1 Bulus, woh an khebe ni Yeso lani Yamba woh Yamba liweni khira, woh wori liwan lennya ni Yamba ti Afisu woh mikhe menou kha si tiyani Yeso. 2 Khira ma paroni ɗiya khama, lipok ti pini Yamba ɗamun khama lani Yeso. 3 gbuɗesik ɗiwo ti pini Yamba Da damun Yeso lani, nisi woh lokhira ti khumun kha shiɗam likhira ni khini limlim ti gagh. 4 Kafin yi khu khupebe, Yamba kya khemu mun woh mun loh yaɓong kha Yaso. khire kyakhe mun tamɓo mu ti ɗi woh walla woh anghe ɗig ta ɗoni. 5 Tiya khuk rosso Yamba kha yi wani kha sadmun mu ɗiya siɓani lunkhu ni Yeso lani. yokhui lunkhu yo walla siyi weh woh khira menghi. 6 wusi porogni Yamba woh khepo lunkhu menan ya ɓong ni, khe menan weh woh khire munghe mun lunkhu menan lani. 7 Lunkhu menan lani woh khire kha potmun lunkhu tomni, kha khungan dig simun ti piɗi ɗagam menani. 8 Khire mungho menan khe ɗagam ti ya khigah khama penan. 9 Yamba kyuppemun menan ti ya weh woh tukkhani, tiya weh woh khire menghi kyubani ti ya lani. 10 Ma lokasi yo'u woh khire ta kyupmun paroni, Yamba ta watun kha pehp weh woh ɗighi ti gag tiya sommoni Yeso. 11 Kyakkhemun ti ya lani Yamba mu ɗiya an khi kholo ni yamba. khire woh khikkei tun pikhe ti ya menan ɓogni, khire ni an yi we tiya menanni. 12 Yamba yo khikhei kunkhu mu weh khumun lunkhu nighan khire sini. Ni mun pari woh mun menan tiya lani Yamba 13 Tiya lani Yamba pehp wo mun wau paro khulli paro khulli tia Yeso. Ti pini wo mun lo ya ɓognmun kha likhira woh khirim gbag woh yuwema. 14 Khirim menan ni weh woh pari khamin mu pori pini khe lunkhu menanni. 15 Lunkhu khikkhei wo ni khiro pisi liɓong ma tiya lani Yamba khama menanma pehp woh wasou lunkhu ma. 16 Na wasi tuna ni kha man ni ɗimmighi yamba lunkhu khama tiya ɗimmano. 17 Ni ɗita yi ɗimma na Yeso lani Yamba wo walla, ma munan ma khirim penan khama suna peni khuɗani. 18 Na yi ɗimma maya rosso ma abu lunkhu ma peni ye woh you lunkhu ma peni kpaɗa ya mina kholoni tiya wolou lunkhu khuni. 19 Ni ta yi ɗimma ma peno ɓagni woh gbuɗe woh a kpaɗighim ti ya mun woh mun loyaɓog, gbuɗe khei ɗi tiya ɓang penanni. 20 khei pannnn ni ɓang woh yo'u poro tiya lani Yamba woh Yamba illo kha si tiya wohyo kha lini ti khira kheuweni ti gag. 21 khire liweni ti khu pehp khon, penan ɓang kha pehp sommo. khire lo'u lani alunkhu pebe kem, amma khama khupebe woh ta wallu. 22 Yamba lou we pehp ti pig soni lani kha lini an ɓani khuni khonok tiya piɗi kaukhu 23 Piɗi khukhei ni sini, khemani tiya pehp we tiya khiɗam khokkho.