Udaraŋa 1

1 Udaraŋa Paul utuma ono kasodo yeso a nyimi ubarsa ǝdǝshǝri, a waŋa ana sansan a ǝdǝshǝri anyimi Ephesus, ano iya biruwa a yeso ono kasa. 2 Ogwene nan malo a sura ǝdǝshǝri a chowodo nan yeso ono kasa. 3 Da ǝdǝshǝri nan achowodo yeso ono kasa a tuŋare me, onogeme se ma nyado uvu u nyaka taye a sura ǝdǝshǝri anyimi riji re yeso. 4 ǝdǝshǝri wa zake do anyima nye a suru uruza masano baka da woro cikǝ sansan nan udira machara a maji. 5 ǝdǝshǝri wa zake do abiya ri manti da woro cikǝ abiyame baka Yeso ono kasodo, baka tilo ti kima te teme. 6 Woro abiya ri manti wa wuna a tuŋara, ayiza ogwene me ogeme se ma nyaka onogeme se ma barse. 7 A nyimi Yeso ono kasa woro ze nan ukase baka manyamame nan u saraka machara,anyimi ogwene ogwene muro me. 8 Ma sarame tilo to gwene aza hado aguran rekese kusun nan uru. 9 ǝdǝshǝri wa wuna da woro ruu emegeme se iwara pate anyimi megeme se i kira alo ame, konzen ma wuze anyimi ukase. 10 Nan anyimi ogoro me a nyimu cha u cikǝ me, tegogoro zale arevento, zale tegogoro anyimǝ ǝdǝshǝri nan masano,a rete re vento ne ukase 11 Anyimi ukasa woro azakedo uga anu umura home. A wuna biruwa a woro nan udakano anyimi ogoro home onogeme se ma wuzuza koyammo anyimi megeme se ira biruwa be me. 12 ǝdǝshǝri wa zakedo uga anu umura home,da woro cikǝ ano bura a mura itǝndǝsi u iya biruwa ukase, da woro cikǝ ano tuŋara ǝu uyiza me. 13 Anyimi ukase,nnyi ma, se nyi wa kuna nlen ma gangan uyisun nlen mu kasu nyi, konzen ŋo wa gara nan me enze a pate nan uyita me abiruwa uvunu sansan. 14 Manze ono ogeme se ma pǝni do uruna umura a pawa atiyǝ ageme se ara kame, a tuŋara bu uyiza me. 15 Baka naneze, nan u dakano min wa kuna aza uyiya biruwa anyimi yeso ono kasa, konzen tibarse teme ti zale anu tarse ǝdǝshǝri sansan. 16 Min dan dake ugusan ǝdǝshǝri kukwang ne ngase ra nyaka taye.̃ 17 Na riwa izama a waŋa ǝdǝshǝri awaŋa yeso ukase,acho uyiza, manin nyanyi uvunu u rekese nan tero tu uru ohome. 18 Na riwa izama da aji biruwa be ame pǝnu da ŋo ru itǝndǝsi uyiya biruwa egeme se a tisa ohonye, konzen timura te uyiza anyimi ano tarse ǝdǝshǝri a sansan zale. 19 A nyimi u riwa izama, min saŋare da ŋo ru ubare u saru uwa gata a nyima hado ono gemese mana gara aza ituma iwa agata me. 20 Agata vento a giyame anze ǝdǝshǝri wa wuza ituma nan no anyimi ukase, ucha ogemese ma yizame a nyimi nkeze, konze ma wuna ma cikǝ uware bi laye be me anyimi ǝdǝshǝri. 21 Ma wuna ukase cikǝ aza zale tegomo nan agata nan rikira, nan kuya riji se ana nyaka.Ukase ra wuza tegomo, dan base a rimiza rija ne. Baka rimiza ra aji.j 22 ǝdǝshǝri na wuna zale tegogoro tegemese tira garwa tǝu unu kasa, enze ma nyaka me akura ǝdǝshǝri,enze ma cikǝ rete aza tegogoro zale. 23 Akura ano tarse anze ripun,ubinja ohome ome zale anyimi zale.