Pala 5

1 Panang ,anni sommoni Hananiya kha mannani Safaratu mikyei kha pillou kha kudɗanzun. 2 Hananiya pannan kha tukkhi isi kurbe dam (kha pinnanni mannani) pannan mikyei kha wattu kha issi kurbe ti manzani. 3 Pannan Bitrus ta peni "Hananiya elenkhu wunni andogho ya rai yarossogho, kwaib khaga yi kyabɓa ti khirim taberah? pannan khakga tukkhi issi kurbe kudammi.? 4 Wei kha pillou kha kudɗammin a wei khiraghom? wei khu pillou, a wei ghom? elenkhu wuni khuyoh khiɗam wukyei ta gɓongho? atti lenya wei khuyon kyaɓam, Yamba wei khu yuwani." 5 khummun khikkyei kha khirani, Hananiya kha suggani kha kyolli sunani wei takkanpi. pehp lenya wei khiro pannan kyo kha khebzun piɗɗen gɓuɗe kha khebzun. 6 Logo0n zali kha wattu kha khiri khummoi mikyei kha piron khassi pepbe kha nanni. 7 Kha yappi bollo gɓunnum, pannan manni ponna a pinni wei tiyam. 8 Pannan Bitrus kha tepro "tepno kho takgan magga pilun kha kudɗammi? "mollo kha minnani ta khikkyei" 9 Pannan Bitrus kha tepro, "Elenkhu wunni magga khiryi wukyei khakki kha mannangi elenkhu ma manni khirim taberah? khiji mire wei mikyei kha namni mannaghi ti po minna pannan mikyei ti sadghi mominai" 10 khumun mollo kha suggani ta ɗohni, kha kyolli sunna wei takkhanpi, logonzali mikyei kha wattu kha wiro mollo murou; pannan mikyei kha saɗɗi khumaro kha woron pepbe kha nannani tokkhozok kha mannaro. 11 kyon gɓang kuwa kyara khuni Ikkliziya kha pep wei mikyei khirou kiɗɗam al'amura. 12 Paro alamu ɗiggi kha munni mamaki ɗakgham farou kha lenya, ti kharani manzani. pepzun gɓiran mikyei kham ti ɗakkalinni Sulemanu. 13 Pannan anghije anɓang rosso wei ti khaukyui kasun; amma mikyei ɗigghi kha peh rosso ta ɗohni lenya. 14 kwei khikkyei gɓommi tinɗi weiru wakkyan kyui an munni khulli, bhui lenya kwattin kha shirep. 15 Har mikyei ɗan taɗɗi wei mikyei a bhenyem ɗan worron pokhokkho, tinɗi sinna kha sub ti kuzza kha alenwe, el;enkhu kyui ma Bitrus wanna ya khobbani komma khirimni mati nabbi piɗɗi zun. 16 Lenya ɗakgam ɗiti wattub ti rakhaminna wei kholloni kha Urshalima, mikyei ɗiti wattu kha wei mikhe anɓanyem, kha wei limmi ta ɗamizun, pannan kha sauwizun pehp. 17 Amma gɓude an kwaga kha illiru kha pehp mikyei wei ɗiggha kha si (Khiji siɓɓa darikar sandukuyawa); mikyei kha khemmani kha mukkhi. 18 mikyei kha khebbe manzani kha wirizun tiyoi khurkuku. 19 Kha talla peɗɗe pannan ansuran kha abbi po khurkukui kha pittu kha sun penbe, ta pemei. 20 Ma worro ma khiro ti ya ɗoh haikali pannan ma tebbi ti lenya paro khigga kyei." 21 wei mikyei khirou khikkyei, mikyei kha worri haikali kha kwallan yappiɗi khayi subre. pannan gɓuɗe an kwaga kha lenyani mikyei kha wattu kha nyei khawan kyei khama an majalisa, khamin gɓuɗina lenya Israila mikyei kha pittu pannan mikyei kha munnji umurni, ma pittizun kha ankwaga. 22 Pannan an poro wei ta bhanni khurkuku mikyei a wei khonongyem, ti khurkuku, mikyei kha pingurtu kha munni labarei. 23 mikyei ta khurkuku assannigam kha angabbani mikyei kham kerghi ti pominai wei mun rou munda wei khonon ti yam. 24 Mominei wei mingɓude haikali kha mun gɓuɗɗe ankwaga mikyei kha khiri khiɗɗan arparoi, pannan mikyei kha rikisanni sosai kha elenkhubzun, mikei ta ti kei ti leiwunni. 25 pannan manni kha wattu kha tebzun, "lenya mikei weima purou ti khurkukui mikei ɗiggi weimu ta haikali ɗitta yei subre ti lenya. 26 Pannan mingɓuɗe haikali kha woranni kha an poronni mikei kha wattu kha sun a kauwani kha illan hankalim, elenkhu su karma lenya wolli zunnim. 27 Wei mikei wanna kasun pannan mikei kha kyupzun tiya majalisa, gɓuɗe ankwaga kha tuhumizun, 28 Ta "munyi weima khashedi kha gɓang kharma yi subre kha sommo kemba? amma teimo ma khimo Urshalima kha subre, ma bhara ta genghe tukkuzok to miya kei kyaru kummun" 29 Pannan Bitrus kha manzani mikei kha minanni ta pinei, ta dole munyi ti Yamba ɗimmo a lenya. 30 Yamba ni madamun kha Yeso, wei ma tukkou, ti piɗi logenni ti buro. 31 Yamba kha saɗani ti khara khuweini elenkhu ma ɗiya kup kamma anmirmun, kha munni Israila tube kha kyabɓho ɗing. 32 Mun anmirpo ti kiɗɗam wukei alamura, kikei kha khirin taberah, wei Yamba mungho ti pehp mikei kha yi biyayya ti pinni." 33 Mai lenya majalisa khirou kikkei gallan mikei yi ɗinnani kulli har mikei kha ginye tuggi manzani. 34 Pannan manni Batarise ansommo gamalie, Ansubre nissi wei attaura wei pehp lenya ta khirani kha illani kha munni umurni tamma piron kha manzanin wei yokhol lokaci. 35 Pannan kha tepzun "ma lenya Israila ma gabbu walla kawei ma minji yuwani ti lenyakei. 36 Kha wallan son manni wannan an sommo tudas tadɗou kunni manni wei, khigi lenya nyapidɗou wei mikei kha dabbi pei, kha wei tukkini lenyanni pehp mikei kha wassanni, anghiji an kirri labarizunim. 37 Kha yappinni, kayi manni an sommo Yahuza ti galili weiti son bhalli kui, wanna kha kyolli lenya bho, shimmo ɗakkulou, pep wei ta dabbi pinni kha wassanni 38 Elenkhu kikkei ni ɗitta tepma ma wossi lenya mikei, imma shirizun kho porozun weini lenya ti ɗakkilinna. 39 pannan ma wukei tipinni Yamba mari wawi ɗakklizunim, kharma ɗiya mara yi mukki kha Yambam, mikei kha rinjayani. 40 Wei mikei yai manzani tiyai pannan mikei yei subre kha talla sommoni Yeso, pannan mikei kha wassezun kha kobɓani. 41 Mikei kha pirani ta majalisa tanabbi tommon mikei poropok kyei bonne elenkhu sommo. 42 Kha yappi koɗimmin mikei ta wor haikali, ta wor mina-mina ti yi wa'a pannan ɗiti yi subre anghijim kyommanim.