Pala 8

1 Bone yo yi minan ti mun ɗigi kha mun ɓuɗe kyagha woh ɗigi ti khira kiwe ti khu juk woh wala ti gak. 2 sima kebbe ti pini Taberah, piɗi wag we kulli woh Yamba ɓarou elenkhu lenya. 3 khonon mun gɓuɗe kyagha ta muni elenkhu suk poparo. Elenkhu ma wei woh suje. 4 ma ta tebpo an miripok ɗigi ti kupebe ar ɗin kyagha kho yokkol. 5 Elenkhu kham an munan woh suji poparo keni khong si anyi paro kha manman woh ɗigi ti lukkni gak khipi woh Yamba yo ti Musa kyol khuma ti piɗi ɗikje Alfarwa "Bana" Yamba ta " yi koni ti khu wei kyubpe ti khu panni" 6 Ma kikke pep elenkhu khire an miripok woh ta lou kiga alkawari woh kpaɗɗo ti khu muhimman alkawara. 7 Ma kikke alkawari keni pari wom kyaɓɓo wom kha walau ti piɗi ɓanan alkawari an peleu. 8 galang Yamba we kyaɓaɓa ti khu lenya "khire kha tepbani" niyi poye alkawari kha mina Israila kha minani yuhuza. 9 ma kikke na ɗinan kigi siɓɓa yittiti, khigi wo ni keɓɓo ti khira na gha peron kha sun kuyel Masar. imkke khuma ayi poro alkawari ne nagha wose zun " ni si anmina. 10 kemina alkawari woh na yi kaminani Israila kha yapi sonke, ni si anmina nira lik khong ti ya pozun niyi ɓalla ti ya rossozun, nira ɗina Yamba ti pizun, mikke khuma ta ɗina lenyano. 11 Mikke khuma ayi suber, kha adompo mina kho almolizun ta " ma pena anmina" ma mikke pepzun ma kikke ta peneni ti yokkol woh wori gɓuɗe. 12 Nira yi kyunya rosso ti porozun woh wala, ɓirang nari sake tuninim kha ɗenzun 13 Mikke kha tebani "poye" khire kha pegoron kha alkawari pari mannyo, kikke ɓirang woh tebpo mannyo ti piɗi kekgani.