɗɗinni ti yanni. 25 Pominna ɓaran ari assizunim kha pikkim, angiji paɗɗem ti weimun. 26 Mikei ti wattu kha saɗɗan kha daraja lennya ti yanni 27 angiji manni weyi durem wei to nobbi rei yam ko an yi wei kunya kha kyabba, sai lennya wei ɓallou sommozun ti yai allagara khikga ni lai Galma.