1 Bulus, ɗiyo ti mina kpatti eleng khu Yeso Kriti, kha molli Timotawus, kha woron Filimon, kha an menan mun kha kere an poro mun. 2 Kha Afiya molmun kha Arkipus kere an poro mun ti Poden. Kha piɗi ɗimmiɗo woh khangi, ti mina kho. 3 Kyun rosso kha liɓang, ma ɗiya ti pigo ti phini Yamba, kha Ɗa mun, kha anmimun kha Yeso Kriti. 4 Ni pammoh ti Yamba. Ni panji Sommoma ta ɗimmano. 5 Ni khiro kiɗan menan kha munya ɓong woh ma ɗighin khatei ti pini anmina mun Yeso pehp anmolli an ɗimmiɗo. 6 Ni ta ti ɗimma eleng mun ya ɓong woh ta sab penan weh ɓong woh ɗiji ta tallamun kha anmiripok. 7 Ni yo tomon yaɓong kha ɓun, eleng khu kheb yaɓong, eleng ya rosso anmolli mekyei singhu ti pigho. 8 Eleng khu khikyei ni ɗiti kyol khumoma armiripok, kha mun pok khi ti woh khire yi. 9 Momi eleng khu tomon yaɓong, na ɗimmegho ne-, Bulus, anmanyina, ɓomi ni kharani eleng khu anmunipok Yeso. 10 Na ɗimmema eleng khu lano Onisimus woh ni ɗiwoh Ɗa ti phini woni ɗiti phog gheɗek. 11 Eleng khu pikke wom kha paro ti pighom momi ɗi kha paro ti phigo kha ti pino. 12 Ni sureni ti phigo ciwo ɗi ta ɓongno kha ɓun. 13 Ni menghi khebni ti phino eleng khu kire yino poro khiji kyei, millan woh ni kherani ta gheɗek eleng khu Pharo Yamba. 14 Na menji yi manni weh akha phenan gho. Na menji porokho ɗang ɗi na kha ɓang ti paron wala. 15 Elengkhu woh khere wosegho kha khuman khi khebpeni. 16 Momi ari ɗiya khebe ti pighom kho khebe elengkhu an molli, sie an molli ɓang ti phino, woh kho molli ti phigho ti cip ti anmina. 17 Mangho kheppeno khere an poro khepni khiji woh khi kheppeno. 18 Ma yi weh wala makham manni weh ti phini saɗu ti pino. 19 Ne, Bulus, nio ballo wukyei kha khira no: na anghejeh a lengkhu ɗikha khu ɓong ti phigo. 20 Ei, an molli, khiyi wehno woh ɓang ti phi an minamun, khi munghon kyimo ta ɓang no ti summo anmiripohk. 21 Elengkhu ni meno menanggho ni balle gho ni pheno kha yi khoɓi woh ni ɗimmo. 22 woh wattu bomi, ɓareno piɗi, eleng khu ni ɗighi ta podpohk ti piɗi ɗimmema, akha kyomani ta merun neno pima. 23 Efafaras, kherena anmiripohk Yeso to ya mina kpattin ɗome jigho. 24 khikyei Markus kha Aristarkus, kha Dimas, kha Luka khere anporono. 25 Ma kyun rosso anminamun Yeso anmiripohk ma ɗiya kha khirim go. Amin.