Pala 4

1 Elenkhu khike, khamma kha kuɗei ma manni kha kasi ri ya kyomon woh menghe kye ni Yamba. 2 Elenkhu mun wanna kha albishir elenkhu kyomon ni Yamba kiji wo tebe zun. amma kyurom kha kuma misi woh a muni khulli ti khu suran nim. 3 Ai mun woh mun mungho kikhe mun woh mun ɗo ri ya kyomai kiji wo khire teppou, ta " yanda wo ni pammo weh ti ya ɗeno, khari riya kyomonom" kyri teppou kikyei kho kha elenkhu khire kpaddou paro ni rebani ti parko ku bebe. 4 khire you paro ti monni piɗi elenkhu pikki an payereu, Yamba kyomou ti khu pikki an payereu ti pep paro ni," 5 khire mub kha teba ni "mikhe ar nabi riya kyomo nom" 6 Elenkhu khikyei, kyomo ni Yamba walla ni elenkhu misi an riyani, tunda Isarailawa ɗagham woh nikhe khiro suran khe khu khuɗei elenkhu kyomon ni mikhe a rum elenkhu a mun gɓudem. 7 Yamba sake bari mun piki weh yezi kha "yo'u khire lou pikki khe pana woh khire yiou paro ti piɗi kyan Dauda, woh teppou tun nyaghan woh ta tun kha nyaghan woh ɗungho tebani "you in ma mamman khire khire eleni makha yi ɓang kha rosso. 8 in joshua munghe zun kyomo, woh Yamba ɓirang ari yun paro ti khu manni palaghum a 9 kham na kyoma palan Asabar woh luwero elenkhu lenya ni Yamba. 10 duk miya woh khere ro ya kyomo ni Yamba si pokhuni ma khire kyomo ti pokporo ni, kisi woh Yamba khire yo'u kha khini. 11 elenkhu kheyi mun yi kyor sik ri kyomo kyun, ɗon ma khonong ma kha sugam ta kyiɗam rashin mun gɓuɗe woh mikhe a yum. 12 Paro ni yamba kyera ni, kyi zi khopou pok wayi gongong woh ɗen pellou. ɗan khabi tulla rosso kha limmi, khuma motto porighi ɗubo. motto wawizi bani bal ɓong kha woh motto tadgi. 13 Angijen bakran we woh tukkha nim ti pini yamba. keden pep weh woh ɗigi pili kuma teppizani ta Aroni. wo ɗiwo khulli mun da muni ɓallan khumun ti pini. 14 Tunda ɗa mun diji kha mungɓuɗe an tepparo woh weh gak, Yeso lah Yamba, sai khama gutti gɓuɗe khuli mu ɓang 15 elenkhu mun ɗigi kha mungɓuɗe an tepparo kyimun a an khiɗi lenyam elenkhu khulo munni, amma miya woh mankhe ni tiya kho kyidam khire khigi woh yuwe mun, sekho a weh nim kha ɗim. 16 mun wattu piɗi khu jughu gɓuɗe khunghu ɗo monni elenkhu ma yi mun menkhu munwe khunghu a kyauro lokaci menweh.