¹ Mbomi ma molno, ma penou kha dohma ta meremun ti pima ɗakkalanim. ² Ma pennou ti kha yapi mun kyou bonne ɓirang yuwemun walla kha buung ti pilipi. Mun wau ɓang rosso ti pini Yamba elenkhu mun soppopok paro ni Yamba pehp ti ya bonne. ³ Eleng khu tullo wo mun yurema a ɗakkalanim, ɓirang a tiya yoghna ɗingyim, a birang tiya kokko kyabam. ⁴ Khiji wo Yamba menou kha mun, kha mun tiɗɗi soppipok paro ni, ti khu kyeiyi wo mun kyerou ta yi paroi. mu ɗita yi paroi eleng khu mun ɓaghri ɓong lengya, ɓang khedeng wo mundi mun tommon rosso to Yamba.khedeng sih wo penou ya rosso mun. ⁵ Ɓirang muna nab yima tomon paro kha tso monnim, khiji wo ma pennou, kha tughher muna kup dallak munim, ni Yamba woh kini pohmun pehp. ⁶ Ɗang ɓirang munda menghi kyoghran ti pini lennyam, ti pimannim khapi lengnya. Mun menou muri wawu yi paro kha ɓang mun ti khuma mun an paro Yamba. ⁷ Mun menou mukha kyaru kha khumun yati tallama khiji wo anle yighi ɗomo muro ti siɓɓaro. ⁸ Eleng khu kyei mun menghema, khidang ti khu paroni Yamba wo ɓirang kha mun khumun eleng khuma. Eleng khu mun menghema. ⁹ An molli, mun menghi mu khattema kha paani paro mun kha bonnemun. mu dita yi paro kha ɓong eleng khu munda menghi mun pyekki paro ti khu miya monni, pehp pikki, tikhu milang wo munda soppopok paro ni Yamba. ¹⁰ Ma kha Yamba ma ɗiwoh an mun paro ti khumun elengkhu kiɗam dii taɓerah khama khughu kha diwo anghiji ɗakhalan ti pimanim. ¹¹ Ma penou kiɗan ɗiiwo mun yoh khamma khiji ɗii daa kha siɓɓama birang mugha kyol khumoma. ¹² Eleng khu ma yi mere woh wala ti ɗoh Yamba woh yenema mari ya mina ɗukhtai ɓirang khama pauni. ¹³ Mu ɗita pammo Yamba Eleng Khuma elengkhu paani menan woh ma kyuppemun kha yapi wo ma kheppou paroni Yamba wala a kha yapi khiram a khiji paro lennya. ma kheppou paroni Yamba woh khulli-khulli khiji woh wannan. Ni kiɗam khep paro kyei woh ɗita yi paro ti tallama woh ma kheppou paroi kha rasso monni. ¹⁴ Eleng khu ma, an molno, ma ɗiyiwo an kheppi so khara Yamba woh ɗita Yahudiya tiya anmina mun Yeso Kriti. Eleng khu ma kyou ɓongma ti khirani an khima, khiji woh mikyei sou ti khirani mirh Yahuda. ¹⁵ ni mirh Yahuda woh kpukkou an minamun Yeso kha ithi an ɗob paroni Yamba. ɓirang ni sun mirh Yahuda woh khainemun, mikyei ayi woh walang ti Yamba. ji khu kyei ɓirang mikyi ɗiwoh an mugyu kha lennya pehp. ¹⁶ Mikyei ɓirang khudou woh mukha yi kha miwoh a pen Yamba ma mikkyei kha weh mirpokyim. Diyeirou khekkyei woh mikyei ɗiyi woh tiya ɗing ɗhuun ɗenni Yamba kha sugru ti khu dzuun kha yapi. ¹⁷ Khabow ya talla mun, an molli, woh lazauwa yokkoi, tiya sigh a tiya khirimyim, mun menou tiya rosso mun kha buung ma mun weh ɗohma. ¹⁸ mun menghi woh phima, neh Bulus, khumun ɓirang an dogho kyeroun khu mun. ¹⁹ A woh wuni woh muri yi ɓang sigh ti khuyi ya, tomon rosso ya, ɗang ɗokholi kyoghri khui ti ɗohni anmina Yeso woh khero penghiri ya? a ni am ya khiji ɗiti lengya mun ya? ²⁰ Ni mai woh ma ɗiyimun woh kyoghremun khama woh mun tomon rosso.