1 Bulus se ma ka Nyaŋ baka Yeso, nan Timoti oyono, a wame a Filimon, orene o hodo nan orere u ituma. 2 A wame a Afiya oyono, a wame a Avkifus ono te ukara nan woro nan anu gursana anŋo atau. 3 Ogbene cikǝ nan ŋo nan malo a suru Ədǝshǝri aco wodo nan ono u kaso hodo Yeso. 4 Kuyyuca nzeŋ birwa bi run a Ədǝshǝri a haŋ. u ca u nyaka taye nin dunza nan ŋi. 5 minwa kuna epe tibarsa nan u yiya birwa a Yeso nan udaŋara anu nyaka te, 6 Rä nyaka taye baka u yiya birwa bi cikǝ kima nan uru ko iya se eze a nyimma hado a Yeso. 7 Na kuna u runtu birwa nan malo baka tibarsa te, baka i ruwa iwano u nyaka a te na wuna shammo baka u wanome o hoi. 8 Baka nanaze nzen g a nyimi Yeso da in buki emegemese ngo nin wuza, 9 Se nan nane baka a tibarsa, na wuna ogbne -imi Bulus, o noŋono , iyaŋ baka Yeso. 10 Ra ŋana a vale a ŋo aza Onesimu se u waze a co me a nyimi iyaŋ. 11 Mata ze nan rete ne, mazen vete a ngo nan imi wagiya. 12 Na kursu mi a ŋo baka se mara a nyimmi birwa bon ganka. 13 Minta barsa matǝ cikǝ nan imi dama wuzan ituma a bina be, u ca ogeme se in ti ra iyaŋ baka nlen ma Ədǝshǝri. ̄ 14 Min wa dama barsa i wuza iyabo dan nan uru mi o hoi ne min dama barsa ituma i wumae he cikǝ o go ana wunai anu ze baka adodonza wuna a hai. 15 I ranu baka naneze ma warna nan ŋo u ca u bate da ngo kame u suŋ. 16 Asuru u ca u giya ma dama cikǝ orere ne, maikra orere, se oyeno a yimi tibarsa. Min barsa me, ngo kiraŋ a barsa ho me a nyimi repuŋ na Ədǝshǝri. 17 Inga se u kawon ogo orere u ituma ogo immi. 18 Ingase mazen macara ango ne ngo tarse me uduru, deke a tara ton. 19 Immi Bulus, ra darse ere i giya nan tara ton. ra ngo hoi, dan se min tarse u duru o retarei. 20 Oyeno, wunan ogbene baka Ədǝshǝri wuna birwa bon be vonke a nyimmi Yeso. 21 Min ze tan dasi baka u nyaka retei ra darsa ere ara wa ango. Min ru emegemese ngura wuname i kira emegeme e na nyaka a vale me, 22 U ca o vento me, gi nyarun ugura uwa gen, ra yiya birwa baka unyaka taye ti tiŋi, dama daka none ara kurso hon ŋi. 23 Efafaras, orere u wi nyaŋ, a a nyimmi Yeso mara guse huni ko. 24 Nane ze M arkus, Aristakus nan Dimas nan Luka orere u wi tuma o hoŋ. 25 Deke ogbne o Yeso Ədǝshǝri si maze Aco w̃a hado cikǝ nan ovunu o hoi u i-sansan nan taye tei.