1 Ti khu pepen pikye Yamba kikkhuni kakkamun ti khokko dagham kyida kyiɗam ta pokan dop paro. 2 pana tikhu pepe kye woh kha yappi, ya paro ɗi piɗi kyan lah ni, woh lighi an khu kholli weh pehp woh ti piɗi kya si kha paktu khu pebe. 3 Si nan pe woh kyer si Yamba ani yi peran ɓalla sini kyeri gɓuɗe ta no pehp we woh dita gɓan ar paro ni kha yabi ti khu khura kyiweh ni ya woh khopou gɓuɗe ti gak. 4 Kha khikyei woh kyeri khopou kyui ti khu an suran khiji Sommo ni woh kyeri khollou khopou kyui tali kha kyizun. 5 elenkhu mannan ti ya an suran woh Yamba napi tebani ta "khe khi lah no bomi ɗiwon da ti pigho?" ɓirang "neri ɗina da ti piɗin si, si ɓirang ti ɗina lah ti piɗin ne?" 6 Bira woh Yamba wannan kha nebeni ti khu pebe, khire kha tebani ta pep an suran ni Yamba ma mikhe yi poro ɗimmo" 7 Kha pari kyeni an suran ɓirang jyen ta " khire ma an surani limmi, mizi an yi poroni ɓirang dak wuzi. 8 Kha pari kye lah khire ta khu jukhu woh Yamba, daga momi anghe buɗɗani gwarum kup ro gwarum woh paron khike. 9 Ke manou kha paro rosso khe khuɗɗou ɗakhuli sommo, elenkhu khikyei Yamba, Yamba gho sakegho mari peh ya rosso kha pou peh an khubina gho. 10 to pari damun, gɓuɗe kha woh khe bakrina khu pebe gak ɓiran paro khire gho. 11 Mara muttina amma kha anghijen kpaɗɗan ghom. Pep mikyei ta mannyina khiji wasolom. 12 kheri kiɗezun khiji woh Assissik mikyei ɓiran ta pengrina, amma kha khe ban pidi an gije pengrinim har woh wor gɓoɗɗen kha pebe sene kha sene mikyei ar kpaɗinam. 13 Panan ti an suran ni Yamba woh nappiɗi tebani ta, "ɗiya ti khu khira kyiwe no, panan na kha li an kuɗe kho ti kumbeli sogho. 14 A pep an suran woh limmim, mizi Yamba ɗan suran lenkhu ma mikke yun ti misi ta kholli tomon parom.?