Udaraŋa u 4

1 Acakura nya arere a hame emegeme se izi kima, ŋi na ru konze ya ze Ədǝshǝri uwa zaka. 2 ŋi wu shaji nan u cikǝ taye nan izama in gusa kukan. 3 ŋi iwuza i zama baka ohodo a Ədəshəri ma pani a kai a nlen, a buki magaŋgaŋ mu ono kasa. 4 ŋi i riwa izama di buki nlen kima se ara barsa me. 5 Nyi woze tano nan remo nan anagemese nya ra kai, nyi woze ituma nan u ca. 6 Deke nlen mama ŋi a kuyyuca, i cikǝ ano telo, da i nin ru kusum i nin iya ugara kuyiya nlen a kuya ono. 7 Nan emegeme se nin mura, Tychucus nin wuna ŋi r a rawaŋe, manze orere u ti- barsa, orere u birwa, u tarse Aco-Ədəshəri. 8 Na tumame a waŋa a ŋi uru u emegeme se woro ra yimmi, da ma buku do nlen ma lo. 9 Na tuma me nan Onesimus, unu wuna birwa nan u wanome u ti-barsa, se mara nyima haŋi. ŋa ra buku kuyiya emegeme se ana wuza a rigiya. 10 Aristarchus, unu tarso ohon a regoro, a gusa kó a ŋe, nan Markus, nan wanon Barnabas manze ŋi wa mura uru o hoŋ a me ŋi ka me 11 Nan Yeso onogeme se a tisizan me Justus. Ana gemse a tu suŋi arere tumachon a wame a kura awa Ədəshəri manze ono runu ohoŋe birwa. 12 Abafaras ra gusan ŋe ko, ime ono vento a nyimi orere o Yeso ze. A kuyu ca mara rewa Ədəshəri izame da ŋe tare nan ubinja nan u wuna birwa kusan a Ədəshəri. 13 Min ra zamaro aha me aza ituma ehe me, nan agata a wame i ŋi, anagemse ŋa ze ti-co o dinka konze anageme se a ŋimi Hierapolis. 14 Luka ono u barsa o hoŋ ono nyaka tuka nan Dimas ŋara gusa ŋi kó. 15 Gusa kó anu wana ma a yimi Loadicea, nan Nympha, nan Church ogemese ira nyimi titau a hame. 16 U ca ogemse utakar da a bare ame konze a nyimi Church u Loadiceans, dan mari ŋo ma ŋe na bara ome a loadicea. 17 Ingo Archippus, gara u yisu nlen megemse ngo ti kai a nyimi Ədəshəri u birwa mame. 18 Ti-kó tigiya a suru uware-Paule. Dunza ti-maran gusu ti-barsa o hon ti cikǝ nan ŋi.