¹ Bulus, Silvanus, kha Timiti ti mina wab yamba ti Tassalonika to ya sommo Yamba daa mun kha an minamun Yeso Kriti. mo khunghu kah tommon rosso ni daa mun Yamba, kahma an minamun Yeso Kriki, kyaru ya rosso. ² Mu dii ta yi ɗimma elleng khuma peɗi kha pikki. ³ Mu ɗii taƙhatti paro ma ti ɗohni daamun Yamba eleng khu kiɗan nyatha paro rosso ma, nyatha menan, khabang rosso ma toya ɓallan bong ma ti ya anminamun yeso Kriti. ⁴ Ma molno, wo Yamba menema, ni penou yamba ƙyakkirema, ⁵ eleinh khu paroni Yamba a watu pima ƙheɗeng tiya paro pok waneng, wannang ɓirang kah bang wo penna ti pini khirim taɓirah, ɓirang kha kheran paro wo ɓang. Ti khu paro kyeiyi ɓirang, nia penou kidam ɗii wo mun yighi ti tallama eleng khuma. ⁶ Ma ɗiiyiwon an khippi somun khama an minamun,ti khu wo ma kheppo paroni phep ti ya bone wo ma ɗiiyigin tiya yi, kha tomon rosso wo khirim ta bereh, munghuwa ma. ⁷ Eleng khu paro kyriyi, ma ɗiyiwou an kyau kokko ti mirh Makkadoniya khama mirh Akiya wo kheppo paro ni Yamba. ⁸ Mbomi paroni Yamba woh yiwo ti ya piɗi, eleng khu soppipok wo ma you, a khikkhem ti Makkadoniya khama Akiyayim. phep porro doh piɗi wo menan ross ma parro ti ya Yamba. Eleng khu paro kyiji, munari tep manni paro ɓiranghim. ⁹ Ɓirang sun kha ɗohzum teppoh piɗi kiɗam meremun ti pima. mikyei ta tepmun ta ma wassou wab khiɗima ma penghoro ya wab Yamba wo ta sunani. ¹⁰ mikyi ta peppani ta ma dittta kyonno pengheran laani ti kherghu, woh kyeri kyoghrou ti talla lenya wo mutturou. kyei minetei Yeso, wo piɗɗuwamun tiya ɗen wa ta wattui.