Pala 18

1 Kha yappi wukeyi pannang nagga wei manni ansuran ɗitta kyaru ti gak. Dikko gɓuɗe iko sosai, kupibbe pannang kha yi peh kha ɗaukakarsa. 2 kha yei kha elenkhu ta " Ta sukkou Babila an gɓuɗe mollo sukkou diuwou piɗɗi limmi, kha khauwuran kidɗam ɗing khiri khamma piɗɗe ɗinni pehp ɗing khama ɗurepollo. 3 Gallang pehp al'ummai mikhe am innabi ti khu wau. an kuppina kuppebe mikkhe yoh giro khate. An wadɗa kupebe mikkei kha gɓang rayuwa annashuwar ta". 4 Pannang nagga kher ellei manni ti gak ta, "ma pittu tiyai lenya, elenkhu kharma yi ɗing khidɗan kheron, elenkhu khama bala'irro ma sukru ti kumam. 5 dihgro kawau kha yi jorri kwai gak. Yamba pannang kha yi tunani kha wuzi yarosso. poroni. 6 Ma laddero ti pok wei mollo ladɗou ti pidɗai. ma anghero dobban pillou wei mollo yoh, ti ya illa wei mollo walou, ma watto dobban pillou. 7 Kiggha wei mollo kyokrou khuro kayi amshuwa ma munta gɓommo kha azaba kha ding rosso, elenkhu mollo teppou ta yi bhoro, niɗikha kigghi sarauniya . nin na gwauruwam, nabbi yi makokin. 8 Elenkhu khikkei ti pikki monni bala'iro ti sukrero, muro makaki khana khuzam wuzi ti laliro khurmus, elenkhu Anmina Angɓang, pannang nissi an munta ɓongno". 9 Kup khu pehbe wei mikhei yowi giro, kwau mikhe kha khellani khama mikhe tiyei khui khama walla elenkhuro piɗɗei wei mikhe wau yello lalanto. 10 Mikhe ti kheleni talli mikhe ta kyakri azabaro, ta tepbani " Khaito, gɓuɗe binne, Babila bine gɓuɗe, elenkhu tiya bhollo munni hukunciro wanna." 11 Gɓuɗina an kasuwa khu pebeh mikhe ti ya kha ɗing ya rosso elenkhu, kha elenkhu anghije an pilli sadɗiro gɓaranyim. 12 Saɗɗi zinariya, azurfa kha panni arparma, kha lu'ulu'u khama lilin an khaushi, kha hajja an antuyi garura, kha khunni siliki, kha tui alharini, kha buro debban walla kiɗɗan-khiɗɗam kha saidɗi wei laɗɗau kha an sadɗa kha khini takgulla, khini ding bollo, kha panni an sheki. 13 Kha krfee kha sadɗi zimmama kha turare wuzi, kha mur kha lumban, kha aminabi, kha mur kha rummo alkama kha alkama kha kyollo kha ɗonyi kha tog kha khekketog kha bayi kha khigga lenya ku pebeh. 14 Wei sidɗa wei kha luwan ɓong kha pehp ɓongni mikhe paroe ti piggi. pehp annashuwa kha darajaghi mikhe kikkou afri saki wezunh ɓirang. 15 Gɓuɗina siɓɓa kasuwa khi9ni sadɗi wei mikhe yuwa kadɗa ti kudɗe piro, mikhe ti kherri wemmo talli kha tei, elenkhu gɓuɗe azabaro, khu khama walla ding rosso. 16 mikhe ti tebbi, "khaito kha gɓuɗe wei wusgi kha lilin an laushi kha saɗi antui garura kha baran tui alharini, wei mollo kyong kyollom kha sadɗi zinhariya kha panni an daraja kha lu'u lu'u 17 Ti talla gɓollo monni pehp kwadɗa kei ti ɗakklina. kho an wei anghen bukata rayuwa zun tiya am, mikhe kha keranni wemmo talli. 18 Mikhe kayi khui kgw wei wau ye4llo lalanto. kha tebbani tonk wei yohwi khighi benne kha gɓuɗe benne? 19 Mikhe kha patti ɓulgu ti khuzun. mikhe kha yi ɓang kha walla kha ding rosso "kaito" gɓɗe benne khei pidɗi wei pehp anghon khei kha yi kwadɗa ta kwadazdazun. Elenkhu ta ɓollo monni kha tukzun kha tei. 20 "ma yi murna ti kuro gak, ma an munni kulli manzani kha andobbo, elenkhu Yamba. kha wattu kha hukunci ro ti khuma" 21 Manni an lossig ansuran kha sadɗi panni wei khighi panni assiwe, kha wallani ti ya nigge ɗitta tepbani, Ta kokko khei Babali gɓuɗe benne, wei ti purto khuyel kha ɓang, ari sakki weinnim ɓaranghem. 22 Elle an tuggi Malaye, an ponnong, an puye sarewa, kha khenni algaite, ari saki kirani ti ta mahm. 23 Pehp Pitilla ari mun pehrom ti ya gim. ari khiri elewerin kwattin kha werrin pominim ti yagim, elenkhu an kwadaghin nisun siɓɓa anyi mulki ti khu pebbe, khama ti pidɗei singhi kigga yaudiri lenya. 24 Ti yaghi wei tom andobbo kha khinni an munni kulli kha tom pehp wukei kha tukgani ti khupebeh.