Udaraŋa u 12

1 Bakan nane, tunsi woro riyǝgǝ cebete Anu biyǝ nlen na liŋara do, deke i luta a rekero kuyye edenden nan uliŋaru a macara. Deke do i wuza shsuwo teson tegeme se tira aja hado. 2 Deke do I rusu tetonŋe a Yeso, unu bura nan umassa uyiya birwa. Baka tell tegemse a na yiya aja hame, Ma wa mutǝnǝ aza ugarra, taken imme, konzen Ma ra cikǝ uware bilai be ridirǝn rǝ Ədǝshǝri. 3 To wuza adodonzo aza hame, Ono gemse ma wa mutǝnǝ isǝnu nyamene asuru Ano macar aza hame, to da tagi ŋi cikǝ nan udamo anyimi iruwe he ŋi nze I cope. 4 Ŋi dawa nyamene né I wuza ituma aza macara a ka deŋe ukunku manyi ni; 5 konzen ŋi na wapi ubunku ogeme se uwa bǝni ŋi uga abiya: "Vano hon, tago wuza ijaji nan eme geme se Aco na massaz ne, né barren udamo uca ogeme se Ma rǝ bǝna ŋo." 6 Baka Aco mamara kuwavi se Ma barsa, konzen Ma tari kuuya vana se Ma Kai. 7 Mutǝnǝ ushiyǝ makwai uga umassaza. Ədǝshǝri mamara ŋi uga abiya. Baka iya vana ze a nu se Acome ta mamara me ne? 8 Bata Ingase ŋi dira u mamara, se all Ano zen no, to ŋi da ana wuma ze ne konzen dan abiya ha me ne. 9 Aza nane, woro zen Aco anyimi ripun uga Anu mamarodo, konzen woro yiza ŋe ubare. Nze woro tin ko i nya Aco a uvunu see mazin ruma ne? 10 Baka uruna ovento, Acowa hado mamare do uca u bate sakama ogeme se ereza ŋe. Bata a uyuware me, Ədǝshǝri wuza nane baka i nin male do da woro mura isansaŋe Me. 11 Uyu mamara da ma nu se o lo uca ogemme ne, bata a nin Kuna makwai. Amaro me I nin yoso isǝnǝ e telo Nan riwuza ri wuma baka ana gemse ana mamara ŋe nanno. 12 To with uwaru hu ŋi se u na tore a nyaŋa taken tiluŋa tiŋi tu dira Agata. 13 We uruna uwa atauwa haŋi cas, da eme geme se ezen rigun tin cikǝ caron ne bata i nin wamo. 14 Ginǝrǝ ni u cikǝ shammo nan apuŋa haŋi, konzen u cikǝ sansan se dan nane owe tin nǝri Aco ne. 15 Wuza ni shanwo, tago owe dere ogwene Adǝshǝri ni, konzen tago iyiyabo i caron suru i ŋi ni, da tago ano cebete massa eme geme ne. 16 Wuza ni shanwo tago a mura ano rijama anyima haŋi ko ano udira ribiu uga Esau ni, ano geme se ma wa rǝsǝ teŋona teme baka imunshu. 17 Baka i ru se azamaro me, ma wa nara u mura taye, awata nyamene, baka se ma wa ta mura uwari u ginǝro ogwene ne, taken uguna se ma wa ginǝrin majaji. 18 Baka ŋi dan ra owö ogeme se a nin date a dupa ne, owö u wushu ura, u mǝri, udira malo, nan u gwangwalozo. 19 Ŋi dan ra a wuru riwuri ni, ney ara remelo ru biyǝ eme geme se ŋi dame a nara u kuna konzen ne. 20 Baka se ŋa wata mutǝnǝ aza maruku mageme se awa nya ŋe ne "ko ingase binama bu uja bi dupa owö me, i nin gi beme nan rizuwa." 21 Are gemme wa ze nan iwi se Moses wa go, "In wa kuna iwi konzen ripuŋa ron ri ra kira." 22 Aze geme, ŋi na ra owö u Zion nan ape a Ədǝshǝri ono ruma, Jerisalem uwa anyima ǝdǝshǝri, konzen timalika tigu rikuri i zalla. 23 Ŋi na ra ara siyǝgǝ sa ano dinka, segeme se awa darsa sija seŋe a ǝdǝshǝri. Ŋi na rawa Ədǝshǝri, onu biyǝ nlen ma zale ano, konzen a tivunu te ano magangaŋ ana geme se awa mamara ŋekima. 24 Ŋi na ra a Yeso, ono rikasa ri imu gara i saw, konzen a usarma maŋyi mageme se ma kira ma Abel a bǝnu kima. 25 Nǝri ni tago ŋi nyamene ono ogeme se ma ra bǝnu ni. Ingase ŋa wata sope uca ogeme se ŋa wa nyamene ono geme se ma wa bǝnǝ ŋe a massano, ko batete woro tin sopo ne ingase i nyamene ono geme se ma ra bǝnǝ woro a ǝdǝshǝri. 26 A uyu ca, remeloa reme ra shokomo massano. Bata wagiya ma na guna, "A uyu ca u ra dan massano manze base In nin shokomo ne, bata taken ǝdǝshǝri." 27 Nlen magiya, "a uyu ca konzen," maze aza u zuzu tegogoro tegeme se te nen zuuku, waato, epe tegogoro tegeme se awa ruza, baka da tegogoro te geme se ti ta zuuku ni ti ruku. 28 Bakan nane, u kaiye tegogoro te geme se ti tin zuuku ni, a woro cikǝ nan iruwa i run konzen anyimi nane i wuza Ədǝshǝri bida nan adodonza wuma konzen nan birwa bevento. 29 Baka Ədǝshǝri a hado Ura ze.