Pala 7

1 Kha ya pi woh Yeso kpaɗɗo tebi wukyei pehp woh khire ta tebi tiya khuma lennya khire kha ri Kafarnahum, 2 Khebeni mun ni gɓuɗe woh khure menji a ɓag ni sim har yo khusa murani. 3 Woh khire khero pisini Yeso mungɓuɗe kha suri manni mingɓuɗina Yahudawa, khire tama woro ma ɗimmi Yeso ma watu khebeni menji murani. 4 Woh mikhe nimna pini Yeso, mikhe kha ɗimmeni khulli ta "miya kyei poro paghe ma yi ni khikkyei. 5 Lunkhu khire ni an meni khuyel mun ɓirang ni si ɗikhemun mina Yamba mun. 6 Galan Yeso Kha worani kha sun woh khire you takhozok kha mina miyai mungɓuɗe kha suri ma khireni kha tebni "Yamba kha damun lunkhu ne na pori poghe khu wuri minanom. 7 Shi yasa na isso khu wori minanom, yi poro khurum an kebeno ta weh ɓang. 8 Lunkhu nima miya mingɓuɗe, ni ɗighi kha an kherikyonno ti pino niori wawi tebani ti kyei. woro ɗan wannan ni ɓirang tebi ti manni wattu ɗang khire wattu, ni ɓirang tebti khebeno yi wukyei ɗanb yi" 9 Woh Yeso khiro kikkyei khire kha yi yuwa miyai kha pengri piɗi khawan lenya kha tebani ta, "Ni teppema, kho tiya Israila na weh an liɓong khiɗam kheyim. 10 Ti nikyei lenya woh surou mikhe kha meru mina kha weh lay kha ɓagri. 11 Milan manni kha yapi kyei, ɗiwou Yeso ta wori manni minai woh yeghi ta Na'im, siɓaponi mikhe taro, khama khawan lenya ɗagam. 12 woh khire you tokozok kha po minna, galan ɓani manni khumo mokhe saɗina kha tei kheɗen simonni ti pini nani. Te ɓirang ni an ɓoro piro. 13 Kha wattu khalan Yamba kha khire tausayi ti muro kha tebro "Kharki yi kuyim". 14 khire kha wattu kha na bi za wa saɗeni lennya woh mikhe sannani kha khereni, khire ta "Lagongali nilebrgo na maku illo" 15 Khalan khumun kha illani kha kebisi paro. galang Yesu kha muni layti nani. 16 kyo kha khebzun pehp mikhe kha khebisi ponong, mikhe ninɗi tebi ta "kyogrou manni anɗobparo ti ya mun. ɓirang "Yamba ɓano lenyani" 17 Pisini Yesu kyei olli wayo yapiɗi tiya pehp Yahudaya kha isi piɗi woh ti jelezun. 18 Siɓa pani Yahaya mikhe kha tebni wukyei pehp. 19 Yahaya kha yeru peleu tiya sibɓa poni kha surzun ti pini Yamba mikhe kha tebni non khe woh ta wattu,kho kham manni woh ta wattu? 20 Woh mikhe wanna tokozok kha Yeso khalan lenya mikhe kha tebani, Yahaya an pini am. surne mun, mu mazu, nou khe an wattu khei kho mun ɓani khokko manni an wattu?. 21 Tiya talla sun wo you, khire warkyon kha lenya gɓo tiya piɗi wo mikhe khamta tei, kha piɗi wei khama lim-lim piɗin suw. An pugum ɗaga mikhe wau we ya piɗi. 22 Yeso kha menani kga teɓzun, "Kha pi ɓoma kopou, ma muni ti Yahaya we wo ma kirou khama we wo ma wau. An pum ta we yapiɗi, ankulu ta yi mere, khire ɓiran puɗigi ɓukka. Angaɓalla ta kirani miya wo murou ɗan illina nin ɗi tebi ti an khenni paro wa tomon. 23 Ni miya wo wau likhira ti khuni wo kherou tikhu liɓongni lunkhu poro wani yiɗirou. " 24 Wo lenya wo Yahaya surna kopprezun, Yeso kha khebsi yi paro kha kawan lenya ti khuni Yowanna, ma worou ma wani ti ti piɗi wo wom ɓurom, sojo wo wau ta yonglani? 25 Amma ɗima ni wo ma worou ya ɓanani, miya wo kergi kha summa wo walla? Nighi lenya wo keg kirani kha summa wo walla? ɓiran mikhe ɗigi tiya nabtomon mikhe ɗigi ti faɗa an kupina. 