¹ Inze i kun nǝrǝ u ware bilai ono geme se Ma ra cikǝ a ridirǝn, ri kazen udarsa ere a rekero ra aji konzen rekero ra amaro. A wa pate nan imu pateme sunare. In ² kun nǝrǝ Umalika uwa gata a yisu nan uyiza remelo, "avizi unu date da ma pǝni rikaza reme konzen ma pore imu pate me?" ³ Oye dama anyimi ǝdǝshǝri nan anyaŋa né anyimi inyaŋa se ma nin date upǝni rikaza reme né ma bare eme ne. ⁴ In wa riwa ganka, baka se awa ta mura ono geme se ma nin pǝni rikaza reme né ma bare. ⁵ Bata onoŋono vento anyima ŋe gun mi, "Tago u riwa ne, nǝri! Bidǝn be bisǝna bi Judah, are David, Ma wa wushi maji. Manze Ma nin date Ma pǝni rikaza reme, na I'm pate sunare me." ⁶ In wa nǝrǝ kutan a tore azate ridirǝn rimi nan imi ruma se awa ruza i naze konzen anyimi tenoŋono teme. Ngo unǝrǝ mi uga a wa wuna me. Ma zen awuri sunare konen nan aji sunare; igiya ze tuvunu sunare ta Ədǝshǝri se awa tuma a waŋa kwaba anyimi massano. ⁷ Ma wa waŋ Ma ka mǝnti rikaza reme uware bilai bu Ono geme se Ma wa ra cikǝ a ridirǝn reme. ⁸ Se Kutan kome kuwa yita rikaza reme, Imi ruma se awa ruza konzen nan anaŋono akuri repo nan an ka naze me gurwǝnǝ mi a bida beme. Kusun o hoŋe nan ɔmolɔ nan aruyiya iyabo i Gold awa ubinja nan ishamu ma lo, se manze taye ta ano yiya birwa. ⁹ Ŋa gusa irina i sau: "Nŋo ze unu ziya uyita rikaza reme nan upǝni imu pate me. Baka se awa tuzi, konzen nan maŋyi mai manze u wa kwa ano baka Ədǝshǝri asura kuyya bisǝnǝ, Eboze, Ano, konen te Peypey. ¹⁰ Nŋo wa we ŋe tupriest da ŋa cikǝ ano rerere ra Ədǝshǝri, konzen ŋa wuza tegomo a massano." ¹¹ Inze Min nǝrǝ konzen in kuna ogosogoso u timalika cebete alake nan ridirǝn rimi nan imi ruma se awa ruza konzen nan tenoŋono teme. E cebete e he ŋe wa ze tigu rikuri nan tigu rikuri konzen tigu nan tigu. ¹² Nŋe agusa nan remelo ri sǝru, "Onu date ze kutan ko geme se a wa tuzi da ma ka agata, umura, rekeze, ubunku, Ubare, Uyiza, konzen nan uyisiza." ¹³ Ina kuna kuyya tegogoro te geme se awa ruza anyima ǝdǝshǝri nan anyaŋa nan anyima nyaŋa, konzen nan anyimi siyi—Kuyyiya e heŋe— a gusa, "A ka ono geme se Ma ra cikǝ a ridirǝn, nan kutan kome, uyisiza, ubare, uyiza, konzen nan agata tegomo ti suŋ a waŋa a suŋ." ¹⁴ Imi ruma i naze se awa ruza go, "Nan taya te!" Nze tenoŋono teme gurwǝnǝ ti wuza bidawa beme.