¹ Jude orere o Yeso unu kasa, nan uwanome Ja mese, a ka nagemese awa tisa,tu-barsa ta Ədǝshǝri Aco, konzen u iya baka unu kasa: ² ira taye da ogwene, shammo, nan tubarsa ti binja a ŋo. ³ Ano barsa ohon, uco gemese in ti ra wuza koi ya a cenno baka ndarese ŋi aza utisa u huŋi. In ti zenon darese ŋi ba nlen mame a ŋi yere gaŋgaŋ baka uyiya birwa be gemse ati nyaka ka vento baka kusun ano tarse nlen mame. ⁴ Baka ai ano te tallo a gurkuza a nyima ŋi. ŋe ano agemse aruŋi a nyima anu wuna. Nze ŋa ŋyamene nlen ma Ədǝshǝri ana gemese ŋa shenkeze tibarsa ta Ədǝshǝri hado a ŋi, nan ono nyamene ono barse Aco'o Yeso unu kasa. ⁵ Waja nmi nra dunza ŋi - uga kavento ŋi bare ŋi ru emegemse Aco'o ma kai ano a ŋi nyaŋ ma Egypt. Baka egeme waŋre ucara ana gemese ŋa ti tǝ gara ne. ⁶ Konzen atuma a Ədǝshǝri anagemse ŋa ti tǝ cikǝ a tira te tenyene tti tegomo ne, konzen ŋa deke tira ti gaŋgaŋ tu cikǝ - Ədǝshǝri ti yiya ŋe anyimi rogoro re suŋ anyimi mari, baka ubiyǝ nlen a tiyǝ a sǝru. ⁷ Emegemse uga Sodom na Gomorrah nan tepepe a liŋru ŋe, tegeme se ti biza ate ŋa a ŋi ugiŋri a wai u resono nan utarse emegese ata runi i matara ma ji. ŋe ati sazare uga tegogoro te geme se ana za ta anagemese ŋa shi makwai nan ubiyǝ nlen a nyimu ra usuŋ. ⁸ Zalle nan nane uruna ovento me, nze ano tero teme konze ŋa care apuŋaŋe. ŋa nyamene tegomo, konzen ŋe bi tegogoro ti u cara riji aza ana gemse ana yiza ganka. ⁹ Baka ko Micheal u malaika u sǝru se mara meshe magita nan uvunu obo nan u nyamene nan me aza ripuŋ re Musa, Tita ran nlen mu cara riji aza meneme, baka nane ma go. "Dä Aco'o wunku mi otoŋe". ¹⁰ Baka nŋe ano ran itukutuku aza koiya se ŋa taru ni. Konzen egeme ŋe ta ru ni - emegemse ŋa ta gose ne inama ru nan- enze emegemese i care ŋe. ¹¹ Imi jai a ŋe! Baka nŋe ŋana anyimi uruna o Cain, konzen ŋa pete anyimi oworoko u Balaam baka eyo'o. ŋe na wǝnǝ anyimi Korahh unu nyamena ra. ¹² Ija enze anagemese ŋana gurkuza anyimi tibarsa te remeze. ŋa woze remeze ren nme. A kuna malo ma ta ŋe base. ŋa nan teyero dan nan manyi ni, u vunu a sǝzǝ mi. ŋa ze titi ti autumn dan nan iburi ni - uwǝnǝ karepo, wǝŋǝra nan siji. ¹³ ŋa zen u kara uga ma udandale, ufunu mi a susu a ŋe nan nmme. Nŋe a waŋarazo uga ewewero, egemse ibiti i mǝri mana iya suŋ. ¹⁴ Enok orere a sura Adamu, ma buki aza ŋe, agusa "nǝrǝ Aco'o geme a na nantugu nan tiguti ana sansan." ¹⁵ Mara ra'a ma bursa ubuyan nlen aza kwavi. Mara ra ma tesi zalle ano nyamene Ədǝshǝri a zalle ituma egemese ŋa tewoze anyimi uruna uwa ano nyamene Ədǝshǝri, konzen nan zalle nlen ma kwai ma ano nyamene Ədǝshǝri ano macara na biyǝ aza me. ¹⁶ Nŋe ano icara iruwa, ano magangan, ana gemese ŋa tarse uvunu o bo o matara ma ji. ŋe ano malo oyiza ate, baka iwuma aheŋe, ubarsa ate a daŋara. ¹⁷ Konzen nŋo ono tibarsa ton, dunza a melo agemese a tuma Aco'o Yeso unu kasa wa buki a maro. ¹⁸ ŋa gon ŋe "anyimi titiyǝ tu masa me a mura ano nyiŋari anagemse ŋa nin tarse ŋe unyame Ədǝshǝri nan matara maji." ¹⁹ Ana giya ano gursa ano ze. ŋe ano gursa ano konze ŋe ta zen uvunu ni. ²⁰ Baka nŋe, tibarsa ton, piyǝ reta re anyimi massansan mu uyiya birwa, nan uriwa izama anyimi uvunu u-sansan. ²¹ Yiya reta re a tibarsa ta Ədǝshǝri, nze u pa uwene uwa a Aco'o Yeso unu kasa se ma rasen nŋo ruma. ²² Wuna ugwene a ana gemese ŋa dawa gare ne. ²³ Ka'a daŋara me zuzu ŋi ura. A daŋara me wuna ugwene nan iwi. Nyamene imu soke nan madini ma ripuŋ. ²⁴ Waja a wan a onogemse mazen agata ma iyiya ma zuzui a pikǝru nan uwuna ohoi utore aza uyiya u cikǝ o me dan nan tewo ne nan birwa bi run cebete. ²⁵ A Ədǝshǝri barse ono barsa anyimi Aco'o Yeso unu kasa, uyiya,ubare, eme retaron nan agata, zalle uca, waja nan cebete, ntaye te.