1 Nze Ma buki ŋe uyu gǝmǝrǝ kando geme se ŋa nin remmozo, konzen tago ŋa ganno ne, 2 mago, "awa we uyu unu biyǝ nlen a ayape se ma tǝ kuna iwi iwǝ Adǝshǝri ni konzen ma tǝ ni oyono nan sete arete ne. 3 Awa we uyu ushi ape me konzen, ma wanze kuyyuca ame, agusa, 'malan du wardo kima nan ono magita man.' 4 Nze ma dakano wete baka ma dame epe umalome ne, Bata uyuca ma gon retǝ reme, 'ko se intǝ kuna iwi iwǝ Adǝshǝri ni né in ni ono nan sete arete, 5 ama baka ushi ugiya ten dekon in shi uvunu ni, In nin male me ma mura emegeme se marepe me, da tago damon nan urasa arigiya ne."' 6 Aco ko ogo, "kuna emegeme se ono buyǝ nlen me na buku. 7 To i tǝ ru si Adǝshǝri nin kuna izama iwano ageme se man zaka ani izama kuyyuca ne? Ma nin dakano Ma dan kuna ŋe ne? 8 Dikan buki ŋi Ma nin nyaŋe emegeme se ŋa ra epe me sassa. Ko se, uca ogeme se vana ono rai, Ma sǝ mura uyiya birwa a massano mame?" 9 Inze ma ko ma buki uyu gǝmǝrǝ ana geme se ŋa gosen ate a haŋe ago ŋa zen magangaŋ, konzen ŋa nyamene awe, mago, 10 "anka repo wa waŋ a ru pate rete a ŋa remmo - ono vento uPharisis waze, ono repo unu ka iru innyaŋa. 11 UPharisis mi yere nze ma remmo a tegogoro tigiya aza reta reme, 'Adǝshǝr, in go kö, tun si min dame se udangara ano giya ne - Akari, anu dira magangaŋ, nan anu rijama - nan unugiya unu kassa iru innyaŋa. 12 In pate ze anu ttitiyǝ te repo kuyya sate. In yiza evento anyimi egense in mura.' 13 Bata unu kasa iru innyaŋa, yere ma tore a rekero, ma tǝ pani aji ma ni adaishari ni ma, nze ma tere begesen, ma go, 'Adǝshǝri, won ijai, imi unu macara.' 14 Dikan buki ŋi, onu giya ti wame a yitau nan birwa bi run bu kira be ono geme, baka se ono geme se ma yiza retǝ reme a nin dutu mi, ama ono geme se ma duti retǝ reme a nin yiza me." 15 Ano me wara ra rasa nan abiya a batebate voton me, da ma dupa ŋe, nze se atuma hame wa ni nane, ŋa me ubǝnǝŋe. 16 Ama Yeso tisa ŋe ame, agusa, "deke ni abiya abatebate rai voto nan mi, tago i tunaŋe ne. Baka tegomo tǝ Adǝshǝri te teŋe tenze. 17 Gangaŋ dikan buki ŋi, kusum ono geme se ma tin kai tegomo tǝ Adǝshǝri uga abiya abatebate ne, summi ma tin petǝ nu ni." 18 Uyu unaji sangara me, mago, "Onu bezezze u wuma, in ni zi in nin wu na dan mura ruma ri suŋ?" 19 Yeso gonme, "Iyaze na wu nai se o tisan unu wuma? owe dame unu wuma ne she Adǝshǝri base. 20 Nŋo ru mǝruku zale - tago wuza rijama ne, tago u wuna owe ne, tago u wuza rikari ni, tago u bi npore ne, nya Anaco uyiziza o hoŋe." 21 Unaji mi go, "zale tegogoro tigiya inna deke tuna uca ogeme se inwada vana." 22 Se Yeso wa kuna nane, nze ma gonme, "iyiyabo vento ra nu se udawa wu na ne. U nin rǝsǝ zale umura ohoi du wara ano tiyaŋ, da umura ohoi cikǝ adaishari - en ze u nin ra, du tarson." 23 To se unaji mi wa kuna nane, birwa biwa caro nan me sosoi, baka mazen umura sosoi. 24 Nze Yeso, nǝrǝ mi, nan ucaro birwa, mago, "In ni zi anu mura nin pete anyimi tegomo tǝ Adǝshǝri! 25 Baka izi sauwu da bikananka be pete a rewo regeme se bizari bu duza tommo be wasa, aza unu mura mura opetǝ tegomo tǝ Adǝshǝri." 26 Anu rusa otonŋe go, "Nze avizi nin mura ukassa?" 27 Yeso gara mago, "tegogoro tegemse ti ze denden ano ti sauwu tenze a Adǝshǝri." 28 Peter go, "To, woro na deke kuyyiya se eze ehedo nze i tarse." 29 Inze Yeso gonŋe, "gangaŋ, Ina buki ŋi onogeme se ma deke ahitau nan uwai nan anuwanome nan Ayinu in Aco nan konzen abiya hame, baka ubarsa tegomo tǝ Adǝshǝri, 30 ono geme se ma dan mura cebete a massano ne, ama massano ma wu sa ra, ruma ri suŋ." 31 Azamaro meze Ma gurra atumame rikuri arevento nze ma gonŋe, "nǝrǝ, worongiya ira meshe uruna a wame a Jerusalem, konzen zale tegogoro tegemse atuma awa Adǝshǝri wa darsa aza vana ono nin massa cikǝ nane. 32 Bata a nin nyaka me ana paŋ, konzen anin gǝllǝ mi, a we me ememme, nan o toi me taye aji. 33 Azamaro utarome, ŋa nin wuna me, amaro timuru titaro masa hira konzen." 34 Ŋa tita ru epe tegogoro tigiya ne, konzen awa gurkuza nlen mame aŋe, inze ŋawa tǝ ru emegemese ana buku ni. 35 I ti deŋe se, uca ogeme se Yeso wara voton Jeriko, uyu ru wara cikǝ arekero ru runa a vale 36 se mawa ni riyǝgǝ rano a waka, nze ma sangara iyaze na varo. 37 Nze ŋa bukame se Yeso u Nazaret ze a waka. 38 Inze urũ mi sakǝnǝ, agusa, "Yeso, vana David kuna ijaiye hon." 39 Anageme se ŋawa raji nara utuname, agusanme a ma go wete. Nze ma vati usǝkǝnǝ, "vana David, kuna ijaiye hon." 40 Yeso tore wete nze ma go a rai nan me. Uca ogeme se uru mi wara votonme, Yeso sangara me, 41 "iyaze urepe immi in wu nai me?" Mago, "Aco, inrepe inta mura unǝrǝ aji." 42 Yeso gonme, "mura unǝrǝ aji. Uyiya birwa be bi na wu nai a wamo." 43 Aregemme mawa mura aji, nze ma tarse me, a yisiza Adǝshǝri. zale anome si ŋawa nǝrǝ igiya, meye uyisiza Adǝshǝri.