Udaraŋa u 16

1 Wajiya epu kasame baka anu gara nanno, Kando geme se in wa bukanu pate rete Galati, nane ze inŋi i nin we. 2 Atiyyu dinka anyimi sunare, kuwavi u huŋi nin iyya iyabo arekero nze ma yiya daidai agata me. Wuza ni igiya da tago a ka kaiy iyabo uca ogeme se in nin ra. 3 Uca odeŋe o hon, kusun onogeme se in garage Nan me, I nin tuma me nan rituma ri imu nyaka I hiŋi a ka Jerusalem. 4 Ingase I cikǝ se mi nin waŋ konzen, ŋa ni tarson. 5 Ama I nin raiy i ŋi uca ogeme see in waka anyimi Macedonia. Baka inin waka aniymi Macedonia. 6 Iranu né inin cikǝ nan ŋi in wishu rekoze, da I malon anyimi tǝnoa ton, kusun aregeme see inin waŋ. 7 Baka indan barsa unǝru huŋi wajiya a kaca ka bate ne. Ama in repe ucikǝ nan sosoi, inga Ədǝshǝri gara. 8 Bata inra tore a Epheus she uca Pentecost, 9 baka arakai a sǝru na pǝnu imi, konzen anu nyamene bare. 10 Wajiya uca ogeme see Timothy raiy, Kai me tago ma kuna iwi i ŋi ni, baka ma ri ituma Aco ze, kando geme se inra nu. 11 Tago owe kuna maŋaa mame ne. Male me ni a telo, da ma raiy imi. Baka see in repo nǝrome a raiye imi nan Ayeno. 12 Wajiya epe unuwanomo do Apollo, Inra bunko me a raiye iŋi taken Ayeno. Ama dan ubarsome ze a ma raiy wajiya ne. Taken nane, ma nin raiy inga ucame deŋe. 13 Pǝpǝi ni, mutǝnǝ ni uyiya birwa biŋi, wuza ni uganu kisi, cikǝ nin agata. 14 Deke ni zale emegeme se e we wuza nin nan tubarsa. 15 Ŋi ru atau Stephanas, se ŋanze anu bura ugara anyimi Achaia, konzen ago ŋa na wu na retǝ reŋe ituma aza anageme se ŋa na gara. Wajiya in buki ŋi, Ayeno, 16 nyaka ni retǝ riŋi ana geme nan kuwavi si ma nin mala ituma nan woro. 17 In wa kuna malo nan uraiy u Stephanas, Fortunatus, Nan Achaicus. Ŋa na pate udura u huŋi. 18 Baka ŋa na vata agata a han nan a haŋi. To, gara ni nan anagiya. 19 Ina tuman kö a ka aru pate rete a Asia. Inra gusan Aquila nan Priscilla kö anyimi Aco, taken aru pate rete ugwiri u huŋi. 20 Zale Ayeno inra gusan kö. Gusa ni nan apuŋa hani kö nan utilala usansaŋ. 21 Immi, Paul, ina darsa igiya nan uware of hon. 22 Ingase owe ta barsa Aco ne, deka a nin tinza me. Acowado do rai! 23 Ogwene uwa Aco Yeso cikǝ nan ŋi. 24 Deka tubarsa to tarse ŋi zale anyimi Ukassa Yeso.