26 Ɗima ni wo ma waro ya ɓanani ni anɗobparo ya? ne, ni ɗita tebma, khire ma khoppow anɗobparo. 27 Khei menan wo ɓallo ti kuni, "Nikgo, ni ɗita surtu manjono ti ɗogo, wokhire ta ɓagrego kokko tiya ɗogo.' 28 Ni ɗigi ta tebma, tiya we wo serem lau, angige miya wo poro Yawanna gɓuɗem. Pehp kha kikhei miya wo kobou yokol tiya duktei, khoɓeni gɓeɗe." 29 Wo pehp lenya kiro kikhei, khama an kheɓi kurbe khuyel, mikhe kha teɓani ta Yambani an adalci, mikhe ɗigi tiya wo Yowanna pingezun am. 30 Amma Farisawa kha wo mikhe ta kharani tiya khon Yahudawa, wo ani sun an pini ammim, mikhe kha patti paro ni Yamba lunkhu zun. 31 Panan Yeso kha teɓani ta, "Khawani wo niri likhiɗam lenya mikhe? kha yagan wo lenya mikhe ɗigini? 32 Mikhe ɗigi khisi siɓɓa wo ɗigi ta yi ɗokgle ti kasuwa, wo mikhe tayi paro kha sab mikhe ta tebani ta, "Mun yiwe ma kpalag, mayi sorim. Mun you makoki mayi khulli yim.' 33 Kikhei Yahaya wanna a kigurasam, a se am ina bim, amma mara ni limmi wo kyo khuni. 34 La lenya, wannan, khire ts kyowani, ɗan maga khuɗini, mandi leɓi mara ɓani miya an sekum, an se am Inabi gɓo khere an keɓi kurbe khuyel khama anɗigsik!' 35 Amma poroni Yamba kyobji siɓɓa ro pehp." 36 Piki manni manni Bafarise, ɗimma Yeso ma wori kigbenne khasi, wo Yeso ro ya mina Bafarisen, kha ɗiya ni ti tebur lunkhu khi wokina. 37 Galan ɓani manni lapomini an ɗigsik, moro penna daga yabine. Wo moro khiro pisini Yeso ɗigi ti mina Bafarise, lunkhu khire ki wokina. Kha sa li kolba mor wo tomon ni ɗibai. 38 kha kherani tokozok kha Yeso ta yi khui, kha khebsi jike soni kha muɗɗi rou moro ɗin souli khu soni kha sokkuro. Moro ninɗi yini sumba ti soni, ninɗi sau khu soni kha turare. 39 Wo miya Bafarise wo yena Yeso wau kikhei, kha illa ya ɓal ya ɓogni, ninɗi teɓi "Ta manni miya khei ni anɗobparo ta penon kho lapomin khei ni khiɗan lapominni, an ɗiksik." 40 Yeso kha menani ta "Siman, ni mengi ni tebgo manni wei, khire ta teɓani "Ta," "Mallam sai khu teɓɓi!" 41 Yeso teppo ta, manni miya mungɓo khubo khire ɓigi lenya peleu khubo kurɓe, khire ɓigi polleu miya sule kik pollei ya far. 42 Wo mikhe womni kha kurbe angho nem, khire kha yafe zuni pehp pellou zun. Tiya zun pelleu keyi ɗima nog wota kobi meni miya khei yi?" 43 Siman kha menani ta, "Sigabgi miya wo woseni kurbe wo gɓuɗe" Yeso kha menita "Khu you khoni walla." 44 Yeso kha pegri ɗoni ti pi pomin khei, kha teɓani ni ti Siman khu wau lapomin khei ali ro ya minago, khamunno am ni puɗon sonom, amma te moro mungɓeno, kha moɗli ɗoro wo moro puɗɗo sono, moro kha temmani kha sokkuro. 45 Khe kha yino sumbam, amma te moro you, tun woni rina nikhei a wosi pakheri sonom. 46 Khe kha pakiri sono kha morrim, amma te moro pakuro sono kha sillew. 47 Lunkhu kikhei, te wo ɗigi kha ɗigsik gɓuɗe moro mungho gɓuɗe, amma miya wo puɗezun yokol, "Khire kha kyoɓi menan yokol." 48 Tini khei khire kha teɓron, "Puɗe gi ɗigsigi?" 49 Ma lenya wo mikhe ɗigi kha sun mikhe kha khebsi yi paro kha sabzun, "Dima a miya nog mikhei wo ɗigi ta puɗi ɗigsigi"? 50 Yeso kha teɓani ti pomini, liyaɓongji ma peron kha khi kobo kha kyog rosso."