¹ Mmi Bulusu, utuma o Yeso, ubarsa uwa Ədǝshǝri, Nan Timoti uwanome hodo, a wama Akura Ədǝshǝri agense ara Corinti nan anu gara nan Ədǝshǝri kusun Anyaŋya ma AKAYA. ² Ogwene nan uchikeh shammo mura ara iŋyi, a suru Ədǝshǝri Acowohodo nan unu kaso hodo Yeso. ³ Ədǝshǝri nan Aco a Yeso Ukase mura bituŋyere (Uyiza) manze Aco unijai nan Ədǝshǝri unu rusi iriwa. Ədeǝshǝri ra rusa hodo iruwa, ⁴ anyimi ikwai ye hedo da woro kuri i rusu anagense ŋyara anyimi ikwai iruwa wokurusu adakyara se ŋyaze garere, nan uruso ogense Ədǝshǝri wa rusu do nan ne. ⁵ Nan nane baka makwai magense Yeso ma shiye baka hodo, baka nan nane urusu hodo anyimi Yeso ze. ⁶ Se ingase ira nyimi makwai, baka urusu nan rikasariŋyi renze; Ingase a rusu do iruwa, take baka olo irivihiŋyize, olo iruwihiǝyi ra wuzi tuma ganka, ingase ŋyi tarse shawwo a makwai mame se woro na shiye mame. ⁷ U yiya iruwe hodo gangan ze, bakase urusu huŋyi ra shiye makwai, ŋyi run kuru imara malo. ⁸ Bakase woro dama barsu hukyi nan udiru ru ni Ayeno, Aza Etoi se iwa mura do a Asia, iwa pete a makwai magense ma kira agata hado, magense iwa zuzu birwa ichike nan ruma a masano. ⁹ Nane ze ŋya wuna do iŋyan uwene. Baka tago woro yiya iruwa ata hado ne, se nane Ədǝshǝri manze unu yirsizan Nkeze. ¹⁰ Manze ma zuzu do a nyimu uwene odondon. Mara kuru uzuzo hodo konzen. Woro na yi9ya iruwe hedo ame se manin wu do ogwene (rikase) konzen. ¹¹ Manin wuna do nane ingase ŋyi male don orenmo. Enze4 ano cebete nin guna kukwan nan taye artedo, baka ijai engense ina mura do bako oremmo uwa ano cebete. ¹² Ira tere egense nan nane: Otore a zate baka ta hado ze, baka uruntu iruwa nan magangan mu suru Ədǝshǝri ze na wuna do a mente ata hado anyimi masano. Ina wuza nane take nan ŋyi dan bakia rekese (remo) ri masano ne, baka ogwene uwa Ədǝshǝri ze. ¹³ Woro dan darsa ŋyi emegemese ŋyi tin ru ubara me nan uru mene, na yiya birwa a nane. ¹⁴ Bakase nǝyi na ka nlen ma mado a uyulu, woro na chike ŋyi iumu tere egense ihiƙŋyi atiye unu kaso hodo Yeso se ŋyi nin chike imu tere egense ehedo ¹⁵ Bakase enzen uyiya birwa nan nane, na barsa nta bura ura iŋyi yei da ŋyi mura uwusheaji nan urawohon o repo. ¹⁶ Ente ze nan buishare bu rawiŋyi. Urunohon a ka Makidoniya. In kurun tiya iŋyi a sura Makidonuiya, dan mura reteri riŋyi a tanton a ka Yahudiya. ¹⁷ Sen intira dedonzo me a nane, Inti wako chonno? Ne minte wuza adedonzo ano sen nin guna "A,A" nan "O,O" uca vento? ¹⁸ Baka Ədǝshǝri zen ijai, intin gur uguna "A,A" nan "O,O" ne. ¹⁹ Baka vana Ədǝshǝri Yeso unu kaso hodo, se Silvanus, Timoti nan mi ina biye ŋyi nlen ŋya mame, mata zen "a,a" nan "o,o" ne. Ana ne uziyo me "A" ze. ²⁰ Bakase uwunome abirwa "A" ze ame, baka nasne ze anyimi rijareme renze woro go ichikǝ nane (Amin) azu uyiza uwa Ədǝshǝri. ²¹ Wage Ədǝshǝri na gura do anyimi Yeso, Enze ma nyado ituma. ²² Ma tara tare aza hado, ma nyado uvunu usaŋsaŋ anyimi iruwe hedo, da ma piku du, aze megense mara kuru ŋyo hodo. ²³ Baka nane zen na tisa Ədǝshǝri a ma chikǝ uno peta a zate baka udiru rawohon a Korinti baka dan diki ŋyi wete yei. ²⁴ Dan bakase inra naru gankarna aze megense iruwa hikyi na iyǝ nu zene. Bakase inri tuma nan ŋyi baku runtu birwa bikyi se ŋkyi ra tore a ze megense irwi hiŋi na tore aza me.