1 Khikhei Shawulu ɗighi yi paro khiɗam woh kyo kha woh tukkhime siɓɓa ya ɗoni Yamba damun. khire woro pini mun gɓuɗe Firis. 2 Khire ɗimmeni alagara woh wor piɗi ɗimma woh ɗiti Dimaskus, elenkhu ma khire wau manni woh ɗighi ti khiɗam khokko kha kpatin kha pomin ma mikhe wattu kha sun ti Urshalima kherani. 3 Ti piɗi woh khire khoppou ta worani, kha nimru Dimaskus, ti ninghire manni miyan wazin peh kha khomi poghi kha lini ti talla. 4 khire kha sugani ti yel kha khiri manni ele tebani " Shawulu, Shawulu elenkhu wuni woh kha ɗa khudno" 5 Shawulu kha menye ta, anong ni khei mungɓuɗe?" damun kha ɗibani ta nine Yeso woh kha ɗiti kyuban bone. 6 illo kha riya geleng minna, ta tabgo woh khira yi. 7 Lenya wota yi mere kha Shawulu mikhe kherou ɗihn ayi manni parom, mikhe ta khiri ele, mikhe a weh manni lenya. 8 Shawulu kha illani ti khuyel, woh khire apou aroni, khire a wehghi yapiɗim, mikhe kha kehp po khirani kha khetomi mikhe kha wattun nin ya geleng minna Dimaskus. 9 Sonni gɓunum a weghi yapiɗim, a khighi wukunam belle seh Am. 10 Kham ni man layaɗo ti Dimaskus an sommo Hananiya, ti piɗi dah gɓuɗe kha yi paro kha si ta sunnah, kha tebani ta "Hananiya" khire kha menye. 11 Anmina kha tebani ta bano ni temu damun, gɓuɗe" kha tebani ta " illo kha wur titi woh yeghi kha Kyupani, khuma ta minna muni miya an sommo Yahuza kha maz miya woh wannan ti Tartus an sommo Shawulu, khire yighi ɗimma, 12 Khire woh ta sunnah miya an sommo Hannaniya ta reru ku lun khira ti khuni elenkhu arni miya weh yappiɗi. 13 Hananiya kha mennani" Damun gɓuɗe ni khero pisini miya ti pi lenya ɗaggam elenkhu miya khei kha khiɗam wuzu rosso woh miya woh khire yoro ti lenya walla wota Urshalima. 14 munghini nɓang ni ma gɓuɗe Firist ma khire kheppi lenya pehp woh ɗita yeh sommogho ' 15 Dah, gɓuɗe kha tebani ta 'woro ni kyakkini an yino poro, woh khire ta suppi sommono ti lenya kha an khuppina kha siɓɓa mir Israila. 16 Elenkhu na kyapni khiɗam bone woh khire ta khui elenkhu no." 17 Hannaniya kha khabani kha riya minai kha lun khira ni ti khuni kha tebani ta anmolli Shawulu, ɗan gɓuɗe Yeso, woh khire kyuposini ti khe ti khokko woh kha ɗita wattu, sunneno ta makha weh yapiɗi khem kha khirim gɓang. 18 Ti ninghire manni weh kha goliburo kha sugguru ti arni Shawulu, khire kha weh yapiɗi, khire kha illani khalan kha pin am. 19 khire kha khi wukina mikhe munni paro, kha ɗiyani kha siɓɓa ya ɗoni Yeso ti Dimaskus sun ɗagam. 20 Ti ninghire kire kha khepsi suppiponi Yeso tayi minna ɗimma, khire ta tebani ta siminen lahni Yamba. 21 Pehp lenya woh khire ni kha ɗita yi yiwoh mikhe kha tebani anni miya khai woh ta tukkuro lenya ti Urshalami woh ɗita ye sommokhei? khe wannan ninkhe elenkhu ma khire munzun ti mingɓuɗinaFiristoci, 22 Shawulu wau iko khaɓung. khire ɗita munzun ɗakkalan yaɓong kha riɗiyo ya talla zun Yahudawa woh ɗighi ti Dimaskus elenkhu mun paroni Yeso woh ni si lani Yamba. 23 Kha yappi sun ɗaggam yahudawa kha kau khuzun elenkhu ma mikhe takni. 