¹ Yeso ɗita ta wossi peɗi gelebg ɗimma, pollo alh yeɗoni kha teɓeni ti si ta, an "Ɓalla, we yuwa panni kha ɗigan minna we yuwa khei!. ² Kheri kha tepni, "Ta ku wu ɗign mina khe? angige mani panni wo ta wosina t kha sapsun we ar zugaruti khuyelim." ³ Wokhina ɗiyo tokhu panni dus tokkuzok kha ya geleng ɗimma, Bitrus, Yakubu, Yowanna kha Andarawus mazeni kha khiri, ⁴ "Tep mun, ɗimin wo wuke ta yi?" ⁵ Yeso ka kepsi tepsun, ma meru kha khigam ma manni kha li ma ta khigi. ⁶ Dagan ta wattu kha summono; "Ta sisine,' mikhe ta lima ma ta khigi. ⁷ Mama; we khe ta wattu yi. pehp a potupisum. ⁸ Khuyel ta illina to khu khuyel; dugte ta illina ti khu dugte. Tawe yengiɗan yelti piɗ ɗagam, kha kogro khe minan ɗugnkan ji lanpiɗi gunnai. ⁹ Diya ti khu khigago. Mikhe ta munego to piɗ an khon, Mikhi tukma ti ya geleng ɗima. MAra kheri ta ɗoni an kulugun gɓuɗe kha an khupina lunkhuno, kha lunhku mun paro ti sum. ¹⁰ Ma kikhe paroni YAmba ta kepsi yanani ti khu pebe. ¹¹ Ma mikhe keppema kha munoni ,Khama waron kha pari we khira teɓi. Ti khu kappan ya pikhi, we wohira teɓe ta mungho; ani khei wo ta yi parrom, khrim taɓera ta teɓi. ¹² An moli ta mun an moli ma tungwu, an dah kha lahni. Siɓɓa ta illina ti sini an lesun ɓiran ta suɓzun ta muri. ¹³ memme ta kuɗgo lunkuno ti khu summono. Ma miya kyummo rosson la kpaɗɗan to, meya peri. ¹⁴ Makhi wau wewo ɗure khergi ti peɗi we a khurgin (ma an ɓallani peno), mikhe wo ɗigi ti Juda ma tsu wori ya panni, ¹⁵ Kewe khi ɗigi to khu ɗuli minna maga kyaruyamin nam taɗ mani wem ti yam. ¹⁶ Meya wo ɗigi ti khuri maga merum ya taɗi suɓani. ¹⁷ We ɗang khulan we khama wo ma ɗigi lah khansun we ta mun wuɗi ti siɓɓa ti ku pebi kherei. ¹⁸ Yi ɗimma ma wikhe wattu ta gurakim. ¹⁹ Kham ni ruzangɓoh, kha wo anap yuwani tangyo, wo Yamba kwina khu peben, khigi nɓomi, angige, oou ar sakhi ɗiyani. ²⁰ Immata ɗina ma Yamba kparau sumi angigi nyalo woti kannem kuɗun lunkhu mikhe we kheri kyakko, mikhi wo kheri kyakko ta kuzi sunzun. ²¹ Biran ma mioya yo poro ti ma, Bano, Lahni Yamba temo ka saki teɓani to ɓano keri timu! kha men piɗi. ²² An khaɓa tasun lahni Yamba kha an kyaɓa an ɗop paro ta ɓiru ta wawi yo yo kyup limlim kha we yuwa. Kha wo li polinga. Makhe pehp kama wo kha khom. ²³ Ma khesima ni tepe ma wuke kha nyiong. ²⁴ Kha yappi ruzza wo tangho, pikki ar kyap yapiɗi, ²⁵ Bakyal ta sugguru ti kergu. Bang we wodigi kergu ta yeggiɗina. ²⁶ Kha kiokhe ma we sim lahni miya ta kyaru to khergu tiya yeɓe ka gɓuɗe beng kha negan sik. ²⁷ Kheri yo suran sunani Yamba kha khauru khe an menanni ti gbagal pedou wo dikhi khu pebe wo wur tissan pi kergu. ²⁸ Ma ɓalɓong ti khu borro dus. kha ɗabal we po nyunla kesi issani allawi kha ɗamni, ma peno yi peseh nimna. ²⁹ Ma kikhe ma wau ɗita yuwa ni kikhe. Dan ma peno mara ta kheri nimna yina yokkuzok kha pomina. ³⁰ Khulli ni tepema khari lenya arkpaɗɗina wowu khi ta yi. ³¹ Kergu kha khuyel ta koɓina parono ar kobi namol. ³² Biran tikhu malan khirei kha maman pikki angigi an penani. Pehp khama ansuromi Yamba ti kergu, pehp khama Lahni, kuɗun ɗahni. ³³ Ma ɗiya kha khiga, lunkhu kha pen maman pikki wota ɗina, piɗɗi tepppota ma ɗiya kha penan ma yi ɗimma, lunkhu.. ³⁴ Ɗigi khi meya wo you mere kheri wossau mirima to ti khira lah an poroni ma ɓani khu mina, kokong kha poroni, khi kha tep ti an peni khumina kha peɗi ta ma kheri kha sina ɗosonim. ³⁵ Ɗiya kha yi ɗossonim kuliku ma penpiɗi wo ammina to meirumunnami ma penom kokeru to penguru ti wawu penguru kha tsin ɗan kha kikhi peɗi, ɗan ma gon yokhui,dakha liliu. ³⁶ Ma kheri mana kheɗen kheɗen, ma kheri kha wago ti ɗosunim. ³⁷ Wo ni tepema ni tepoti itsi lenya. maɗiya kha khiga!"