Pala 13

1 Ti ya molli woh ɗita Antakiya kha an dab paro khama an sopar, ma Barnabas, Saminu (woh yeghi kha Baki) kha Lukiya Bukarame kha ma nayin (woh yo molizun kha kup Hiridus an khu kup momi) kha Shawulu. 2 Woh mikkhe ɗita wab Yamba kha khebban khuppok galang khirim taberah kha tabani ta " ma wosseno galang kha Shawulu elenkhu poro woh ni yenezun. 3 Kha yappi woh kauwan lenya yo ɗimma kha khebban khupok, mikkhe li khira ti khuzun mikhe wosezun ma mikhe khobo. 4 Galang Shawulu kha Barnabas mikkhe kha mun gɓuɗe ti Khirim taberah, mikke khawar sulukiya ti piɗi mikkhe per khu yel kuburus. 5 Woh mikhe ti talla mina salami, mikhe soppipo paroni anminamun ɗi piɗi ɗimmi Yahudawa, mikhe ɓiran ɗi kha Yowana Markus an ballezun. 6 Yapi woh sankhilou khu ɗu peb kha Bafisa, tio nenne mikhe kha weh manni Bayahude an sommo Baryeshua an wab khidima ɓirang dob paro kyaba. 7 Kham an wab khidima woh ɗi kha makaddas, shi sarjus Bulus miya an penan. miya khei kha yeh Shawulu kha Barnabas elenkhu menghi jiri paroni Yamba. 8 Makhikhe Elimas " An wab khidima (kyananan khu sommoni khikhe) yo ɗimma kha zun, menghi ma kher weh mun ya rosso ti jeren. 9 Makhikhei Shawulu woh yegheni Bulus ɗi kha khirim taberah kha lini aro. 10 Galang ta "khei lani kup limmi khi ɗini kha munpok kha pehp kiɗan galang ya soh, khi an bana pehp khiɗam nyung rosso kha wassi gwulani kyumpan khakkho ni Yamba. 11 Mommi bani khira anminamun ti khukho khira ɗiya an pughum, khari weh pikki ɓiran mommi" khummun galang manni yebe kha dili kha asseni kha illa mere-mere ta ɓan lenya an khep tomni. 12 Yappi woh miya wau wikkhe woh you kha mun ya rosso, elenkhu khire woh weh yuwah kha soper elenkhu anminamun. 13 Bulus khama khereni mikkhe kha ɓakri ɗoh per khommo ti gon am ti Bafusa war Firjiya kha Bamfiliya. ma khikei Yowana kha wassezun kha phengri Urushalima. 14 Bulus khama khereni mukhe kha war Firjiya woh war Antakiya woh ti khu yel Bisidiya mikhe kha ri ya piɗi ɗimma milan nessi paporo mikkhe kha ɗiyani. 15 Yapi bal weh woh dob paro, mun gɓuɗina an molli mikhe kha yiru suran ta "An molli ma maɗi kha suran woh deksig lenya ma tebo. 16 Bulus kha illani kha yi soper kha khirani ta "lenya Yamba kha me woh ma munghi gɓɗe ti Yamba, ma kiro. 17 Yamba Israila kyakkhema ma ghikki mun kha yanzun milan woh mikhe ɗiti khu yel Masar kha ma mun gɓuɗe ɓang kha pettu kha zun ti yarho. 18 Yo kyummi rosso kha zun woh wor sene nya peɗou. 19 Yappi woh mikkhe ommo khu yel pelireu ti khamana kha mun kholo khu yel ti ma ghikki mun. 20 wikke yo sena kik peɗeu kha nya far woh khopou, yappi wikke. Yamba kha munzun an khong woh war galang an dobparo Samaila wanna. 21 Galang lenya kha ɗimmani ma munzun kup Yamba kha mun Shawulu lani Kish, miya yaminani Binyamin kha ɗiya kup woh war sene nya peɗeu. 22 Yamba kha padɗi ti khu juk kup, kha mun ti Dauda kha ɗiya kup zun. Ti khuni Dauda Yamba, ta "Dauda lani Yessi, miya woh yaɓong ni menghi, khire ta yi pehp woh ni menghi. 23 Ti ya kiɗam miya khei Yamba kha pettu kha an mirkui, khiji woh khire menou ta yi. 24 Wikkei yo pidɗan kha waran Yeso, Yowana soppo paro palkyaɓa ti lenya Israila. 25 Woh Yowana kpandɗo poroni, khire tebpo 'ma lighi ɓongma nenong? a nem ma khiro, manni ti wattu ti pino, woh tagha ni khopo ɓangno. 