¹ Inze umalika me bezon riyi ri manyi ma ruma, sansan uga Crystal. Ri wa ra suru a ridirǝ ra Ədǝshǝri nan ri kutan a waka ² uruna u wa azate Ape me. A kuyyu ulu u riyi ri mi a wa zen utiti u ruma, nan isǝni iburi rikurin terpo, konzen email yoso kuyyu bǝrmǝ. Tuva to titi timi tu wamo inyaŋa manze. ³ Uyu wu na nu tin kun ra nu ni. Ridirǝn ra Ədǝshǝri nan ri kutan kome nin ra anyimi Ape me, konzen area hame nin wuza me ituma. ⁴ Ŋa nin nǝri aja Me, konzen rija reme ri nin ze a bitina beme. ⁵ A tin kwa mura atitiyyǝ ni; ŋa tin ku ŋa ginǝrǝ onŋwe ne ney pitila u kutan kome ne baka se Aco nin there ura aza haŋe. Ŋa nin cikǝ suŋ a ka deŋe suŋ. ⁶ Umalika me gon mi, "Nlen ma giya mu gara manze konzen gangan ze. Aco, Ədəshəri a uvunu uwa Atuma me, tome umalika of home a ka beze arera hame emegeme se i na ra vot a wu na." ⁷ "Nǝrǝ! In na ra voto a ra! Ono taye manze Ono gemse ma na tarse nlen ma Atuma awu takarda ugiya." ⁸ Mmi John, mi zi wa Kuna in kun ni tegogoro tigiya. Uca ogeme se in wa Kuna konzen in ni ŋe, In wa gurwǝnǝ anyaŋa dan wuza umalika me bida, umalika ogemse u wa bezon tegogoro tigiya. ⁹ Ma wa gunan mi, "Tago u wuza nane ne! immi orere ze uga nŋo, nan anuwanoma hai Atuma, konzen nan kusun ana gemse ŋa gara nan nlen mu takarda ugiya. Wuza Ədəshəri zi bida base!" ¹⁰ Ma gon mi konzen, "Tago u pate nlen ma Atuma mu takarda ugiya ne, baka uca na ra voto. ¹¹ Ono geme se ma damen ruwuza ri wuma ne, deke ma wushaji nan riwuza riwu caron reme. Ono geme se ma zen riwuza ri madini, deke ma wushaji nan riwuza ri madini rimi. Ono gemse mazen riwuza ri wuma, deke ma wushaji a wuza emegemse eze i wuma. Ono gemse maze sansan, deke me a wushaji anyimi isansan me." ¹² "Nǝrǝ! In na ra voto a ra. In zin imu mura, egeme se in nin nusi kuwavi samaka eme geme se ma na wuza. ¹³ Immi zi alfa Nan Omega, dinka nan una maro, ubursa nan umassa me. ¹⁴ Ano taye ŋanze anageme se ŋa zen riwuza ri wuma da ŋa mura uwari u wushu u titi u ruma konzen opete Ape me arakai. ¹⁵ Ana akai ze Iwashe, ano ridiyawo, ano rijama, anu wuzano, abere, konzen nan kuwavi se ma barse umassa riwuza rempore. ¹⁶ Immi, Yeso, na tome umalika o hon a ma biyi ŋi epe tegogoro tigiya baka arupatǝji. Immi zi riji konzen abiya eco David, isansan i ewenweru cuncu." ¹⁷ Uvunu konzen Uwaisaw go, "Ra!" Deke onu Kuna go, "Ra!" Ono geme se ma zen riwu ri manyi, deke a ma ra, konzen Ono geme se ma barse eme, deke me a ma mura manyi ma ruma sawai. ¹⁸ In ra bi mi a kuwavi on Kuna nlen ma Atuma awu takarda ugiya: Ingase oye vati a nu, Ədəshəri nin vati mi imi buru egeme se a na darsa aza anyimi utakarda ugiya. ¹⁹ Ingase oye kashe mai nlen asuru utakarda ugiya uwa Atuma, Ədəshəri nin kashe me imu mura anyimi utiti ruma konzen anyimi Ape a sansan se awa darse aza anyimi utakarda ugiya. ²⁰ Onu biyǝ tegogoro tigiya go, "A'a! In na ra voton u ra." Nan Taya te! Ra, Acowado Yeso! ²¹ Deke ogbene uwa Acowado Yeso cikǝn kuwavi uhuŋi. Nan taya te.