¹ Igiya ze tero tegeme se Ədǝshǝri wa nya Yeso da ma beze Utuma ohome tegogoro te geme se ti na ra voto a ra. Ma wa beze se Ma tuma Umalika o home a utuma John. ² John wa yisu aza nlen ma Ədǝshǝri konzen aza ubiyǝ epe Yeso Ukase, zale tegogoro tegeme see ma wa ni. ³ Ano taye ŋanze Anu bara men remelo ri sǝru, konzen Anu kunaza nlen ma rituma rigiya, konzen ŋa gara nan emegeme se awa darsa anyimi, bakase uca na ra voto. ⁴ John, a ka tikura tu patǝji anyimi Asia: delete taye ti cikǝn ŋi nan tell asuru Ono geme se Maze, Nan Mawa ze, konzen Ma sa ra, Nan asuru a tuvunu sunare te geme se taze aja ridirǝn reme, ⁵ konzen asuru a Yeso Ukase, Ono geme se Maze Unu biyǝ mi, Ono yo u dinka asura anu wiju, konzen Ono tegomo aza agomo a massano. A ka Ono geme se ma barsa do konsen ma na we di suru anyimi macara mado nan maŋyi mame— ⁶ Ma na we do icikǝ akura tupriest baka Ədǝshǝri nan Acowa me—a ka me uyisiza nan Agata a suŋ nan suŋ. Nan Taya te. ⁷ Nǝri, Ma geme a ra nan usǝkǝnǝ; aji kweren sa nǝrǝ mi, taken ana geme se ŋawa tuyi mi. Zale bisǝnǝ bi massano bi nin riwa baka me. Nane, Nan Taya te. ⁸ "Mi zi dinka nan umassa me," ubuku a Ədǝshǝri Aco, "Ono geme se Maze, konzen Ma wa ze, nan Manze sa ra, Unu sǝru." ⁹ Mmi, John—uwanomp ye, konsen Ono geme se ma wa shi makwai nan ŋo anyimi tegomo Nan umutǝnǝ se u ta Yeso—wa ze anyaŋa ma repo se agusanno Patmos baka nlen ma Ədǝshǝri nan ubiyǝ nlen epe i Yeso. ¹⁰ In wa ranyimi uvunu atiyyǝ Aco. In wa kuna amaro a han re remelo uga rejo. ¹¹ Riwa go, "darsa eme geme se una nǝrǝ anyimi Utakarda me, konzen tuma nanno a ka tura tu patǝji—a Ephesus, a Smyrna, a Pergamum, a Thyatira, a Sardis, a Philadelphia, nan Leodicea." ¹² In waŋaro amaro dan ni remelo Ravi renze a bǝnun mi, konzen send in wa waŋaro in dun ni ti Pitila to tore teme sunare. ¹³ Anyimi azate ti Pitila teme ti wa zen oye uga vana Ono, nan ogoro tommo te yo-yo se the ka deŋe tuva ta tauwa me, konzen nan imi ruru i gold a begeseŋa beme. ¹⁴ Retǝ reme nan setǝ seme wa ze pau uga tu auduga—tu wa ze pau uga atantane, konzen aja me wa ze uga nlen ma ura. ¹⁵ Tuva ta atauwa teme we ze uga bronze u sarka, uga bronze ogeme se a wa mamara anyimi idaka ura, konzen remela reme a ze uga ugara manyi mu ŋana. ¹⁶ Ma wa zen ewenwero sunare anyimi ubare bilai, konzen uvira u tinu tu wushu wa suru a me ǝnu. Aja ha me wa ze ŋaleŋale uga omŋwen agata hame. ¹⁷ Sen in wa ni mi, In wa gara a tuva ta atauwa me uga ekeze. Ma wu na uware bilaiya beme aza han nze mago, "tago u kuni iwi ni. Mmi Zi dinka nan Umassa, ¹⁸ konzen Ono geme se Ma seen ruma. In wa wǝnǝ, Bata nǝrǝ, Min giyan ruma! Konzen In zen tumakulli tu wǝnǝ nan ti Hades. ¹⁹ Bakan nane darsa a nyaŋa emegeme se u na ni, eme geme se eze waja, Nan eme geme se i nin ra azamaro igiya. ²⁰ Aza imu u ru se awa pate aza ewenwero sunare se u wa ni uware bilaiya bon, nan tipila to tore ti gold sunare me: Ewenwero sunare me tenze ti Malika ti tura tu patǝji, konzen ti Pitila sunare me tenze tura tu patǝji."