1 Baka makiri mame uwǝrni u tegogoro ti wuma tu Ra tenze, dan dondon tegogoro teme ne. Ana geme se ŋa wame aja Ədǝshǝri ŋa tin cikǝ kima aza utuzu ogeme se ti priest ti wushaji a rasan no kuyya ruwai ne. 2 Né utuzu ogemme a tin deke unyaka me ne? Epe geme, ingase a na viski kavento base, Anu wuza bids beme tin ta kun da damon mai macara ne. 3 Ama nan utuzu ogeme a nin dunza nan macara kuyya ruwai. 4 Baka I tin we a yita macara nan maŋyi ma ivare nan ma ibiya ne. 5 Uca ogemse Ukase was rai anyimi massano, Ma wa go, "I wa ze utuzu né unyaka u barsu ŋi. Aza nane, ripun renze ŋi wa mamara baka Mmi. 6 Né unyaka udishi zale né utuzu baka macara enze ŋi wa barsa Kwan. 7 Enze In go, 'ni, min giya, kando gemse away darsa epe hon a rikaza, an ka wuza ubarso hoi."' 8 Ubursa Ma wa go, "né utuzu, né unyaka, né unyaka udishi kusun, né tunyaka baka macara se ŋi barsa. Né I wa Kuna malo aza me." Igiya ze to tuzu tegemse awa nyaka uruna makiri. 9 Inze Ma go, "ni, mingiya dan wuza imu barse he." Ma yete imu Massa iwu bura da Ma beze imu massa ewo repo. 10 Aza ugara ogeme, woro awa tuzu do uruna u nyaka ripun re Yeso Ukase kavento kusun. 11 A uruna ovento, kuyya priest tore kuyya tiyyǝ da ma wuza Ədǝshǝri bida. Kuyyu ca Ma nyaka utuzu ogemme, ko se tin yete macara ne. 12 A uyu runa Ukase wa nyaka utuzu ovento baka macara see a tin ko a we nane ne, Ma geme a cikǝ uware bilai bǝ Ədǝshǝri. 13 Ma ra pǝ she Anu nyameno me a na we ŋe aru Tara atauwa hame. 14 Baka unyaka ovento Ma na mamara suŋ kusun ana geme se a na visiki ŋe. 15 Uvunu u sansan konzen wa biyǝ woro. Baka ubursa me ma go, 16 "Igiya ze mǝruku se in nin wu na nan ŋe amaro titiyyǝ tegeme, ubuku uwa Aco. In nin biza Makira man iruwe he ŋe, konzen In nin darsa mame anyimi adondonza ŋe. 17 In tin kun dunza nan macara ma ŋe ne konzen nan riwuza reŋe." 18 Waja are gemse a zen ogwene baka igiya, a tin ko a tuzi baka macara ne. 19 Bakan nane, Ayeno, woro zen ubunku azu Pete anyimi ara a sansan suŋ nan tumala to maŋyi ma Yeso. 20 Egeme ze ucikǝ u saw se Ma na pǝni baka do arakai awu warna, se enze, uruna u ripuŋa reme. 21 Baka se woro zen dondon Priest a akura Ədǝshǝri, 22 deke a woro wame nan iruwa I gangaŋ anyimi ubinja u ru u yiya birwa, nan umura uviski iruwa se a na kwiji asuru adodonzo a macara konzen nan umura ripuŋa redo se a na kwiji nan manyi ma sansan. 23 Deke do konzen I mǝnti gwau u biyǝ ubunku aza imu mura, dan nan okerkene ne, baka se Ədəshəri, onu we do iyabo iruwa, Mazen magangaŋ. 24 Deke do i we kando geme see I nin bunku apuŋa hado di wuza tubarsa nan riwuza ri wuma. 25 Tago I deke u gurna arevento ne, kando geme see awe na wuza. Aza nane, bunku apuŋa haŋi sosoi konzen zale sosoi kando geme se ŋi ni atiyyǝ mi na ra voto. 26 Baka ingase woro wushaji a macara nan uruwo hodo amaro u mura u ru u magangaŋ, utuzu imu nyaka baka macara tin da nu ni. 27 Aza nane, a nin zen iyiwi iwu biyǝ nlen, konzen nan ura u kwai se u nin wushi Anu nyamena Ədǝshǝri. 28 Kusun Ono geme see ma nyamene makiri ma Moses ma nin wi Dan Nan ijaiye ne ingase a mura unu biyǝ mi an ka repo a ka deŋe taro. 29 Ka nyano ze ucaro makwai se a nin nya Anu Kaya ataw a vana Ədǝshǝri, Anu wuzan maŋyi ma mǝruku uga ma dira isansan— maŋyi magemse awa viski me a nu— konzen ŋa tinziza uvunu uwo ogwene? 30 Baka woro ru Ono geme se ma go, "Odope ohome ze; In nin dope." Konzen, "Aco nin biyǝ nlen ma ana hame." 31 Imiwi zi tegogoro to rizi u ware uwa Ədǝshǝri a ruma! 32 Bata dunza titiyyǝ ta amaro, amaro obezu huŋi, in do geme see i wa mutǝnǝ tǝno anyimi makwai. 33 Awa buzara ŋi Anu kerkezu huŋi nan mantiziza konzen Anu nyu huŋi makwai, nze ŋi wa shi nan ana geme se ŋa wa tarse uruna ogemme. 34 Baka ŋi zin ijaiye ana geme se ŋa ranyimi inyaŋ, konzen ŋi na kaiye nan izalla emegeme se awa kaiye I ŋi. Ŋi ko I zin u ru se imu mura I hi ŋi I wuma ze I tin masso ne. 35 To tago I vati uyiya birwa bi ŋi ni, ze I zen dondon imu mura. 36 Baka ŋi nin wuza shauwo, di mura emegeme se Ədǝshǝri na go Ma nin nyaka, amaro se ŋi na wuza emegeme se Ma barsa. 37 "Baka anyimi ka ca bate, Ono geme se Ma nin ra nin ra konzen dan nan udakano ne. 38 Ono magangaŋa man nin cikǝ nan uyiya birwa. Ingase Ma waŋaro amaro, In tin kuna malowa ma me ne." 39 Bata woro dan ana geme se ŋa nin waŋaro amaro a ka wiju ni. Aza nane, woro adaŋara ageme se ŋa zen uyiya birwa baka u yiya ruma redo.