Pala 3

1 Lunkhu khikkei, ne Bulus an bone lunkhu ni lani Yamba Lunkhu la lenya. 2 Ni gabghi ma penou lunkhu paroni Yama woh munghou lunkhuma. 3 Niɗi ta ballema wokhei lunkhu suna woh Yamba teppeno. khe menen tukhan khulli woni ɓaalou yokhol tiya manni ɓallano. 4 Pikhi woh ma ɓallo tikhu wekhei mara wawi wawi peni tikhu khulli paroni Yamba. 5 Wato khu pebe woh a yi ghom ti lennya. Bomi tepou ti an dopparo khama an suran woh liweniti limlim 6 Tukkhan wukhei ni kulli paro ni Yamba ni lennya khere an khollomun, ni gɓgal ti sik monni. khire an haɗdi khui tiya menan lani Yamba Yesu ti piɗi paro ni Yamba. 7 Lunkhu khei ni ɗiwo khebe lunkhu menon ni Yamba woh munghe ni ɓang poroni. 8 Yamba woh munghe no penan, kho kha khikkhei nine woni khokho yokhol ti ya khebabu Yamba, ni soppi poroni ti lennya ti khu ɗagam wini Yamba we ɓaɗighim. 9 Ni ɓirang tebi ti lennya pehp khu siri ni Yamba wannan tukhan liɓong woh tun khu pebe woh khopou woh Yamba tukhoi, siwo an petun kha weh pehp. 10 Lunkhu khikkei ti pi Ikklisiya, am khup kha an mulki ya gagmikhe ta peni penan ni Yamba ti khuɗɗo Khem-Khem. 11 Khe ɗiwo lunkhu woh ɗiyan nupi wo khire teppou tiya lani Yamba Yeso. 12 Gama tiya lani Yamba simun kherani, gɓong, kha menan lunkhu liɓong mun tiya ni. 13 Ni ɗi ta ɗimme ma ɓoma yo khon kha bone woh mara khiwani lunkhu ma won ɗiwo saɗi sima. 14 Lunkhu khikkei woh ni ɗita ɗuggani kha poburom no tiya ɗoni damum. 15 Woti pini ɗita ye khowane ammina ti khu yel khama gag. 16 Ni ɗimma ma khire me nima tikhu ɗagham gɓuɗanni, ma yi ɓang khabung kha gɓuɗan limlim, wo tiyi tiya mun. 17 Ni ɗita yi ɗimma ma Kriti ɗina ti ya ɓong ma ti khu liɓong ma. Ni ɓirang ti yi ta yi ma ɗimma ma kheri kha so ma yi tali tiya menisab. 18 Ma ɗiya tiya menanni lunkhu ma pani, kha pehp an bi ɗim wuni tali khama paɗi kha jori menan lani Yamba. 19 Ni ɗita yi ɗimma lunkhu mu peni menan lani Yamba woh khopo ɓang penoun. mayi khei lunkhu ma khema pehp kheman ni Yamba. 20 Bomi ga miya woh ɗikha penan khoni pehp. weh fiye kha weh woh munta ɗimmani tikhu penan poroni tiya mun. 21 gɓuɗi khei ɗiwo ti pigho tiya Ikklisiya ti pini Lani Yamba Yeso kah woh wuro gɓaɗan khu pebe daga bomi kha har abad amin.