Pala 17

1 Yappi son poromoni Yeso kha saɗi Bitrus kha Yakubu kha Yowanna mollzun, kha warzun manni khu panni wo jori khe ɗen sun. 2 Kha paricini ta ɗozun khuɗoni kha yi malgo khizi pikki, biran sobani kha yi pe kyak. 3 Galan Musa kha Iliya kha pettu ti pizun mikhe kha kheɓɓi ɗama khasi. 4 Bitrus kha menani ti Yeso, "Anmino, yo walla wo mun ɗigin ti nenne, maghi mengi na luɓo gɓu polle khegho polle ellenkhuni Musa polle ellenkhu Iliya," 5 Wo khere ɗi ta paro, galang yeɓe pe kha assezun, galang eile ta yeɓe, ta khei Lah menano mini si wo muttikhi ya ɓongho ma yarikumama." 6 Wo siɓɓa an poroni jiron kikhei mikhe kha sugani kha ɓir khuɗozun ti khuyel ellenkhu kyu kheppezun. 7 Galan Yeso kha wattu kha napzun, "Ta ma illo magha yi kyu. 8 Ma kikhei wo mikhei kyokro khuzun a we si manni kheɗen Yeso. 9 Wo mikhe ɗita kharu ta panni. Yeso kha kuzi paro, "ta magha teɓti manni su-na wo ma wau khei, "Galang milan wo Lah lenya ta illina talla an muri. 10 Siɓɓa an poroni kha masni ta an balla ta khulli Iliya ta wattu?" 11 Yeso kha menzun, "Ta khulli Iliya ta wattu kha meru kha we pehp. 12 Ma kikhei na teɓnma Iliya kpadi wannan, ma kikhei ma penom. 13 Panan siɓɓa an poroni kha penani ta ɗi ta yi paro ti khuni Yowanna an Batisma. 14 Wo mikhe pona piɗi kau khui, manni kha wattu pini, kha gussirani ti ya ɗoni, kha teɓana ta. 15 "Anmina yi nyun rosso ti khu Lano, elengkhu ɗigi kha ɓorin gaɗa. Ellenkhu khei so ɗagham ɗa sukna ta wuzikha ya am. 16 Ni wanna kha si ti pi siɓɓa an poroghon, ma kikhei mikhe a wawi sauni." 17 Yeso menani ta, an ghenni li rosso khenghilan zamani, ellengkhu kikhei ɗimin wo na ɗina kha me? ɗimin wo na kymmi rossona kha me? ma wattu kha si nenne ti pino." 18 Yeso kha zanni, galang limmi kha perani ti yawoni lah kha sauwani kummun, kummon. 19 Biran siɓɓa an poroni kha wattu pini kha khiri mekhe, "Ta ellengkhu ni wo mun ɗa peron kha limmi? 20 Yeso kha tepzun ta. Ellengkhu yokhol mun ya rosso ellenkhu khei ni ta tebma ma ma ɗikha mun ya ross kho yokhol khi zi ari kyari, mara teɓi ti panni khei mara giza ti nenne, wor wimu ta gizi, ɓiran angige wo ta ɓar poma. 21 (Kiɗam limmi khei a pergim gallang kha ɗimma kho kha kheppok). 22 Mikhe ɗigi ti Galili, Yeso kha tebti siɓɓa an poroni, "Tamun Lah lenya ta khira lenya. 23 Biran mikhe ta tukni, songɓunom khere ta illina, "Galang siɓɓa an poroni kha kpanya ɓongzun kha ɓun. 24 Wo mikhe poma Kafarnahum, lenya an khep wo khuyel khe ni khaɓan shekel kha wattu pini Bitrus mikhe ta, an superma khei mungi khaɓan shekel we khuyel? 25 Kha ɗeɓani ta, "ei" ma kikhei wo Bitrus ro yamina Yeso kha kheb si paro kha si ta, anni ɓall ya ɓongho Saminu? An kuppina khu pebe, ti pini nong wo mikhe khebgi we khuyel kha per bur? ti pi mirminazun kho ti pi misba?" 26 Galang Bitrus ta, "Ti piɗi misba," Yeso tebni ta, "saɗou angige kheni mirminazun pehp. 27 Ma kikhei ma an kheppi wo khu kha we ɗin ellengkhumon, wori po neghe, kagha weri gallo, khi pottu khirip wo pona kha tom, khi a biya pokhi, khira we shekel! khi saɗtu khi munun ti an khep we khuyel keno kha kegho.