1 Nan udakano Ədǝshǝri wa buki a ecowe hedo a suru a Atuma hame nan te turuna cebete keken keken. 2 Bata a timuru tu masso tigiya, mana bukanun woro a surǝ vanome, ono geme se awa nya me u mantǝ koyyamo. A sura me ze Adǝshǝri wa ruza massano. 3 Manze ono yisiza u runtu birwa bi Adǝshǝri, nan riwuza ri tu-yinkanǝ teme. Mana mantǝ koyyamo nan agata a remela reme. Amaro se mana sarka macara sansan, nze ma cikǝ a adizi uware bilai be ogomo uwa akayaza. 4 Ma na cikǝ unu kira kweren ti-malika, sakamo geme se rija reme ri zin unarka ru kira reŋe. 5 Baka anyimi timalika tiyu tenze Ədǝshǝri wa go, "Nŋo vano hon ze, kane na cikǝ Dado hoi" konzen, "In nin cikǝ Dada o home, nze Ma nin cikǝ vana i mi"? 6 Bata, konzen ingase Ədǝshǝri rai nan vano dinka anyimi massano, ma go, "Zale ti-malika tǝ Ədǝshǝri ti nin gurwǝnǝ mi ame abida." 7 Aza timalika mago, "Manze onogeme se mä we timalika teme uvunu, konzen ma wuna arera hame ma hau hau mu ura." 8 Bata aza vana me ma go, "tegoma, Ədǝshǝri, ti suŋ tenze. ubita tegoma te ubita magangaŋ manze. 9 Nŋo barsa riwuza riwuma, konzen Nŋo tǝ barsa onu nyamene makiri ni. Bakan nane Ədǝshǝri, Ədǝshǝri a hai, na shukumai nan maneŋe mau runtu birwa mau kira kuyyamo se irunti birwa." 10 "In dinka, Aco, Nŋo wa lutǝ ubura massano. Kweren adaishari ituma tara te tenze. 11 Nŋa nin masso, bata Nŋo nin wushaji. Nŋa nin darsozo uga tijankalan tidii. 12 Nŋo nin waŋara ŋe uga agogo, konzen nŋo nin cuwala ŋe uga tommo. Ama Nŋo ze uga usuru dinka, konzen siwaiya se si tin massone." 13 Bata iya umalika ze Ədǝshǝri wa go a uyu ca, "cikǝ u ware bilaiya bon se in wu na anu nyameno ye aru cikǝ tuva tǝ atauwa hai"? 14 Dan zale timalika tenze anu wuza ituma, nan u kai retuma ru mantǝ anageme se ŋa sa mura rikassa ne?