Pala 25

1 Panan ɗukte gak ti ɗina khizi lah khummiya gɓummo wa mikhe yakho pitila zun ellenkhu ma mikhe khagi pok weri kpattin, 2 Far tiya zun kha khigazun fat tiyazun an tum. 3 Pana an ɗil khu khummiya mikhe kha taɗɗi pitilazun, mikhe a taɗɗi manni wakhe khu morim. 4 Amma khummiya an khigazun mikhe taɗɗi gora mori kha pitilazun. 5 To weri kpattin kha ɗire ni, pehpzun mikhe ɗungho yeri ɗoson har ɗoson kha taɗɗi zun. 6 Pana khekipeɗɗi pana kha kyoppi pokhi "Ta, ittemo weri pona ma pettu ma khazi khui.' 7 Pehp zun khummiya khe mikhe kha illa kha bakuro pitilazun. 8 An tum khummiya mikhe teɓun ti migi an khigazun, Ma lapiɗi munmun La mur ma ɓari pitilamu ɗita murani, 9 "Panan an khiga kha teɓzun ta tun da mori ar poremun kha mam ma wor pi migi an pitun kha tei man pillu ti khuma.' 10 Panan mikhe khoɓi ya pil mori, khalan weri kha riru, migi wo shiryani mikhe ruwani pehp an khajang ɗigga, khalan kha num po mina. 11 Kha yapi maman yokhol istsi khummiyai mikhe kha mero, mikhe ta, "Ammina, apmu po minai.' 12 Kheri kha ɗeɓani ta, 'Khulli wo ni tekhe, ma ne na penmam.' 13 Kha kikhe panan man ɓana ellenhku ma pen pala kha mamman tom. 14 Ellenkhu ɗigi khizi manni miyai wo ta wor manni khu yelli, kheri kha yeɗiru kheɓe ni kha munzun kpaɗani. 15 Ti manni kheri munghon nyagɓunum kha far, ti manni mungho pelleu, ti manni mungho kyagɓunun kha monni kho nong munghe ni dai -dai penan ni, panan miya kha yi mereni. 16 Khumun khumun miya wo kheppou nyagɓunum kha far kheri kha ɓanun an ti khui nyagɓunum kha far. 17 Kikhe ma miya wo keppou nyagɓunum kha pelleou kheri wau manni ti khui pelleu. 18 Panan miya wo khepou nyagɓunum kha monni kha yi mere ni kheri oppi ya wuyo, kheri kha nanun kurbe ni amminani. 19 Panan kha yapi nyaghan mamman ammina kheɓe mikhe kha meru ellenkhu malɗo kurbe ni. 20 Kheɓe wo khepou nyagɓunum kha far kha wattun khaam ti khui far kheri teɓun ti aminani ta khe munghe no nyagɓunum kha far. Bano ni wena wakhe khu nyagɓunum kha far! 21 Aminani kha teɓa ta, 'Madalla, kheɓe mina an yi wo gɓan! khe yo'u wo gɓan ti khu we yokhol niri ligho ti khu we wo ɗagham ru ya pe ya rossoni aminagho.' 22 Kheɓe wo kheppou nyagɓunum kha biyu, kha wattu ta, amina, khe munge no nyagɓunum kha pelleou, ni weno wakhikhui pellou! 23 Aminani kha teɓ ni ta, "madalla, khe kheɓe wo ti mina an yi wo gɓon! khe yo'u we gɓan ti khu we wo yokhol, miri ligho ti we ɗagham khara ri ya pe rosso ni amina gho.' 24 Panan khebe wo kheppou nyagɓunum kha monni kha wattu ta 'Amina, ni penou kha an ɗing rosso. khe ɓelgi piɗi wo kha pennyom. Biran papilzi piɗi wo kha wazum. 25 Ni yo'u kho, pana na kha wor tukkani nyagɓunum ta woyo, ɓani mo we wo ɗigi ta we gho.' 26 Amma aminani kha ɗeɓani ta, khe ɗil rosso an kulo kheɓe peno ni belgi piɗi wo na penyom, kuma ni kau wurigi piɗi wo na wazum. 27 Da khiri worghon kurbe no ya ɗeleng liwe, kha yaɓi wo ni mena niri keɓi wena kha am ti khui. 28 Tun da diwou kikhe ma lauwo nyagɓunum khe ti khirani ma mun ti an nyagɓunum gɓummo ma mun ti manni. 29 Ta ma miya wo ɗigi kha tei ta wakhe ni khui patta ni ti munni manni. Amma ti miya wo wom kha wem we wo kheri ɗigin kha tai ɓo lauwa. 30 Ma teɗɗi an ɗil rosso kheɓe khe wo wom kha poro khuni, tiya ɗilli wo gyori piɗi wo yizin khui kha yeɗɗan wuɗɗo.' 31 Panan wo Lahmiya ta wattu ta gɓuɗɗi sik kha pehp siɓɓa an suran khama sii, panan kheri ti ɗina ti poɗɗi gɓuɗe ni. 32 Ta ɗoni ta kauzuruu pehp lenya, kheri khapuzo ya lenya kha monni 'monni, khizi wo an kaipo kappizi ɗonnyi kha ɓiya. 33 Kheri ta kummi donnyi ti khu khira, khewe ɓiya ti khu khira khizau. 34 Panan kup ta teɓi ta, wo ɗigi ti khu khira khewe ni, ma wattu Dano, ma sup khira ti khuma, 'Ma kholli ɗukte wo ɓarighe ma kapin khere yi khupebe. 35 Biran ni kyo khuzam makha munno wo khina; ne kirou essan yapo makha makha munno am; ni yo'u misba makha munno piɗi ɗurnye. 36 Ni ɗiwo sik wani makha munno wosolom , ni yo'u dugha makha ɓane no ni ti piɗi khaɗi pok makha wor pino.' 37 Panan migi an kokko nyung mikhe ta teɓɓi ta, mungɓuɗe, ɗimin wo wa sii go khe gizi khuzam muh kha mungho wokhina? Ko khe ɗigi kha essan yapo mukha mungno am? 38 Biran ɗimin wo mun wa sii go ti di misba mukha mungho piɗi durghe? kho khe ɗigi sik wane mukha mungho wo solom?' 39 Dimin ɓiran wo mun wa khego kha piɗi kho ti piɗi katpok mukha wor pigo?' 40 Panan kup ɗeɓe jun ta, "Kikhe ni takhe ma, pehp wo ma yo'u ti monni wo khoppou yokhol tiya ma molno ma ti ne wo ma yo'u.' 41 Panan ti teɓi mizi wo ɗi ti khu khira khizau ta "Ma khoɓo ma wosse no, ma an leɓama khobi ya wuzi piɗi bone wo ɓakrou ellenkhu anɗgho kha limmini. 42 Ellenkhu ni khiro khuzam ma munno wo khinam, ni khiro essan ya pok ma mun ammim; 43 Ni ɗiwou misba ma munno piɗi ɗurghem; ni sik wane ma munno wo solomim; ni ɗikha piɗa ko ti mina piɗi khaɗi pok ma wor ɓane nom.' 44 Pana mikhe ti ɗeɓi na ta, 'Damun, ɗimin wo mun wa siigo kha khuzam, kho essan yapok, kho khe misba, kho khe sik wani, kho kha piɗa, kho khe ti mina khaɗipok, wo muna yi gho waɓanni? 45 Panan kheri ti teɓi ta, ni tekhe ma ti mikhem,mari wawi yinom. 46 Mikhe yi ti wor ya gɓuɗe bone, amma kokko wo nyung ti ɗina khiga wo kpai.