26 An molli siɓɓa ti khiɗam ni Ibrahim kha woh mikhe ti ta wap Yamba ti ya ma, elenkhu mun woh posina suran mirkhui. 27 Elenkhu woh mikhe ɗighi ti Urushalima kha an ti khu jukzun mikkhe a penezun, Birang mikkhe tebghi woh balghi ni an dobparo kha ɗimmi ti piɗi nessisik ti piɗi tukni. 28 Piɗan mikhe a weh khokkho woh tukni, mikkhe kha ɗimmi Bilatus ma tukni. 29 Yapi woh kpdɗo pehp woh ballo elenkhu ni, mikkhe kha durteni ti khu gutum uro mikkhe kha sadni kha woron piɗi nane. 30 Makhikei Yamba kha illon kha si ya talla an muro. 31 Lenya woh wanna kha ti Galili kha Urushalima mikkhe kha ɗita nungheni son ɗagham, lenya mikhere mina an mirponi ti lenya woh monni. 32 Mun wanne ma kha paro woh damu elenkhu menan woh yoh ti ma gikki mun. 33 An minamun wossemun menan khei elenkhu khikei kha illo kha si ti ya talla an muro khiji woh ɗighi ti ya pononni Dauda an peleu "khi lani dani ti pigho. 34 Ma khikei elenkhu illo kha si ti ya talla an muro ma sini kha ommo, kha yi paro khighi khikei "Na mumma likhira ti khui wehni Dauda tabatatu. 35 Khei mino woh yo manni paro ti ya ponokni Dauda khire ari wasseni an kyullom ommina. 36 Yapi woh Dauda wappo Yamba ti ya ɓongni kha woh Yamba menghi , kha murani kha sadni kha nanni khama gikkini kha ommani. 37 Ma khikkei miya woh Yamba illo kha si a ommum. 38 An molli ma peno ti pi miya khei woh soppo paro Kyambo ɗing. 39 Ti pini pehb miya woh munghong ya rosso ta per kha si ti khong Musa woh a per kha si. 40 Elenkhu khikei ma yi hankali kha woh an dob paro ta tebani elenkhu makha meru khuma. 41 Me an kpan khui, mara ridina elenkhu weh yuwah. Mara ɓaɗina, elenkhu ni ta surtu ti talla sonkei, paro mari menim kho manni teppema. 42 Kha Bulus kha Barnabas mikkhe ta perani, galang lenya kha ɗimmezun, mikhe wakki khu pari khei milang nessig woh ta wattu. 43 Yappi woh mikhe kpaɗɗo ɗimma, Yahudawa ɓoh woh riya khara Yahudawa si mikhe kha me pini Bulus kha Barnabas, galang mikhe kyol khumozun ma mikkhe khebsi yi paro kha nyun rosso Yamba. 44 Wo millan nesissig penghirina, lenya peb kha kauru elenkhu mikkhe khiri paroni an minamun. 45 Woh Yahudawa wau kauwan khu lenya, galang mikkhe kha pwani kha ɗen. Mikhe ɗita teɗili gɓanmazun ta woh Bulus ta tebani ti khu ɗing woh mikkhe ta yuwani. 46 Ma khikhei Bulus kha Barnabas mikhe yoh paro ya ɓong monni, "Kheppo ti ɓang ma tebma paroni Yamba, ma khikkei ma poro Pokhi, ma kyuppo ma menghi khigha woh kpakpai, elenkhu khikei mara pengri pi lenya wane. 47 Elenkhu khikhei an minamun kuzzo pok ta 'Ni soppema peh lenya, elenkhu ma wattu kha mir khui ti pokhu khupebe. ''' 48 Woh lenya wane khira khikei, galang kha peh ya rosso mikhei kha powuli an minamun. peb lenya woh soppeni khigha woh kpa-kpai mikhe kha pal kyambo milang kirei. 49 Paroni Anminamun kha wayani kha ɗong piɗizun. 50 Ma khikhei Yahudawa kha suppi piɗi serep wo ɗita ɗimma, an ɓan kha an khabi tom kpattin mina wikke kyokro nyalla ti Bulus kha Barnabas woh soppi kha peron kha zun ti piɗizun. 51 Ma khikkei Bulus kha Barnabas mikkhe tuk molgu sozun, mikkhe kha khobi war Ikoniya ma khikkei siɓɓa an poroni, mikkhe weh peh ya rosso, kha ma khirim taberah. 52 An suran kha khemmo kha khirim kha tommon rosso.