¹ Paul, ono ituma—dan ono ituma a suru a narome nee aya rituma a masano ne, əsuru a Yeso Ukase nan Ədəshəri se manze Dada, ono ogome se manze ma yiza me ənyimi ano u wiju— ² konzen zale ayeno se azen mi, a waŋa ti churches ti Galatia: ³ Ijai a rawa iŋi nan ishammo əsuru Ədəshəri Dada o hodo nan Yeso Aco nan Ukase, ⁴ ono ogome se ma nyaka rete a reme baka macara mado baka da ma zuzi do ənyimi rimiza ri buru rigiya, baka u barsa u Ədəshəri nan Dada, ⁵ a wame a me ze anin yiziza konzen a tuŋare me a sun a waŋa sun. Amen. ⁶ Imamme na nyan iwi se ŋi na waŋaro sasa a suru a me ono ogome se ma tisa ŋi na ijai i Ukase. Imamme na nyan iwi se ŋi na waŋaro a uyu runa ken. ⁷ Igiya dan ago uyu runa rənu ken ne, konzen baka awe rənu se ŋa ra nara u bura uzu betoi konzen ŋa ra nara u waŋara uruna nlen ma Ukase. ⁸ Konzen nga woro nee umaleka a suru Ədəshəri ma nin yisu iŋi nlen ken nan ma geme se woro wa yisu iŋi mi, a ma cikǝ ono u lallawai. ⁹ Nga nane se i wa buki u bura me, nane ze wagiya nə buku konzen, "Nga owe yisu nlen iŋi ken nan ma geme se ŋi wa kai, a ma cikǝ ono u lallawai." ¹⁰ Baka se wagiya Min ra giŋərə ano gare nee Ədəshəri? Min ra giŋərə u runtu ano iruwa? Ngase min da giŋərə u runtu ano iruwa, Mmi dan orere Ukase ze ne. ¹¹ Baka se ra barsa əŋi ru, ayeno, se nlen ma geme se Min wa yisu dan nlen ma ono manze ne. ¹² Min wata ka mame əsuru owe ne, nee in wa bezezze owe ne. Se dan wuza nane, i waze baka u pəni rete ze Yeso Ukase wa nyan. ¹³ Ŋi wa kuna ri wuza ron ənyimi Judaism, nane se In wa raa ŋiza ti church ta Ədəshəri ma kpai ma geme se ma ta ze ubiyǝ ni nan nane se in wara nara u wuna ome. ¹⁴ In wa bəku gaŋka In kira amiza a han cebete se ŋa ze ənyimi Judaism, ənyimi ano a haŋ. Nane ze In wa ka deŋe geten ǝnyimi ri wuza ra ano aco a haŋ. ¹⁵ Uca ogome se Ədəshəri, ono ogome se ma goron ǝnyimi əpuru a yaya o hoŋ nan ono ogome se ma tisan baka ijai eheme, ¹⁶ se iwa runti Mi da ma pərsi vana ohome i mi, baka nane ra yisu o home ənyimi ano əpən, Min wa ta a ruku u bukǝnu nan ripuŋ nan mənyi ni. ¹⁷ Min wata nyana a Jeruselem ano ageme se ŋa ruku u cikǝ ano ituma bata Immi ni. Se dan waŋa ageme, In wa wame a Arabia enze bata in kuru a Damascus. ¹⁸ Enze amaro siwai si taro bata in nya a Jeruselem dan ka ruu Cephas enze in cikǝ nan me ti muru rikuri re boze nan ti taro. ¹⁹ Enze In tə nərə ano ituma me ne se Jamese, uwanome Aco. ²⁰ Ənyimi iyaze In wa darse ere me, Na buki dondon me əji Ədəshəri, In dama biyə empore ne. ²¹ Enze In wame ulu nnyaŋa ma Syria nan Cilicia. ²² In mi nan rete a ron in waze ogen ze a ti church ti Judea se ŋa ra ǝnyimi Ukase. ²³ Ŋa base ŋa kone ara gusa, "Ono ogeme se ma ra ŋiza o hodo kpai wagiya manze a yisun u yiya birwa se ma ra a nara u wursi mi." ²⁴ Ŋa yisiza Ədəshəri bakan mi.