24 Amma shirizin ɗiyo kha pennan ti Shawulu, mikhe ta padɗeni ti piɗi wor po minna gɓuɗe poɗi kha pikki elenkhu ma mikhe tukhi. 25 Kha khikhei piɗi siɓɓa yaɗoni kha tadni ta lukai, mikhe kha khutteni tapi kheron minna. 26 Woh khire wari Urshalima, Shawulu yo tommon si kau khuzun kha siɓɓa ya ɗoni Yeso da ɓirang penzun ta khoreni khori, elebnkhu mikhe a menon ti pemo ɗiyo ɓan siɓɓa ya ɗoni Yeso. 27 Barnabas tebani kha woron pini an lukhira ti khui kha tebzun woh Shawulu khommo kha dah gɓuɗe ti khokko, har ɗan gɓuɗe you paro khasi khumun yadda woh Shawulu supo paro ta talla sommoni Yeso kha ɓang khui ti Dimaskus. 28 khari khomu kha sun ti piɗi ruwan peran zun ti Urshalima kha sun ti piɗi ruwan zun kha peran zun ti Urshalima. khire suppoaparo kha ɓang khui ti sommo ni Yeso dan gɓuɗe. 29 Khuma khire ti yi khina kha Yahudawa Helenanci, pehp kha mikhe menghi tukni. 30 Lenya ɗagam peno khikhe mikhe tatteni kha watuni kha woroni Kaisariya mikhe kha pojeni woh wor Tarsus. 31 Ti piɗi Ikklisiya woh ɗighi ti khuyel Yahudawa, galili kha Samariya mikhe weh tommon yaɓong khapen Yamba, mikhe kha ɗiya ta yi paro ti talla kyou ni dan gɓuɗe, kha khep po khirani khirim gɓang. ikklisiya kha wau lenya ɗagam. 32 Har poro piɗi woh Shawulu gengho piɗi khuyel, kheni kha pergheru pi an dubpini Yeso woh ɗighi ta minani mir Lidda 33 Ti piɗi kheri kha weh manni miya an sommo Iliyasu woh ɗi kha luung, kha singhin har sene pirpiɗou ti khu za'a. 34 Shawulu kha yi sommo miya ta iniyasu yeso lani Yamba sauwegho. Illo kha khiri kha khugho, khumun khire kha illani. 35 Ti ninghe pehp lenya woh ɗighi ti khuyel Lidda kha khuyel Sarona mikhe kha weh miya mikhe kha pengharo pini dah gɓuɗe. 36 Bomi khama ti yapan kham ni manni pomi layaɗoh an sommo Tabita polle sommo "Dorcas" pomin khei khuwa ɗighi kha poro nyung rosso kha rosso gɓang woh moto yighi ti lenya woh ɗikha khenni. 37 Wuro kha lokashi khire moto yo dugga moto kha murani mikhe pengho khumo kha ganzani ti pisun ti mina gag. 38 Lidda khire ɗi tokkozok kha Yafa, Sibaya ɗoh kha khirani ta Shawulu ɗinti Ninghire, mikhe kha sur lenya pellou tin pini mikhe ta ɗimme ni watu pimun kha khela kherani" Shawulu kha illani kha khoburu kha sun kha porani mikhe kha wurninni mina gag. 39 Pehp serep woh wannan murou kha wattu tokkozok kha si kha kherani kha illi kha khui mikha tattu soba kha isi woh sizun woh tei Docars tonnezun lokaci woh moto ɗikka sun. 40 Shawulu kha piron khusun ti pebeh khire kha ɗunghani kha yi ɗimma kha penguro ɗoni ti piɗi khumo, kha tebani ta, Tabita illo, "muto kha ɗoh aroro woh moto wa sini Shawulu moto kha illa ɗiya ɗi. 41 Shawulu kha sub khira kha kyokgrero pannan khire kha yeru an ɗappi kha serep woh mannan zun khire kha munzun kha ɗaro. Kha serep woh mannan zun murou khire kha munzun pomin kha ɗoro. 42 Wukhei ɗiyo pennan ti pehp khuyel Yafa, khama lenya ɗagham kha khui ti ɗah gɓuɗe. 43 Khe kha ɗiyani Shawulu ɗiwoh nyangho ti Yafa kha manni miya an sommo Saminu. an poli khadɗan.