¹ PAnan khere kha meh minna wab Yamba ka weh manni miya an piɗɗa khira. ² manni lenya ɗita ningyeni walla, kho khere ta wawi sau ni milam Asabar ellenkhu ma mikhe lasseini. ³ Yeso kha teɓani ti an piɗɗi khira "Illou khu kheru tiya tallazun." ⁴ Kha teɓani ti lenye, "You walla mayi weh gɓang kho weh wo a wallam milam Asabar; ma sau khigga, kho tuk khimo? "Kalang mikhei kho assi pok. ⁵ Khere kha ningyezun tiya ɗen, khere kha yuiwani kha ɓung kha paro ya ɓungzun, kha teɓani, "Ti miyayi kyokri khira." Gho miyayi kakyokri khirani Yeso ka sau ni. ⁶ Panan Farisawa kha perani kha ɗaɓal weh wori pi lenyani Hiridus mikhei kha ɓakri kokko weh mikhei ta ɓugni. ⁷ Yeso kha an ya ɗohni, kha khoɓi pok negeh lenya gɓo ka ɗaɓi pini ti Galili kha Yahudiya. ⁸ Ti Urshalima ka Edom thom kha Urdun kha piɗi pehp ka Siɗon. Ka gɓuɗe kawan khui kirou weh khere you mikhe ka wattu pini. ⁹ Kha mazi pok an ya ɗohni ma mikhei yini lah gong am ellenkhu gɓo lenya, ma mikhei kha tappirenim. ¹⁰ Khere saurou lenya gɓo, ti piɗi weh an piɗɗa mengi nappiri signi. ¹¹ Pehp ma an ɗing kirim mikhei wawehni, ɗon mikhei kyungnina ti ya ɗohni, ka walla weh, "Ɓang ɗan mikhe teɓi ta khai Lah Yamba." ¹² Khere kha teɓezun ta ma mikhei ka teɓu ti lenyam. ¹³ Kha turi khu panni, Kha yeh lenya weh khere mengi ma mikhei wattu pini. ¹⁴ Kha kyagi gɓummo tura pelleu (kha yehzun an poro) lenya weh mikhe ta ɗiyaka si khere ka surezun ta ma mikhei soppipok, ¹⁵ Kha munzun ɓang weh pergi kha limmi. ¹⁶ Khere gɓummo tura pelleu kha muni sommo ti Saminu, Bitrus. ¹⁷ Yakubu lahni Zabadi ka Yahaya mollni Yakubu, weh khere munwehni sommon Buwanarji, minan siɓɓa nani; ¹⁸ Kha Andarawus kha Filibus kha Bartilamawus kha Matiyu kha Toma kha Yakubu lahni Alfia, kha Taddawus kha Saminu kha Zalot, ¹⁹ Kha Yahuza Iskariyo miya weh ta muni Yeso. ²⁰ PAnan weh khere rou ya mina, kawan khui kha kawani ɓirang, kha kpattezun kha khi wokhina. ²¹ Weh an ya mina zun khirou kikhei mikhei ka pettu khepni, ellenkhu mikhei teppou" Ta khere pero tiya khiga ni. ²² An ɓallani weh wanna ti Urshalima kha, "Teɓani ta non Ba-alzabub," "Weh, Tureni ka ɓang teɓerah limmi khere ɗita peron kha limmi." ²³ Yeso ya wehzun ti pi ni ka teɓezun tiya misalai," Yagan anɗogho ta wa peron ka an ɗogho? ²⁴ Ma ɗuktei kappo mina ari kherom. ²⁵ Kikhei ma mina kappo piɗipelleu mina ari kherom. ²⁶ Ma an ɗogho illou ti khuni ka kappina ari wahwi kheranim, ellemkhu ponah tokozok. ²⁷ Anghai miya weh ta ri ya mina miya weh kham gɓuɗou kha gɓuɗou, kapali taɗini wane sai dai ma kheri miya pikon panan pali tadi. ²⁸ Kikei ni ɗita teɓema pehp ɗing weh lenya you ta kyaɓɓezun kha pehp kiɗan weh mikhei you weh a wallam. ²⁹ Ma kham miya weh you ɗing paro ti khu kirim taɓerah ari kyaɓɓe nim, ko yokhol khere ɗi you an ɗing kpakpai." ³⁰ Yeso teppo khei ellenkhu mikhei, Teppo ta khere kham kha ɗing kirim." ³¹ Panan an lahni kha ma mollni ka wattu kyerani ti pebe mikhe kha suri ti khuni mikhei mengi ma khere wattu. ³² Kawan khui ɗigi kha sin, mikhei ka yi pano kha si ta teme an lahgho kama mollgho ti pebe ɗita ɓami phigo." ³³ Khere ka tepzun ta anong an lahno ka ma mollno? ³⁴ Panan khere ka gab lenya weh ɗigi ka sin kha teɓezun ta temo an lahno maka mollno ti ningei! ³⁵ Pehp miya weh you weh Yamba, mengi non, si mollno, ka an lahno