Pala 1

1 Kha an manyina wo wori an leh kyakkani, siɓɓa ro woni ni mehji kikkyei , a khuɗun naim khalan kha lenya wo peno kikkyei. 2 Elenhu khikyei wo kha ti yamu ta ɗii ti talla mun kpa 3 khughu kha khunghu ka menan no ta diu kha mun ti pini Yeso damun kha Yeso lah damun, tiya khikkyei kha menanno. 4 Ni you kyollom elenkhu ni wow monni siɓɓagui mikyei ɗita yi mere tiya kikkyei, khikyei wo mu kheppo muniporo ti pini damun. 5 Momi ni ɗita ɗukkuregui, an leh minna a elenkhu ni ɓalle gyi poye munporo, khalang kyei wo mu wou pikkyei ta mu meni sap mun. 6 kyei non mi-an menan no ta ma mun yu mereti khu muni paro ni kyei mi-muni paro khighi wo ma khire ti pikke, ta ma yu mere ti yani. 7 Kham lenya wo dokkulghi lenya pena ti khu pebe, wo mikei a meni ta Yesu wanna ti sik non kyei an ɗokku-ɗokko khama an khuɗi yeso. 8 Ma ɓani khuma, elenkhu ma mayeppi wo mu yow ti khuzun, khalang elenkhu ma khebi wo kyeima. 9 Pehp miya yow mere a ti khini lani Yambam khire an ghagyem kha Yambam, miya wo ɗiyow tiya kyuban khire ɗighi kha damun khama lah. 10 pehpo miya wanna pirma, an ghai kha mamanin ma kha wossenim ri ya minamam, ma kha ɗou meman. 11 ma Pehp miya woh ɗoumeni khire khawo kyui kha si tiya poro woh a wallam. 12 Ni kham we gho wo ni menghi ɓallani ti khi khalang woh ɓalla kha alagara ari wowi taɗdonim. kalanhg pehp kha kyei ni sopghi rosso watu pighi mu yu paro ɗou kha ɗou, elenkhu peh rosso mun ma ɗiya khemani. 13 Sɓɓa molghi kyukhani ɗita ɗomeghi.